Hyderabad: ఒక్క సిగరెట్తో లక్షల ఆస్తి నష్టం.. ఏం జరిగిందంటే..?
చిన్న పొరపాటు చాలు.. పెను ప్రమాదాలు సంభవించడానికి.. ఆదమరిచి.. అలసత్వంగా వ్యవహరిస్తే ప్రాణాలు పోతాయి.. చివరికి బూడిదే మిగిలుతుంది. తాజాగా బోరబండంలో జరిగిన అగ్ని ప్రమాదం గురించి తెలుసుకుందాం పదండి.
ప్రజంట్ సమ్మర్ సీజన్ నడుస్తుంది. ఎండలు మండిపోతున్నాయి. అప్రమత్తంగా లేకపోతే.. అగ్ని ప్రమాదాలు జరిగే అవకాశం ఉంటుంది. తాజాగా బోరబండలోని బస్తీ లేబర్ అడ్డాలో రోడ్డు పక్కనే అక్రమంగా డీజిల్, పెట్రోల్ అమ్ముతున్న దుకాణంలో ఒక్కసారిగా మంటలు వ్యాపించాయి.
ఈ మంటల తీవ్రతకు మెకానిక్ షెడ్లోని కారు, ఆటో, రెండు ద్విచక్ర వాహనాలు మంటల్లో పూర్తిగా కాలిపోయాయి. మహ్మద్ లతీక్ అనే వ్యక్తి అక్కడ మెకానిక్ షెడ్ నడుపుతున్నాడు. అంతేకాకుండా పెట్రోల్, డీజిల్‌ను క్యాన్లలో తెచ్చి అమ్ముతుంటాడు.
గురువారం మధ్యాహ్నం తన కారులో తెచ్చిన పెట్రోల్, డీజిల్‌లను డబ్బాలలో నింపుతూ.. సిగరెట్ వెలిగించాడు. ఒక్కసారిగా పెట్రోల్ ఉన్న బాటిల్కు ఆ నిప్పు అంటుకుని భారీగా మంటలు చెలరేగాయి. అక్కడ్నుంచి పరుగులు తీయడంతో అతడు ప్రాణాలతో బయటపడ్డాడు.
కానీ కారుతో సహా మొత్తం మెకానిక్ షెడ్అందులోని ఐదు లక్షలు విలువ చేసే బైక్స్, ఆటో పూర్తిగా కాలిపోయాయి. ఆ షాపు పక్కనే ఉన్న చికెన్ షాపు సైతం దగ్ధమైంది. స్థానికులు భయాందోళనలతో పరుగులు తీశారు.
అగ్నిమాపక సిబ్బందికి స్థానికులు సమాచారం అందించడంతో.. సకాలంలో మంటలు అదుపు చేయడంతో పెను ప్రమాదమే తప్పినట్లు అయ్యింది. మంటలు ఆర్పేందుకు స్థానికులు కూడా సాయం చేశారు.