అశ్రద్ధ చేయకండి.. చలికాలంలో ఇలాంటి లక్షణాలు కనిపిస్తే డేంజర్.. బయట పడాలంటే ఇలా చేయండి..
విటమిన్ డి లోపం వల్ల కలిగే హాని గురించి మీరు తెలుసుకునే వరకు దాని ప్రాముఖ్యతను మీరు అర్థం చేసుకోలేరు. సూర్యకాంతి నుంచి లభించే ఈ పోషకం మన శరీరానికి చాలా అవసరం..ఇంకా ముఖ్యమైనది. విటమిన్ డీ లోపం వల్ల ఎలాంటి ఆరోగ్య సమస్యలు వస్తాయో తెలుసుకోండి..
విటమిన్ డి మన శరీరానికి చాలా ముఖ్యమైనది. ఒక వ్యక్తి తన శరీరంలో ఈ ముఖ్యమైన పోషకం (విటమిన్ డీ).. లోపం ఉందని సులభంగా గ్రహించలేకపోవచ్చు.. కానీ కొన్ని లక్షణాలను గమనించిన తర్వాత అంచనా వేయవచ్చు. ఈ పోషకాలు మనకు చాలా ఉపయోగకరంగా ఉంటాయి. కాల్షియం శోషణలో సహాయం చేయడం, ఎముకలను బలంగా ఉంచడం, జన్యువులు, కణాల పెరుగుదలను నియంత్రించడం, రికెట్స్, బోలు ఎముకల వ్యాధిని నివారించడం, రోగనిరోధక వ్యవస్థను నియంత్రించడం అలాగే బలంగా మార్చడం వంటి వాటిలో విటమిన్ డీ సహాయపడుతుంది. అయితే.. విటమిన్ డి లోపం ఉంటే శరీరానికి ఎలాంటి హాని కలుగుతుందో తెలుసుకోవడం చాలా ముఖ్యం.. విటమిన్ డీ లోపం ఉంటే.. కండరాల నొప్పి, ఎముకల నొప్పి.. సున్నితత్వం పెరిగడం.. చేతులు లేదా కాళ్ళలో నొప్పితోపాటు అనే అలసట.. బలహీనత లాంటి లక్షణాలు కనిపిస్తాయి..
ఎండలో కూర్చోవడం మర్చిపోవద్దు: శీతాకాలంలో.. మనం తరచుగా ఇంటి లోపల ఉండటానికి ఇష్టపడతాము.. కానీ మీరు రోజుకు 10 నుంచి 20 నిమిషాలు తప్పనిసరిగా ఎండలో కూర్చోవాలి.. ఇది శరీరంలో విటమిన్ డి లోపాన్ని నివారిస్తుంది. చలికాలంలో చాలా రోజులు సూర్యరశ్మి లేకపోతే, ఈ పోషకాలు పుష్కలంగా ఉన్న కొన్ని ఆహారాలు తినవచ్చు. కొవ్వు చేపలు, జంతువుల కాలేయం, గుడ్డు పచ్చసొన, పాలు, బాదం పాలు, సోయా పాలు, నారింజ రసం మొదలైనవి.. విటమిన్ డి లోపం వల్ల కలిగే నష్టాలు ఏంటో తెలుసుకోండి..
రోగనిరోధక శక్తి బలహీనంగా మారుతుంది: విటమిన్ డి సహాయంతో, మన రోగనిరోధక శక్తి బలపడుతుంది.. ఇది జలుబు, దగ్గు, ఫ్లూతో సహా అనేక వైరల్ వ్యాధుల ప్రమాదాన్ని తగ్గిస్తుంది.. కానీ అది లోపిస్తే, మనం త్వరగా అనారోగ్యానికి గురవుతాము.. మళ్లీ కోలుకోవడానికి కూడా సమయం పడుతుంది.
అలసట: విటమిన్ డి లోపం వల్ల మన కండరాలు, ఎముకలు బలహీనపడతాయి. దీని కారణంగా మనం తరచుగా అలసటను ఎదుర్కోవలసి వస్తుంది. ఎముకల బలానికి కాల్షియం అవసరం, దాని శోషణకు విటమిన్ డి అవసరం..
కీళ్ల నొప్పులు: విటమిన్ డి తీసుకోవడం తగ్గించిన వారికి కీళ్ల నొప్పులు మొదలవుతాయి. ఇప్పటికే ఈ సమస్య ఉన్నవారికి, వారి నొప్పులు పెరుగుతాయి. అందుకే ఉదయాన్నే సూర్యరశ్మిలో ఉండాలి.. దీంతో ఈ లోపాన్ని అధిగమించవచ్చు..
డిప్రెషన్: విటమిన్ డి మన మానసిక స్థితిని మెరుగుపరుస్తుందని అనేక పరిశోధనలలో రుజువైంది.. ఈ ముఖ్యమైన పోషకం లోపం ఉంటే డిప్రెషన్, ఒత్తిడి పెరిగే ప్రమాదం ఉంది. ఉత్తర ధ్రువానికి సమీపంలో ఉన్న అనేక దేశాలలో, చాలా నెలలు సూర్యుడు ఉదయించనప్పుడు అక్కడి ప్రజల శరీరంలో విటమిన్ డి లోపాన్ని గుర్తించారు.. దీని కారణంగా ప్రజలు ఒత్తిడికి గురవుతారని అనేక అధ్యయనాలు చెప్పాయి. (నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే ఆరోగ్య నిపుణులను సంప్రదించండి.)