Breaking News
  • గ్రీన్ ఇండియా ఛాలెంజ్‌లో పాల్గొన్న మ‌హేశ్‌. పుట్టిన‌రోజు ఇంత కంటే గొప్ప‌గా సెల‌బ్రేట్ చేసుకోలేన‌ని ట్వీట్‌. తార‌క్‌, విజ‌య్‌, శృతిహాస‌న్‌ను నామినేట్ చేసిన‌ మ‌హేశ్‌. ఈ కార్య‌క్ర‌మం చెయిన్ కంటిన్యూ కావాల‌ని, స‌రిహ‌ద్దులు దాటాల‌ని కోరిన మ‌హేశ్‌. ప‌చ్చ‌ద‌నం వైపు అడుగులు వేద్దామ‌న్న మ‌హేశ్‌. ఎంపీ సంతోష్ కుమార్‌ను అభినందించిన మ‌హేశ్‌.
  • నిజామాబాద్ : ఎమ్మెల్సీ వీజీ గౌడ్​కు కరోనా పాజిటివ్​ . ఆయన భార్య, కుమారుడికి కూడా పాజిటివ్ నిర్ధారణ. నిమ్స్‌లో కరోనా పరీక్షలు చేయించుకున్నట్లు వీజీ గౌడ్. హైద్రాబాద్ లో హోం క్వారంటైన్‌లో ఎమ్మెల్సీ కుటుంబం.
  • దేశవ్యాప్తంగా ఒక్క రోజులో 64,399 కరోనా కొత్త కేసులు నమోదు. 24 గంటల వ్యవధిలో దేశవ్యాప్తంగా 861 మంది మృతి. దేశంలో ఇప్పటి వరకు నమోదైన కేసుల సంఖ్య 21,53,011. యాక్టివ్ కేసుల సంఖ్య 6,28,747, కోలుకుని డిశ్చార్జైనవారు 14,80,885. కోవిడ్-19 మహమ్మారి కారణంగా చనిపోయినవారు 43,379 మంది.
  • విజయవాడ: ఐడెంటిఫికేషన్ పూర్తి.. స్వర్ణా ప్యాలెస్ అగ్ని ప్రమాద ఘటనలో మృతి చెందిన వివరాలు... డోక్కు శివ బ్రహ్మయ్య, మచిలీపట్నం (58) పూర్ణ చంద్ర రావు.. మొవ్వ , సుంకర బాబు రావు ,సింగ్ నగర్ (రిటైర్డ్ ఎస్సై.) మజ్జి గోపి మచిలీపట్నం సువర్ణ లత పొన్నూరు, నిడుబ్రోలు వెంకట లక్ష్మి సువర్చలా దేవి,(జయ లక్ష్మి ) కందుకూరు పవన్ కుమార్ కందుకూరు..ఎం అబ్రహం.. చర్చి ఫాథర్...జగ్గయ్య పేట రాజకుమారి అబ్రహం జగ్గయ్యపేట రమేష్, విజయవాడ.
  • సంగారెడ్డి జిల్లా కలెక్టర్, ఎస్పీ, జిల్లా వైద్య శాఖ సిబ్బంది, ఎంపీ, ఎమ్మెల్యేలు, ఎమ్మె ల్సీ, మున్సిపల్ కమిషనర్లు, మున్సిపల్ ఛైర్మన్లు, కౌన్సిలర్లు, జెడ్పీటీసీలు, ఎంపీటీసీలు, సర్పంచ్ లతో కోవిడ్ పై మంత్రి హరీశ్ రావు హైదరాబాద్ లోని తన నివాసం నుంచిటెలి కాన్ఫరెన్స్ నిర్వహించారు.
  • భారత్-చైనా సరిహద్దుల్లో భూకంపం రిక్టర్ స్కేలుపై తీవ్రత 4.1గా నమోదు చైనాలోని తూర్పు షిజాంగ్ - భారత్ సరిహద్దుల్లో భూకంప కేంద్రం.

మెట్టు దిగిన శివసేన.. కొత్త ప్రతిపాదనేంటంటే ?

sivasena came up with new formula, మెట్టు దిగిన శివసేన.. కొత్త ప్రతిపాదనేంటంటే ?

శివసేన మెట్టు దిగుతోంది.. ముఖ్యమంత్రి పీఠాన్ని చెరి రెండున్నరేళ్లు షేర్ చేసుకోవాలన్న ప్రధాన డిమాండ్‌ని పక్కన పెట్టేందుకు సిద్దమవుతోంది. అందుకే ప్రతిపాదన మార్చి బిజెపి ముందుకు తెచ్చింది. అయితే.. శివసేన కొత్త ప్రతిపాదనపై కూడా బిజెపి అంతగా సుముఖంగా లేకపోవడంతో మహారాష్ట్ర రాజకీయ సంక్షోభం ఇంకా కొనసాగుతూనే వుంది.

అసెంబ్లీ ఫలితాలు వెలువడినప్పట్నించి ఎవరికి వారే ప్రకటనలకు పరిమితమై పరస్పరం చర్చలకు కూడా సిద్దపడని బిజెపి, శివసేన పార్టీల మధ్య ఫార్మల్ చర్చలు మొదలయ్యాయి. ఫలితాలు వెలువడుతుండగానే ముఖ్యమంత్రి పీఠాన్ని చెరి రెండున్నరేళ్లు పంచుకోవాలన్న డిమాండ్‌ను శివసేన రాజ్యసభ సభ్యుడు సంజయ్ రౌత్ తెరమీదికి తెచ్చారు. ఆ తర్వాత పలువురు శివసేన నేతలు కూడా అదే స్వరాన్ని వినిపించారు. కొందరైతే అడుగు ముందుకేసి.. మహారాష్ట్రలో ఏర్పడబోయే కొత్త ప్రభుత్వం రిమోట్ కంట్రోల్ ఉద్ధవ్ థాక్రే చేతిలో వుంటుందని చెప్పుకొచ్చారు.

