Redmi A3: రూ. 7 వేలకే రెడ్మీ నుంచి కొత్త స్మార్ట్ ఫోన్.. సేల్స్ ఎప్పటి నుంచంటే..
స్మార్ట్ ఫోన్ లవర్స్ ఎప్పుడెప్పుడా అని ఎదురు చూస్తున్న రోజు వచ్చేసింది. అత్యంత తక్కువ బడ్జెట్లో రెడ్మీ వంటి బ్రాండ్ నుంచి స్మార్ట్ ఫోన్ లాంచ్ అయ్యింది. ఫిబ్రవరి 14వ తేదీన రెడ్మీఏ3 స్మార్ట్ ఫోన్ను లాంచ్ చేశారు. ఇంతకీ ఈ స్మార్ట్ ఫోన్ తొలి సేల్ ఎప్పటి నుంచి ప్రారంభం కానుంది? ఈ ఫోన్లో ఎలాంటి ఫీచర్లు ఉండనున్నాయి.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్ దిగ్గజం రెడ్మీ తాజాగా బడ్జెట్ స్మార్ట్ ఫోన్ను లాంచ్ చేసింది. ఫిబ్రవరి 14వ తేదీన రెడ్మీ ఏ3 ఫోన్ను తీసుకొచ్చింది. ఈ ఫోన్ తొలి సేల్ ఫిబ్రవరి 23వ తేదీ నుంచి ప్రారంభం కానుంది. ఫ్లిప్కార్ట్తో పాటు, కంపెనీ అధికారిక వెబ్సైట్లో ఈ ఫోన్ అందుబాటులోకి రానుంది.
ఇక ఈ స్మార్ట్ ఫోన్ ధర విషయానికొస్తే బేస్ వేరియంట్ 3జీబీ ర్యామ్, 64 జీబీ స్టోరేజ్ వేరియంట్ ధర రూ. 7,299గా ఉండనుంది. అలాగే 4 జీబీ ర్యామ్, 128 జీబీ స్టోరేజ్ వేరియంట్ రూ. 8,299 కాగా 6 జీబీ ర్యామ్, 128 జీబీ స్టోరేజ్ వేరియంట్ ధర రూ. 9.299గా ఉండనుంది. ఈ ఫోన్ మిడ్నైట్ బ్లాక్, లేక్ బ్లూ, ఆలివ్ గ్రీన్ కలర్స్లలో లభిస్తుంది.
ఫీచర్ల విషయానికొస్తే ఈ స్మార్ట్ ఫోన్లో 6.71 ఇంచెస్తో కూడిన హెచ్డీ+ డిస్ప్లేను అందించనున్నారు.(1,600x700 పిక్సెల్లు రిజల్యూషన్, 90Hz రిఫ్రెష్ రేట్ ఈ డిస్ప్లే సొంతం.
ఆండ్రాయిడ్ 13 ఆపరేటింగ్ సిస్టమ్పై పని చేసే ఈ స్మార్ట్ ఫోన్లో డిస్ప్లే చుట్టూ కార్నింగ్ గొరిల్లా గ్లాస్ 3 ప్రొటక్షన్ ఉంటుంది. ఇక ఈ స్మార్ట్ ఫోన్ ఆక్టా కోర్ మీడియాటెక్ హీలియో జీ36 ఎస్ఓసీ ప్రాసెసర్తో పని చేస్తుంది.
కెమెరా విషయానికి వస్తే రెడ్మీ ఏ3 స్మార్ట్ ఫోన్లో 8 మెగాపిక్సెల్స్తో కూడిన ఏఐ రెయిర్ కెమెరాను అందించారు.అలాగే సెల్ఫీలు, వీడియో కాల్స్ కోసం 5 మెగాపిక్సెల్స్తో కూడిన ఫ్రంట్ కెమెరాను అందించారు. అలాగే ఇందులో 10 వాట్స్ ఫాస్ట్ ఛార్జింగ్కు సపోర్ట్ చేసే 5000 ఎమ్ఏహెచ్ బ్యాటరీని అందించారు.