Breaking News
  • కాశ్మీర్లో ఉగ్రవాదుల గ్రనేడ్ దాడి. అనంత్‌నాగ్ సమీపంలోని బిజ్‌బెహారా వద్ద ఘటన. సీఆర్పీఎఫ్ క్యాంపుపై గ్రనేడ్ విసిరిన ఉగ్రవాదులు. ఘటనలో ఎవరూ గాయపడలేదని సీఆర్పీఎఫ్ వెల్లడి.
  • మూడోరోజు రాత్రి శ్రీవేంకటేశ్వర స్వామి వారికి జరిగే సుకుమార సేవగా ముత్యపుపందిరి వాహనాన్ని చెప్పవచ్చు. ముక్తి సాధనకు ముత్యం లాంటి స్వచ్ఛమైన మనసు కావాలని లోకానికి ఈ వాహనం ద్వారా స్వామివారు చాటి చెబుతారు. శ్రీనివాసుడు ముత్యపు పందిరిపై మనోరంజకంగా దర్శనమిస్తూ భక్తులకు కనువిందు చేస్తాడు.
  • రానున్న జిహెచ్ఎంసి ఎన్నికల నేపథ్యంలో అన్ని రాజకీయ పార్టీలకు రాష్ట్ర ఎన్నికల సంఘం లేఖ. కోవిడ్ నేపథ్యంలో బ్యాలెట్ పేపర్ లేదా ఈవీఎంల ద్వారా ఎన్నికల నిర్వహణకు సంబంధించి పార్టీల అభిప్రాయం తెలపాలని సూచన. ఈనెల 30వ తేదీ లోపు తమ అభిప్రాయాలు, సూచనలు ఇవ్వాలని లేఖలో పేర్కొన్న రాష్ట్ర ఎన్నికల సంఘం. ఈనెల 30వ తేదీ తరువాత ఇచ్చే సూచనలు పరిగణనలోకి తీసుకోబడవని తేల్చి చెప్పిన రాష్ట్ర ఎన్నికల సంఘం.
  • కోవిడ్ సమయంలో ఎన్నికల నిర్వహణపై ముగిసిన అంతర్జాతీయ సదస్సు. వీడియో కాన్ఫరెన్సు ద్వారా చర్చించుకున్న పలు దేశాల ఎన్నికల సంఘాలు. స్వేచ్ఛాయుతంగా, పారదర్శకంగా సకాలంలో ఎన్నికల నిర్వహణపై చర్చ. కోవిడ్ సమయంలో ఎన్నికల నిర్వహణపై అభిప్రాయాలు, అనుభవాలు, ఆలోచనలను పంచుకున్న ఎన్నికల సంఘాలు. మహమ్మారి సందర్భంగా అనుసరించాల్సిన ప్రొటోకాల్స్‌పై మేథోమధనం.
  • 2021-22 సంవత్సరానికి ఆరు రబీ పంటలకు కనీస మద్దతు ధరను పెంచుతూ కేంద్రం నిర్ణయం. లోక్ సభలో ప్రకటన చేసిన కేంద్ర వ్యవసాయ శాఖ మంత్రి నరేంద్రసింగ్ తోమర్. మద్దతు ధర తొలగించబడుతుందనే అసత్యాలు తొలగించడానికి కేంద్ర ప్రభుత్వం స్పష్టమైన సందేశాన్ని ఇస్తుంది. గోధుమలకు క్వింటాకు 50రూ పెంపు. శెనగలు క్వింటాకు 225 రు పెంపు. మసూర్ దాల్ క్వింటాకు 300రూ పెంపు. ఆవాలు క్వింటాకు 225రూ పెంపు. బార్లీ క్వింటాకు 75రూ పెంపు. కుసుమలు క్వింటాకు 112 రూ పెంపు.
  • ఈనెల 28,29న తెలంగాణ ఎంసెట్ అగ్రికల్చర్, మెడికల్ ప్రవేశ పరీక్ష. ఆన్లైన్ ద్వారా పరీక్ష నిర్వహించనున్న జేఎన్టీయూ. మొత్తం 84 పరీక్ష కేంద్రాల్లో 67 తెలంగాణ,17 ఏపీ పరీక్ష కేంద్రాల ఏర్పాటు. పరీక్ష కు హాజరుకానున్న 78970 మంది విద్యార్థులు. రెండు రోజులు రెండు సెషన్స్ లో ఎక్జాం. నేటి నుండి ఈనెల 25 హాల్ టికెట్స్ వెబ్ సైట్ లో అందుబాటు.
  • మాజీ అడ్వకేట్ జనరల్ దమ్మాలపాటి శ్రీనివాస్ కేసులో సుప్రీం కోర్టులో పిటిషన్ దాఖలు చేసిన ఏపీ ప్రభుత్వం . ఏపీ హైకోర్టు ఇచ్చిన స్టే ఎత్తివేయాలని పిటిషన్ లో వినతి. దర్యాప్తును నిలిపివేస్తూ కొద్ది రోజుల క్రితం తీర్పునిచ్చిన హైకోర్టు. కేసు దర్యాప్తుపై స్టే విధించడం వల్ల కీలకమైన ఆధారాలను నిందితులు నాశనం చేసే అవకాశం ఉందని పిటిషన్లో వాదన.