ఈ నేపథ్యంలో మహారాష్ట్రలో అసలు బిజెపి-శివసేన సంకీర్ణ ప్రభుత్వం కొలువు దీరుతుందా లేక కొత్త రాజకీయ సమీకరణలు ఏమైనా జరుగుతాయా అన్న సందేహాలు వ్యక్తమయ్యాయి. దానికి తోడు శివసేనను కలుపుకునేందుకు కాంగ్రెస్ పార్టీ రెడీ అంటూ ఆ పార్టీ నేతలు కొందరు కూడా కామెంట్ చేశారు. దాంతో శివసేన, కాంగ్రెస్, ఎన్సీపీ పార్టీల సంకీర్ణ సర్కార్ కూడా కొలువు దీరే అవకాశాలున్నాయంటూ వార్తలు, కథనాలు వెలుగులోకి వచ్చాయి.

అయితే.. వీటన్నంటికీ తెరదించుతూ శివసేన-బిజెపి మధ్య ఫార్మల్ చర్చలు మొదలయ్యాయి. అయితే ఈ చర్చలు సానుకూలంగా ఎంత దూరం వెళతాయన్నది సందేహంగానే కనిపిస్తోంది. ఎందుకంటే.. శివసేన ముఖ్యమంత్రి పీఠం వదులుకునేందుకు సిద్దపడుతున్నా.. అందుకు బదులుగా కీలకమైన కేబినెట్ పోర్టుఫోలియోలను అడుగుతోంది. హోం, అర్బన్ డెవెలప్‌మెంట్, రెవెన్యూ శాఖలను శివసేనకు కేటాయించాలని శివసేన కండీషన్ బిజెపి ముంగిట పెట్టింది.

అయితే.. వచ్చే అయిదేళ్ళు తానే ముఖ్యమంత్రి నంటూ ఇదివరకే ప్రకటించిన దేవేంద్ర ఫడ్నవీస్.. శివసేన అడుగుతున్న పోర్టుఫోలియోలను ఇచ్చేందుకు పేచీ పెడుతున్నారు. రెవెన్యూ, హౌజింగ్, రూరల్ డెవలప్‌మెంట్ పోర్టుఫోలియోలను ఇచ్చేందుకు ఆయన ఓకే అంటున్నారు. హోం శాఖతోపాటు ముంబయి మహానగరంతో ముడిపడి వున్న అర్బన్ డెవలప్‌మెంట్ పోర్టుఫోలియోలను ఇచ్చేందుకు ఫడ్నవీస్ ససేమిరా అంటున్నారు.

శివసేన, బిజెపిలకు చెందిన క్యాంపుల నుంచి అత్యంత కీలక సమాచారం మీడియాకు వెల్లడైంది. విశ్వసనీయ వర్గాల సమాచారం మేరకు ముఖ్యమంత్రి పీఠాన్ని పంచుకునేందుకు బిజెపి సిద్దంగా లేకపోవడంతో కనీసం కేబినెట్‌లోనైనా సమాన సంఖ్యలో పదవులు పొందాలని శివసేన భావిస్తోంది. దాంతో పాటు కీలకమైన హోం, అర్బన్ డెవలప్‌మెంట్, రెవెన్యూ శాఖలను తమ పార్టీకి కేటాయించాలని పట్టుబడుతోంది. శివసేనని కాదని బిజెపి ఎలాగో ప్రభుత్వాన్ని ఏర్పాటు చేయలేదు కాబట్టి అత్యంత కీలకమైన పోర్టుఫోలియోలనైనా పొందాలన్న వ్యూహం శివసేన అధినాయకత్వంలోకనిపిస్తోంది. కీలకమైన పోర్టుఫోలియోలిచ్చేందుకు కూడా బిజెపి సిద్దంగా లేకపోతే సమస్య మళ్ళీ మొదటికి రాకతప్పదని శివసేన ప్రతినిధులు అంటున్నారు.

1995 నుంచి సంకీర్ణ ప్రభుత్వాలను చూస్తున్న మహారాష్ట్రలో తొలి నాళ్ళలో శివసేన ముఖ్యమంత్రి పదవిని అధిరోహించి, బిజెపికి డిప్యూటీ సీఎం పోస్టు ఇచ్చింది. హోం శాఖ వంటి కీలక శాఖలను కూడా బిజెపికి కేటాయించింది శివసేన. అదే పార్ములాను ఇప్పుడు బిజెపి అవలంభించాలని, ముఖ్యమంత్రి పీఠాన్ని తీసుకుంటున్నప్పుడు కీలకమైన పోర్టు ఫోలియోలను శివసేనకు ఇస్తే తప్పేంటని శివసేన నేతలు ప్రశ్నిస్తున్నారు. అయితే శివసేన వాదనలో అర్థమే లేదంటున్నారు కమలనాథులు. రెండు పార్టీలు గెలిచిన సీట్ల నెంబర్‌లో తేడాని చూడాల్సిన అవసరం వుందంటున్నారు. బిజెపి 105 సీట్లలో గెలిస్తే.. శివసేన 56 సీట్లలో మాత్రమే గెలిచిన సంగతి వారు గుర్తు చేస్తున్నారు. మొత్తానికి ఈ పంచాయితీ మరో వారం కొనసాగే సంకేతాలున్నాయని తెలుస్తోంది.

Related Tags