Weight Lose: బరువు తగ్గాలన్నా, కొవ్వు కరగాలన్నా తీసుకోవలసిన 4 ఆహారాలివే..
బరువు తగ్గడానికి ప్రయత్నించేవారు ఎన్నో వేల రూపాయలను ఖర్చు చేస్తుంటారు. కానీ బరువు తగ్గడంలో ఉపయోగపడే.. ఆహారాలను పట్టించుకోరు. బరువు తగ్గాలనుకునేవారు తప్పనిసరిగా అందుకు తగిన డైట్ ప్లాన్ ఫాల్లో అయితేనే అనుకున్నది సాధించగలరు.
అధిక బరువు అనేది ఎవరికైనా పెద్ద సమస్యే. అయితే బరువు తగ్గడానికి ప్రయత్నించేవారు తప్పనిసరిగా అందుకు తగిన ఆహారపు అలవాటను పాటించి తీరాలి. ఈ క్రమంలో మన వంట గదిలోనే లభించే కొన్ని రకాల పదార్థాలు ఇందుకు ఎంతగానో ఉపకరిస్తాయి.
వాము: కూరలలో మసాలాదినుసుగా ఉపయోగించే వాము జీవక్రియను మెరుగుపరిచే లక్షణాలను కలిగి ఉంటుంది. దీనిని తీసుకోవడం ద్వారా సులువుగా బరువు తగ్గవచ్చు. జీర్ణశక్తిని మెరుగుపరిచేందుకు ప్రతి రోజూ ఉదయం పూట వాము నీటిని తాగాలి.
మజ్జిగ: మజ్జిగ శరీరాన్ని చల్లబరచడానికే కాక బరువును తగ్గించడంలో కూడా ఉపయోగపడుతుంది. ఇందులో ఉండే ప్రోటీన్, కాల్షియం, పొటాషియం, విటమిన్లు.. శరీరంలోని కొవ్వును కరిగించడంలో ప్రభావవంతంగా పనిచేస్తాయి.
పెసర్లు: నిపుణుల ప్రకారం.. పప్పులు బరువు తగ్గడానికి పనిచేస్తాయి. మాంసకృత్తులు అధికంగా ఉండే పెసర్లు నానబెట్టి ఉదయాన్నే తింటే చాలా మంచిది. ఇది కొవ్వును కరిగించడమే కాకుండా మీకు ఆకలి కోరికలు కలగకుండా చేస్తుంది.
ఓట్ మీల్: నేటికీ ఇళ్లలో అల్పాహారంగా ఓట్ మీల్స్‌ని తీసుకుంటారు. ఇది తింటే ఎక్కువ సేపు ఆకలి వేయదు. తద్వారా సులువుగా బరువు తగ్గవచ్చు.