పాల ప్యాకెట్స్.. గ్రీన్, బ్లూ, ఆరెంజ్ కలర్లో ఎందుకు ఉంటాయో తెలుసా?
మార్కెట్లో అనేక బ్రాండ్లకు సంబంధించిన పాల ప్యాకెట్స్ అందుబాటులో ఉంటాయి. కానీ అన్నీ చాలా వరకు గ్రీన్, బ్లూ, ఆరెంజ్. లేత గులాబీ రంగుల్లో మాత్రమే ఉంటాయి. మరి మీరు ఎప్పుడైనా ఆలోచించారా? అసలు ఈ రంగుల్లో ఎందుకు ఉంటాయో? కాగా దాని గురించి తెలుసుకుందాం.
చాలా మంది పాల ప్యాకెట్ కవర్ రంగు చూసి, ఇవి కేవలం ప్యాకేజ్లో భాగం మాత్రమే అనుకుంటారు. కానీ పాలప్యాకెట్కు రంగులు ఇవ్వడం వెనుక కొన్ని కారణాలు ఉన్నాయంట. ముఖ్యంగా ఆ రంగులు వాటిలోని కొవ్వు శాతాన్ని తెలియజేస్తాయంట. కాగా, దాని గురించి మనం ఇప్పుడు తెలుసుకుందాం.
ఆరెంజ్ రంగు పాలప్యాకెట్ : ఇది ఫుల్ క్రీమ్ మిల్క్ ప్యాకెట్. ఈ రంగు ప్యాకెట్లోని పాలల్లో దాదాపు 6 శాతం కొవ్వు ఉంటుందంట. పాలు చాలా చిక్కగా, క్రీమీగా ఉంటాయి. వీటిని ఎక్కువగా స్వీట్, పెరుగు, నెయ్యి తయారీకి ఉపయోగిస్తుంటారు.
గ్రీన్ కలర్ పాల ప్యాకెట్ : ఇందులోని పాలు నార్మల్ ఫ్యాట్ ఉండే పాలు. చాలా బ్రాండ్స్ ఈ రంగును ఉపయోగిస్తాయి. ఈ పాలల్లో సుమారు 4.5 శాతం కొవ్వు ఉంటుందంట. అందువలన వీటిని ఎక్కువగా టీ, కాఫీల కోసం మాత్రమే ఉపయోగిస్తారు.
బ్లూ కలర్ పాల ప్యాకెట్ : నీలి రంగు పాల ప్యాకెట్స్ టోన్డ్ మిల్క్ను సూచిస్తుంటాయి. ఇందులో దాదాపు 3 శాతం కొవ్వు ఉంటుంది. ఫుల్ క్రీమ్ పాల కంటే కొంచెం తక్కువ. చాలా మంది వీటిని ఎక్కువా కేవలం పాలు తాగడానికి మాత్రమే కొనుగోలు చేస్తుంటారు.
గులాబీ రంగు పాల ప్యాకెట్ : ఈ రంగు పాల ప్యాకెట్ ఉండే పాలల్లో సుమారు 1.5 కొవ్వు శాతం ఉంటుంది. ఈ పాలు చాలా లేత రంగులో ఉంటాయి. లేతవి కూడా, వీటిని కొన్ని బ్రాండ్స్ డబుల్ డోన్డ్ మిల్క్ అని సూచించడానికి ఈ రంగును ఉపయోగిస్తున్నారు. తక్కువ కొవ్వు ఉండే పాలు కావాలి అనుకునే వారికి ఇది చాలా బెస్ట్ అని చెప్పాలి.