బైక్ కు ఇంజిన్ ఆయిల్ అనేది ప్రాణం వంటిది. ఇది బైక్ ఇంజిన్ ఎక్కువ కాలం పని చేసేలా చూస్తుంది. అందుకవల్ల కల్తీ లేని ఇంజిన్ ఆయిల్ వాడాలి. ఇంజిన్ ఆయిల్ ఆయిల్ లెవల్స్ చెక్ చేసుకుంటూ ఉండాలి. అరిగిపోయిన టైర్లతో వాహనాన్ని నడుపకూడదు. అందుకే ఎప్పటికప్పుడు టైర్లను తనిఖీ చేసుకుంటూ అవసరమైనప్పుడు వాటిని మార్చుకోవాలి.
బైక్ ఎయిర్ ఫిల్టర్లను ఎప్పుటికప్పుడు శుభ్రం చేసుకోవాలి. ఎందుకుంటే దుమ్ము, ధూళి ఫిల్లర్లో పేరుకుపోతే, ఇంజిన్ దెబ్బతినే అవకాశం ఉంటుంది. ప్రయాణం చేసేటప్పుడు ఎలాంటి ప్రమాదాలు జరగకుండా చేసేవి బ్రేక్స్. బ్రేక్ ప్యాడ్లు కాలక్రమేణా అరిగిపోతుంటాయి. వాటిని మార్చటం అవసరం.
వాహనాలను కొనేటప్పుడు మ్యానువల్ ఇస్తారు. దానిలో ఎలాంటి ఆయిల్ను ఉపయోగించాలి? టైర్ల సంరక్షణ గురించి ఏం చేయాలి? అనే పూర్తి సమాచారం ఉంటుంది. ఆ టిప్స్ ఖచ్చితంగా ఫాలో అవ్వాలి. గేర్లను మార్చటం కోసం క్లచ్ని ఉపయోగిస్తుంటాం. ఒకవేళ క్లచ్ గట్టిగా లేదా వదులుగా ఉంటే గేర్లను మార్చేటప్పుడు సమస్యలు వస్తాయి. బైక్ ఇంజిన్ సామర్థ్యం మంచిగా ఉన్నప్పటికీ, క్లచ్ సరిగ్గా లేకపోతే, బైక్ ఫ్యూయెల్ ఎఫీషియన్సీ తగ్గే అవకాశం ఉంటుంది.
క్రమం తప్పకుండా వాహనాన్ని శుభ్రం చేసుకోవటం వల్ల వాటి పని తీరు బాగుంటుంది. అలానే ఎక్కవకాలం ఉండేలా చేస్తుంది. ఎలక్ట్రిక్ బైక్ల విషయంలో బ్యాటరీ మెయింటెనెన్స్ చాలా ముఖ్యం. బ్యాటరీ మంచిగా లేకపోతే సమస్యలు వస్తాయి. అంతే కాదు కొంత కాలం పాటు వాహనాన్ని ఉపయోగించకుండా ఉంటే, కచ్చితంగా బ్యాటరీని డిస్కనెక్ట్ చేయటం మంచిది.
ర్యాష్ డ్రైవింగ్, ఓవర్ స్పీడ్తో, బైక్ స్టంట్స్ చేయటం లాంటి వాటి వల్ల ప్రమాదాలు జరుగుతాయి. దీనివల్ల బైక్ పాడైపోయే అవకాశాలు ఉంటాయి. బైక్ గొలుసును క్రమం తప్పకుండా శుభ్రం చేస్తూ ఉండాలి. అందుకోసం నీటిని వినియోగించకూడదు. బ్రష్ ఉపయోగించి, చైన్ను క్లీన్ చేయాలి. తరువాత చైన్కు ఇంజిన్ ఆయిల్ పూయాలి.