Realme Techlife Watch SZ100: రియల్‌మీ నుంచి కొత్త స్మార్ట్‌ వాచ్‌.. ఆకట్టుకుంటోన్న ఫీచర్లు..
Realme Techlife Watch SZ100: చైనాకు చెందిన స్మార్ట్‌ ఫోన్‌ దిగ్గజం రియల్‌ మీ తాజాగా భారత మార్కెట్లోకి కొత్త స్మార్ట్‌ ఫోన్‌ లాంచ్‌ చేస్తోంది. రియల్‌మీ టెక్‌లైఫ్‌ వాచ్‌ ఎస్‌జెడ్‌ 100 పేరుతో రానున్న ఈ వాచ్‌లో అదిరిపోయే ఫీచర్లు ఉండనున్నాయి..
ప్రస్తుతం స్మార్ట్‌ వాచ్‌ల హవా నడుస్తోంది. అన్ని ప్రముఖ కంపెనీలు స్మార్ట్‌ వాచ్‌లను విడుదల చేస్తూ యూజర్లను ఆకట్టుకుంటున్నాయి. ఈ క్రమంలోనే తాజాగా చైనాకు చెందిన టెక్‌ దిగ్గజం రియల్‌మీ కొత్త స్మార్ట్‌ వాచ్‌ను విడుదల చేయనుంది. రియల్‌మీ టెక్‌ లైఫ్ వాచ్‌ జెడ్‌ 100 పేరుతో బుధవారం అందుబాటులోకి రానుంది.
ఈ వాచ్‌ పీచర్ల విషయానికొస్తే ఇందులో 1.69 ఇంచెస్‌ హెచ్‌డీ కలర్‌ డిస్లేను అందించారు. శరీర ఉష్ణోగ్రతను మానిటరింగ్ చేసే ఫీచర్‌ ఇందులో ఉంది. రెండు రంగుల్లో ఈ వాచ్‌ను అందుబాటులోకి తీసుకొచ్చారు.
ఇక ఈ స్మార్ట్‌ వాచ్‌ 12 గంటల బ్యాటరీ లైఫ్ ఇస్తుంది. అంతేకాకుండా హార్ట్‌ రేట్ సెన్సర్‌, ఎస్‌పీఓ2 మానిటర్‌, క్యాలెండర్‌, వెదర్‌ అప్‌డేట్స్‌ వంటి ఫీచర్లు అందించారు.
ఈ స్మార్ట్‌ వాచ్‌ను ఐపీ68 రేటింగ్‌తో కూడిన వాటర్, డస్ట్‌ రెసిస్టెంట్స్‌తో అందించారు. బ్లూటూత్‌ వీ5.1కి ఈ వాచ్‌ సపోర్ట్‌ చేస్తుంది.
ధర విషయానికొస్తే ఈ స్మార్ట్‌ వాచ్‌ రూ. 2500కి అందుబాటులో ఉండనున్నట్లు తెలుస్తోంది. ఈ స్మార్ట్‌ వాచ్‌ రియల్‌ మీ అధికారిక వెబ్‌సైట్‌తో పాటు, ఫ్లిప్‌కార్ట్‌లోనూ అందుబాటులోకి రానుంది.