చాలా బరువు తగ్గడానికి కడుపు కాల్చుకుంటూ ఉంటారు. అయితే సరైన ఆహారం తీసుకోవడం వల్ల కూడా బరువు తగ్గొచ్చంటున్నారు నిపుణులు. మీ బరువును అదుపులో ఉంచుకోవడానికి ఇకపై కఠినమైన ఆహార అలవాట్లు ఫాలో అవ్వవలసిన అవసరం లేదు. హాయిగా కడుపు నిండుగా తినేయొచ్చన్నమాట.
ఆయిల్ స్పైసీ ఫుడ్, జంక్ ఫుడ్ తక్కువగా తింటే ఊబకాయం మిమ్మల్ని ఇబ్బంది పెట్టదు. దీనిపతోపాటు క్రమం తప్పకుండా వ్యాయామం చేయాలి. కూరగాయలు, ధాన్యాలు, పండ్లు మొదలైన వాటిని తినడం వల్ల బరువు అదుపులో ఉంటుంది. అయితే ఈ కింది 5 కూరగాయలు ప్రతిరోజూ తింటే బరువు సులువుగా తగ్గుతారు.
ముఖ్యంగా సొరకాయ బరువు తగ్గడంలో సహాయపడుతుంది. ఈ వెజిటేబుల్స్లో నీరు, ఫైబర్ అధికంగా ఉంటాయి. ఇవి కడుపు నిండుగా ఉంచుతాయి. కేలరీలు తక్కువగా ఉండటం వల్ల బరువు పెరుగుతారనే భయం కూడా ఉండదు.
తక్కువ క్యాలరీలు, పీచుపదార్థాలు ఎక్కువగా ఉండే ఆహారాల జాబితాలో కాలీఫ్లవర్ ఒకటి. ఈ రోజుల్లో కాలీఫ్లవర్ ఏడాది పొడవునా అందుబాటులో ఉంటుంది. ఇది శరీరంలోని హార్మోన్లను సమతుల్యం చేసి బరువును తగ్గిస్తుంది. రోజువారీ ఆహారంలో క్యారెట్ తినడం వల్ల బరువు సులభంగా తగ్గుతారు. విటమిన్లు అధికంగా ఉండే క్యారెట్లో ఫైబర్ కూడా ఉంటుంది. కేలరీలు కూడా తక్కువ. కాబట్టి క్యారెట్ తినడం వల్ల బరువు తగ్గవచ్చు.
అలాగే కాకర కాయ కూడా తినొచ్చు. ఈ కూరగాయ రక్తంలోని చక్కెర స్థాయిలను అదుపులో ఉంచుతుంది. అంతేకాకుండా కడుపు కొవ్వును సులువుగా తొలగిస్తుంది. రోజువారీ ఆహారంలో కీరదోస తీసుకోవడం మర్చిపోవద్దు. కీర దోసయలో నీరు, ఫైబర్ ఎక్కువగా ఉంటుంది. దోసకాయను పెరుగుతో తినొచ్చు. లేదంటే అలాగే తిన్నా బరువు తగ్గడం ఖాయం.