REALME C20: తక్కువ ధరలో స్మార్ట్ ఫోన్ కోసం చూస్తున్నారా.? అయితే రియల్ మీ బెస్ట్ ఆప్షన్.. తక్కువ ధరలో ఎక్కువ ఫీచర్లు..
REALME C20: ప్రముఖ స్మార్ట్ ఫోన్ తయారీ కంపెనీ రియల్ మీ తాజాగా మార్కెట్లోకి కొత్త స్మార్ట్ ఫోన్ను తీసుకొచ్చింది. తక్కువ ధరలో ఎక్కువ ఫీచర్లను అందిస్తోన్న ఈ స్మార్ట్ ఫోన్ ప్రస్తుతం రియల్ మీ వెబ్సైట్తో పాటు, ఫ్లిప్కార్ట్లో అందుబాటులో ఉంది...
ప్రముఖ స్మార్ట్ ఫోన్ తయారీ సంస్థ రియల్ మీ కొత్త కొత్త స్మార్ట్ ఫోన్లతో యూజర్లను ఆకట్టుకునే ప్రయత్నం చేస్తోంది. ఈ నేపథ్యంలో తక్కువ ధరకే ఎక్కువ ఫీచర్లతో ఓ మొబైల్ ఫోన్ను తీసుకొచ్చింది.
రియల్ మీ సీ 20 పేరుతో మార్కెట్లోకి తీసుకొచ్చిన ఈ మొబైల్ తొలి సేల్ను ఏప్రిల్ 12, 13వ తేదీల్లో నిర్వహించింది.
ఈ స్మార్ట్ ఫోన్ ఫీచర్ల విషయానికొస్తే.. 5000 ఎమ్ఏహెచ్ బ్యాటరీ. 6.5 ఇంచుల తెర ఈ మొబైల్ సొంతం.
ఇక ఈ ఫోన్లో.. మీడియా టెక్ హిలియో జీ35 ప్రాసెసర్ను అందించారు. దీంతో సౌకర్యంగా మొబైల్ను ఆపరేట్ చేయొచ్చు.
8 మెగాపిక్సెల్తో కూడిన ఏఐ కెమెరాను అందించడం ఈ స్మార్ట్ ఫోన్ మరో ప్రత్యేకత. 2జీబీ ర్యామ్తో పాటు 32 జీబీ స్టోరేజ్ అందించారు. స్టోరేజ్ కెపాసిటీని 256 వరకు పెంచుకోవచ్చు.
ఈ ఫోన్ రూ. 6,999కే అందుబాటులో ఉంది. అంతేకాకుండా మొదటి 10 లక్షల వినియోగదారులకు రూ. 200 వరకు డిస్కౌంట్ అందించారు.