Covid 19: రేపే రష్యా వ్యాక్సిన్ విడుదల.. కానీ

కరోనాపై ప్రపంచమంతా యుద్ధం చేస్తోన్న వేళ రష్యా ఓ గుడ్‌న్యూస్‌ వినిపించింది. గమ్‌ కోవిడ్‌ వ్యాక్‌ లయో పేరుతో రష్యా తయారు చేసిన వ్యాక్సిన్‌ ఆగష్టు 12న విడుదల కానుంది.
Russia Covid 19 vaccine, Covid 19: రేపే రష్యా వ్యాక్సిన్ విడుదల.. కానీ

Russia Covid 19 vaccine: కరోనాపై ప్రపంచమంతా యుద్ధం చేస్తోన్న వేళ రష్యా ఓ గుడ్‌న్యూస్‌ వినిపించింది. గమ్‌ కోవిడ్‌ వ్యాక్‌ లయో పేరుతో రష్యా తయారు చేసిన వ్యాక్సిన్‌ ఆగష్టు 12న విడుదల కానుంది. ఈ విషయాన్ని ఆ దేశ ఆరోగ్య శాఖ మరోసారి స్పష్టం చేసింది. దేశంలోని ప్రతి ఒక్కరికీ ఈ టీకాను ఇచ్చేందుకు ఏర్పాట్లు జరుగుతున్నాయని, ఈ వారంలోనే వ్యాక్సిన్‌ను నమోదు చేసే ప్రక్రియ పూర్తవుతుందని ఆరోగ్య శాఖ అధికారులు స్పష్టం చేశారు. రష్యాలోని గమలేయా రీసెర్చ్‌ ఇన్‌స్టిట్యూట్, ఆ దేశ రక్షణ మంత్రిత్వ శాఖలు ఈ టీకా తయారు చేశాయి. వ్యాక్సిన్‌ వేసుకున్న 21వ రోజుకు వైరస్‌ను అడ్డుకునేలా రోగనిరోధక వ్యవస్థ బలోపేతం అవుతుందని, రెండో డోస్‌తో ఇది రెట్టింపు సామర్థ్యం సాధిస్తుందని సమాచారం.

ఇక ఈ టీకాను అడినోవైరస్‌ భాగాలతో చేసినట్లు స్పుత్నిక్‌ వార్తా సంస్థ వెల్లడించింది. జూన్‌లో 76 మంది వాలంటీర్లపై క్లినికల్ ట్రయల్స్ నిర్వహించామని, వారిలో సగం మందికి ఇంజక్షన్ రూపంలో, మిగతావారికి పౌడర్ రూపంలో వ్యాక్సిన్ ఇచ్చామని అధికారులు తెలిపారు. రెండు రకాల పరీక్షల్లోనూ ఈ వ్యాక్సిన్ మంచి ఫలితాలను ఇచ్చిందని, అందరిలోనూ వ్యాధి నిరోధక శక్తి పెరిగిందని అధికారులు వెల్లడించారు.

ఇదిలా ఉంటే రష్యా తయారు చేసిన ఈ వ్యాక్సిన్‌పై పలు అనుమానాలు వ్యక్తమవుతున్నాయి. ప్రపంచ ఆరోగ్య సంస్థ సైతం రష్యా టీకా ప్రకటనలపై ఆందోళన వ్యక్తం చేసింది. వ్యాక్సిన్ తయారీకి తాము సూచించిన మార్గదర్శకాలను పాటించాలని సూచించింది.  మరోవైపు రష్యా వ్యాక్సిన్‌ విడుదల ప్రకటపై అమెరికా భిన్నంగా స్పందించింది. వ్యాక్సిన్‌ను అన్ని రకాలుగా పరీక్షించి, ఫలితాలను నిర్దారించుకున్న తరువాతే రష్యా ఈ నిర్ణయం తీసుకొని ఉంటుందని భావిస్తున్నామని అమెరికా అంటువ్యాధుల విభాగం నిపుణుడు ఆంటోనీ ఫౌచీ అన్నారు. వ్యాక్సిన్ పంపినీ చేసే ముందు ఎలాంటి సమస్యలు తలెత్తకుండా రష్యా మరోసారి ఆలోచించుకోవాలని ఫౌచీ సూచించారు.

Read This Story Also: కరోనాను కట్టడి చేయడం అందుకే కష్టంగా మారింది

Related Tags