పిల్లలు కొత్తవారిని కలిసినప్పుడు ఎందుకు ఏడుస్తారు.. ? నిపుణులు ఏం చెబుతున్నారంటే..
కొత్తవారిని చూస్తే పిల్లలు ఏడవడం సహజం. అపరిచితులను చూస్తే పిల్లలు పెద్దగా ఏడుస్తారు. తల్లిదండ్రుల వెనుక దాక్కుంటారు. ఈ భయం వెనుక గల కారణాలేంటో మీకు తెలుసా..? కొత్తవారిని చూసినప్పుడు పిల్లలు ఎందుకు ఏడుస్తారో ఇక్కడ తెలుసుకుందాం...
చిన్నతనంలో పిల్లల స్వభావం ఇలా ఉంటుందని ఎవరూ చెప్పలేరు. కొంతమంది పిల్లలు ఎక్కువ ఏడుస్తారు. కొంతమంది పిల్లలు ఎక్కువగా నవ్వుతారు. కొంతమంది పిల్లలు అపరిచితులను చూస్తే భయపడతారు. అపరిచిత వ్యక్తుల దగ్గరకు వెళ్లాలంటే భయంతో ఏడ్చేస్తుంటారు.
అపరిచితుల పట్ల పిల్లల భయం చాలా సాధారణం. పిల్లలు తెలిసిన వాటిని ఇష్టపడతారు. ముఖం, స్వరం తెలియని వ్యక్తిని చూస్తే సహజంగానే చాలా భయపడతారు. ఆ భయంతోనే పిల్లలు ఏడుస్తుంటారు.
తెలియని వ్యక్తులను కలుసుకున్నప్పుడు లేదా వారి సంరక్షణలో పిల్లల్ని వదిలిపెట్టాల్సి వచ్చినప్పుడు.. సహజంగా వారు అనుభవించే బాధను స్ట్రేంజర్ ఆందోళన అంటారు. ఇది సాధారణంగా 6 నుండి 8 నెలలలో ప్రారంభమవుతుంది.
పిల్లలు ఎల్లప్పుడూ తమ తల్లిదండ్రులతో సురక్షితంగా భావిస్తారు. కానీ అపరిచిత వ్యక్తులను చూసినప్పుడు ఆ అనుభూతి కలగదు. కాబట్టి సహజంగానే భయం ఉంటుంది. అందుకే పిల్లలు కొత్తవారిని దగ్గరికి వెళ్లాలంటే భయంతో ఏడుస్తారు.
పిల్లల ప్రవర్తన సాధారణంగా ఉంటుంది. చిన్న పిల్లలు అంటే 18 నెలల లోపు పిల్లలు ఇలా ప్రవర్తించడం సహజం. కానీ 18 నెలలు పైబడిన పిల్లలు ఇలా ప్రవర్తిస్తే మాత్రం ఆందోళనకరంగా భావించాల్సిందే.. అలాంటి సందర్భంలో వైద్యులను సంప్రదించడం మంచిది.