ఉదయాన్నే ఖాళీ కడుపుతో పెరుగన్నం తినే అలవాటు మీకూ ఉందా?
పాలు, పెరుగు తినడం ఆరోగ్యానికి మంచిదన్న సంగతి అందరికీ తెలిసిదే. అయినప్పటికీ దీనిని తినడానికి సరైన సమయం అంటూ ఒకటి ఉంటుందట. ముఖ్యంగా ఉదయం వేళల్లో పాలు, పెరుగు తినడం చాలా ప్రమాదకరం. దీనివల్ల అనేక ఆరోగ్య సమస్యలు వస్తాయని ఆరోగ్య నిపుణులు హెచ్చరిస్తున్నారు..
ఆయుర్వేదం ప్రకారం పెరుగు చల్లదనం కలిగి ఉంటుంది. కాబట్టి దీనిని ఎల్లప్పుడూ మధ్యాహ్నం పూట తినడం ఉత్తమం. ఈ సమయంలో జీర్ణక్రియ బాగా జరిగి, శరీరం పెరుగులోని పోషకాలను సులభంగా గ్రహిస్తుంది.
పెరుగులో పోషకాలు అధికంగా ఉంటాయి. ఇది శరీర శక్తి స్థాయిని పెంచుతుంది. అలాగే మీకు అలసిపోయి బలహీనంగా అనిపిస్తే క్రమం తప్పకుండా పెరుగు తినడం మంచిది.
చలి రోజుల్లో, ముఖ్యంగా ఉదయం లేదా రాత్రి సమయంలో పెరుగు తినడం మానుకోవాలి. పెరుగులో వేయించిన జీలకర్ర పొడిని జోడించడం వల్ల జీర్ణక్రియకు మరింత ప్రయోజనకరంగా ఉంటుంది. అలాగే, పెరుగులో చక్కెర లేదా ఉప్పు జోడించడం వల్ల దాని రుచి పెరగడమేకాకుండా రెట్టింపు ప్రయోజనాలను అందిస్తుంది.
Curd Side Effects
కొన్నిసార్లు పెరుగులోని ఆరోగ్యకరమైన బ్యాక్టీరియా మొత్తం ఆరోగ్యానికి మేలు చేస్తుంది. అయితే ఖాళీ కడుపుతో మాత్రం దీనిని తీసుకోకూడదు. ఇది యాసిడ్ రిఫ్లక్స్కు దారితీస్తుంది.