Astro Tips: హిందూ ధర్మంలో కలశానికి విశిష్ట స్థానం.. ఇంట్లో వాస్తు దోష నివారణకు ఎక్కడ ఉంచాలంటే..

Kalash Puja Tips

నేటి మానవుడి జీవితం. ఉరుకుల పరుగుల మయం.. సుఖ దుఃఖాలతో నిండి ఉంటుంది. అయితే  కొన్నిసార్లు ఎవరి జీవితంలోనైనా కొన్ని సమస్యలు వస్తాయి. ఆ సమస్యలు వదిలిపోవు. జీవితానికి సంబంధించిన అన్ని రకాల కష్టాల నుండి బయటపడటానికి ఆనందం, అదృష్టం పొందడానికి హిందూమతంలో కలశాన్ని పూజించడం అత్యంత శ్రేష్ఠమైన మార్గం అని నమ్మకం. సకల దేవతలు, గ్రహాలు కలశంలో నివసిస్తాయని.. ఇంకా చెప్పాలంటే విశ్వానికి కలశం చిహ్నం అని అది లేకుండా ఏ పూజ సంపూర్ణం కాదని పేర్కొన్నారు.  కుంభం లేదా కలశంకు సంబంధించిన దోష నివారణ గురించి వివరంగా తెలుసుకుందాం.

వృత్తి, వ్యాపార అభివృద్ధి కోసం..

ఎన్ని ప్రయత్నాలు చేసినా కెరీర్‌లో ఆశించిన విజయాన్ని పొందలేకపోయినా లేదా మీ వ్యాపారంలో లాభానికి బదులుగా నష్టాన్ని ఎదుర్కొంటున్నట్లయితే.. ఈ రెండింటిలో పురోగతి సాధించడానికి మీరు కలశానికి సంబంధించిన జ్యోతిష్య పరిహారాన్ని ఒకసారి ప్రయత్నించి చూడండి. జ్యోతిష్య శాస్త్రం ప్రకారం అక్షతలతో నిండిన కొత్త రాగి పాత్రను పూజ గదిలో ఉంచడం వల్ల వృత్తి, వ్యాపారానికి సంబంధించిన కోరికలు నెరవేరుతాయి. అయితే కలశానికి సంబంధించిన ఈ పరిహారం ఎవరికీ చెప్పకుండా.. ఎవరూ చూడకుండా చేయవలసి ఉంటుందని గుర్తుంచుకోండి.

డబ్బుల ఇబ్బంది తీరడానికి

కొంతమంది తమ జీవితంలో ఎంత కష్టపడి పనిచేసినా.. ఎంత డబ్బు సంపాదించినా డబ్బులు తమ వద్ద నిలవడం లేదని వాపోతుంటారు. జీవితంలో డబ్బుకు సంబంధించిన సమస్య ఉంటే.. అప్పుడు కలశాన్ని సంబంధించిన పరిహారాన్ని తప్పక చేయాలి. జ్యోతిష్య శాస్త్రం ప్రకారం లక్ష్మీదేవి అనుగ్రహం పొందడానికి,  ఒక కలశంలో అక్షతలు, బియ్యం, గోధుమలతో పాటు ఐదు నాణేలను ఉంచిన తర్వాత ఎర్రటి గుడ్డతో కలశాన్ని కప్పాలి. ఆ తరువాత ఈ కలశాన్ని డబ్బులు పెట్టుకునే ప్లేస్ లో ఉంచండి. స్వచ్ఛత,  విశ్వాసంతో ఈ పరిహారం చేయడం ద్వారా అద్భుత ప్రయోజనాలు లభిస్తాయని నమ్ముతారు.

వాస్తు దోష నివారణకు

హిందూ మతంలో కలశాన్ని గణపతి స్వరూపంగా పరిగణిస్తారు. సనాతన సంప్రదాయంలో దీనిని అంగారక చిహ్నంగా ఉపయోగించటానికి ఇదే కారణం. శుభం, అదృష్టానికి చిహ్నంగా భావించే ఈ కలశం ఇంటికి సంబంధించిన అన్ని రకాల వాస్తు దోషాలను కూడా తొలగిస్తుంది. జ్యోతిష్య శాస్త్రం ప్రకారం, వాస్తు దోషాలు,  ప్రతికూల శక్తిని తొలగించడానికి ఇంట్లో ఈశాన్య మూలలో అష్టకమాల పైన కలశం మామిడి ఆకులు, పువ్వులు , నాణేలు ఉంచాలి.

ఇంట్లో కలశం ఎక్కడ ఉంచాలంటే

వాస్తు ప్రకారం ఇంట్లో కలశాన్ని ఉంచడానికి కొన్ని ప్రదేశాలు చాలా పవిత్రమైనవిగా భావిస్తారు. జ్యోతిష్య శాస్త్రం ప్రకారం గృహ ప్రవేశ ద్వారం వద్ద కలశాన్ని ఉంచడం వల్ల సిరిసంపదలు, సుఖ సంతోషాలు కలుగుతాయి. అదేవిధంగా పూజగదిలో గంగాజలం నింపిన కలశాన్ని ఉంచడం శుభప్రదంగా భావిస్తారు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

Note: (ఇక్కడ ఇచ్చిన సమాచారం నమ్మకం మీద ఆధారపడి ఉంటుంది.. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)