Vivo V40e: కళ్లు చెదిరే ఫీచర్లతో వివో కొత్త ఫోన్ వచ్చేస్తోంది.. లాంచింగ్ ఎప్పుడంటే
దసరా, దీపావళి పండగల నేపథ్యంలో కస్టమర్లను ఆకర్షించే క్రమంలో అమెజాన్, నెట్ఫ్లిక్స్ ఆఫర్లు సేల్స్ను అందించేందుకు సిద్ధమవుతోన్న విషయం తెలిసిందే. సెప్టెంబర్ 27వ తేదీ నుంచి ఈ సేల్స్ ప్రారంభం కానుంది. ఈ నేపథ్యంలోనే పలు స్మార్ట్ ఫోన్ తయారీ సంస్థలు కొత్త ఫోన్లను మార్కెట్లోకి తీసుకొస్తున్నారు. ఇందులో భాగంగా తాజాగా వివో కొత్త ఫోన్ను తీసుకొస్తోంది..
చైనాకు చెందిన ప్రముఖ స్మార్ట్ ఫోన్ తయారీ సంస్థ వివో భారత మార్కెట్లోకి కొత్త ఫోన్ను తీసుకొస్తోంది. వివో వీ40ఈ పేరుతో ఈ ఫోన్ను లాంచ్ చేయనున్నారు. ఈ నెల 25వ తేదీన మధ్యాహ్నం 12 గంటలకు ఈ ఫోన్ను మార్కెట్లోకి తీసుకొస్తున్నట్లు అధికారికంగా ప్రకటించారు.
ఫీచర్ల విషయానికొస్తే వివో వీ40ఈలో 6.77 ఇంచెస్తో కూడిన డిస్ప్లేను ఇస్తున్నారు. 120 హెర్ట్జ్ రీఫ్రెష్ రేట్తో ఈ స్క్రీన్ను అందించనున్నారు. బ్యాటరీ విషయానికొస్తే ఇందులో 80 వాట్స్ ఫాస్ట్ ఛార్జింగ్కు సపోర్ట్ చేసే 5500 ఎంఏహెచ్ బ్యాటరీని అందించనున్నారు.
తక్కువ బడ్జెట్లోనే ఈ ఫోన్లో ఫుల్ హెచ్డీ+ 3డీ కర్వ్డ్ డిస్ప్లేను అందించనున్నారు. హెచ్డీఆర్ 10+ సపోర్ట్, ఔరా లైట్తోపాటు ఇనిఫినిటి ఐ కెమెరా వంటి అధునాతన ఫీచర్లను ఇందులో అందిస్తున్నట్లు తెలుస్తోంది.
తక్కువ బడ్జెట్లోనే ఈ ఫోన్లో ఫుల్ హెచ్డీ+ 3డీ కర్వ్డ్ డిస్ప్లేను అందించనున్నారు. హెచ్డీఆర్ 10+ సపోర్ట్, ఔరా లైట్తోపాటు ఇనిఫినిటి ఐ కెమెరా వంటి అధునాతన ఫీచర్లను ఇందులో అందిస్తున్నట్లు తెలుస్తోంది.
ఏఐ ఎరేజర్, ఏఐ ఫోటో ఎన్హాన్సర్ వంటి ఫీచర్లకు కెమెరా సెటప్ను ఇందులో అందించారు. ఇక ఈ స్మార్ట్ ఫోన్ మీడియాటెక్ డైమెన్సిటీ 7300 ఎస్వోసీ ప్రాసెసర్ తో పని చేస్తుంది. ధరకు సంబంధించి కంపెనీ ఇప్పటి వరకు ఎలాంటి ప్రకనట చేయలేదు.