Heart Health: మీ గుండె భద్రం గురూ..! హార్ట్ హెల్దీగా ఉండాలంటే వీటిని తప్పనిసరిగా తీసుకోండి..
ఉరుకులు పరుగుల జీవితంలో గుండె సమస్యలు సహా ఎన్నో అనారోగ్య సమస్యలు చుట్టుముడుతున్నాయి. ఈ తరుణంలో గుండెను జాగ్రత్తగా చూసుకోవడం చాలా ముఖ్యం. ఎందుకంటే గుండెకు సంబంధించిన ఏదైనా వ్యాధి ఉంటే.. అది శరీరం మొత్తం దాని బారిన పడేలా చేస్తుంది. అందుకే సరైన గుండె ఆరోగ్యాన్ని కలిగి ఉండటం చాలా ముఖ్యమంటున్నారు ఆరోగ్య నిపుణులు..
ఉరుకులు పరుగుల జీవితంలో గుండె సమస్యలు సహా ఎన్నో అనారోగ్య సమస్యలు చుట్టుముడుతున్నాయి. ఈ తరుణంలో గుండెను జాగ్రత్తగా చూసుకోవడం చాలా ముఖ్యం. ఎందుకంటే గుండెకు సంబంధించిన ఏదైనా వ్యాధి ఉంటే.. అది శరీరం మొత్తం దాని బారిన పడేలా చేస్తుంది. అందుకే సరైన గుండె ఆరోగ్యాన్ని కలిగి ఉండటం చాలా ముఖ్యమంటున్నారు ఆరోగ్య నిపుణులు.. గుండె ఆరోగ్యంగా ఉంటే.. శరీరం మొత్తం ఆరోగ్యంగా ఉంటుందంటున్నారు.
గుండె ఆరోగ్యం మెరుగుపడాలంటే వ్యాయామం చేయాలి.. ఇలా చేయడం వల్ల రక్తప్రసరణ మెరుగుపడి ఆరోగ్యంగా ఉంటారు. మరోవైపు తప్పుడు జీవనశైలిని అనుసరిస్తే ఆరోగ్యం పాడవుతుంది. అందుకే మీరు మీ జీవనశైలి, ఆహారంపై శ్రద్ధ వహించాలి. హృదయం ఆరోగ్యంగా ఉంచుకోవడానికి ఎలాంటి పదార్థాలు తీసుకోవాలనే విషయాలను ఇప్పుడు తెలుసుకుందాం..
ఆకు కూరలు: గుండె ఆరోగ్యంగా ఉండాలంటే ఆకు కూరలు తీసుకోవాలి. ఎందుకంటే ఈ కూరగాయలలో విటమిన్లు, యాంటీఆక్సిడెంట్లు చాలా ఎక్కువగా ఉంటాయి. ఇది మీ గుండెను ఆరోగ్యంగా ఉంచడంలో సహాయపడుతుంది. ఇందుకోసం పాలకూర, అరటిపండు వంటి కూరగాయలను ఆహారంలో చేర్చుకోవచ్చు. ఈ కూరగాయలను తినడం వల్ల రక్తపోటు కూడా అదుపులో ఉంటుంది.
బెర్రీలు: రోజూ బెర్రీలు తినడం వల్ల మీ గుండె ఆరోగ్యం కూడా మెరుగుపడుతుంది. బెర్రీస్‌లో యాంటీఆక్సిడెంట్లు పుష్కలంగా ఉన్నాయి. ఇది గుండెను ఆరోగ్యంగా ఉంచుతుంది. అదే సమయంలో, గుండె సంబంధిత వ్యాధుల ప్రమాదం కూడా తక్కువగా ఉంటుంది. కొలెస్ట్రాల్, రక్తపోటును కూడా నియంత్రణలో ఉండేలా చేస్తుంది.
వాల్నట్: వాల్‌నట్స్‌లో ఫైబర్, మెగ్నీషియం, మాంగనీస్ పుష్కలంగా ఉంటాయి. మీరు వాల్‌నట్‌లను క్రమం తప్పకుండా తీసుకుంటే.. గుండె జబ్బులు రాకుండా చూసుకోవచ్చు. అందుకే రోజూ ఉదయాన్నే ఖాళీ కడుపుతో నానబెట్టిన వాల్ నట్స్ తింటే మంచిది. దీంతో గుండె జబ్బులు తగ్గుతాయి.
టొమాటో: టమోటోలో పోషకాలు పుష్కలంగా ఉంటాయి. ఇది ఫ్రీ రాడికల్స్ వల్ల కలిగే హాని నుంచి గుండెను రక్షిస్తుంది. మీ గుండె ఆరోగ్యంగా ఉండాలంటే, మీరు ప్రతిరోజూ టమోటాలు తినవచ్చు.