Oppo A18: భారత మార్కెట్లోకి మరో బడ్జెట్ ఫోన్.. రూ. 10 వేలలో స్టన్నింగ్ ఫీచర్స్
ప్రముఖ స్మార్ట్ ఫోన్ దిగ్గజ సంస్థలన్నీ మార్కెట్లోకి కొత్త ఫోన్లను లాంచ్ చేస్తూ వస్తోంది. ముఖ్యంగా బడ్జెట్ మార్కెట్ను టార్గెట్ చేసుకొని ఫోన్స్ను తీసుకొస్తున్నారు. ఈ క్రమంలోనే తాజాగా చైనాకు చెందిన స్మార్ట్ ఫోన్ దిగ్గజ సంస్థ ఒప్పో భారత మార్కెట్లోకి కొత్త ఫోన్ను తీసుకొచ్చింది. ఒప్పో ఏ18 పేరుతో ఈ ఫోన్ను శుక్రవారం లాంచ్ చేశారు. తక్కువ ధరలో స్మార్ట్ ఫోన్కోసం ప్లాన్ చేస్తున్న వారికి ఒప్పో ఏ18 బెస్ట్ ఆప్షన్గా చెప్పొచ్చు..
చైనాకు చెందిన స్మార్ట్ ఫోన్ దిగ్గజం ఒప్పో భారత మార్కెట్లోకి ఒప్పో ఏ18 పేరుతో కొత్త ఫోన్ను లాంచ్ చేసింది. గత సెప్టెంబర్లో యూఏఈలో అందుబాటులోకి వచ్చిన ఈ స్మార్ట్ ఫోన్ తాజాగా శుక్రవారం భారత మార్కెట్లోకి అందుబాటులోకి వచ్చింది.
4 జీబీ ర్యామ్, 64 జీబీ స్టోరేజ్ వేరియంట్ ఫోన్ ధర రూ. 9,999గా ఉంది. గ్లోయింగ్ బ్లాక్, గ్లోయింగ్ బ్లూ కలర్స్లో అందుబాటులో ఉన్న ఒప్పో ఏ18 స్మార్ట్ ఫోన్లో ఒప్పో అధికారిక వెబ్సైట్తో పాటు అన్ని ఈ కామర్స్ సైట్స్లో అందుబాటులో ఉంది.
ఇక ఈ ఫోన్ ఫీచర్ల విషయానికొస్తే ఇందులో 6.56 ఇంచెస్తో కూడిన హెచ్డీ+ ఐపీఎస్ ఎల్సీడీ డిస్ప్లేను అందంచారు. 90 హెచ్జెడ్ రిఫ్రెష్ రేట్తో తీసుకొచ్చారు.
అక్టాకోర్ మీడియా టెక్ హీలియో జీ85 ఎస్సోసీ ప్రాసెసర్తో పనిచేసే ఈ ఫోన్ ఆండ్రాయిడ్ 13 ఆపరేటింగ్ సిస్టమ్తో పని చేస్తుంది. 4జీ నెట్వర్క్కి సపోర్ట్ చేసే ఈ ఫోన్లో వైఫై, బ్లూటూత్ .3, యూఎస్బీ టైప్సీ, 3.5 ఎమ్ఎమ్ ఆడియో జాక్ వంటి కనెక్టివిటీ ఫీచర్లను అందించారు.
ఇక ఒప్పో ఏ18 స్మార్ట్ ఫోన్లో 8 మెగాపిక్సెల్, 2 మెగాపిక్సెల్స్తో కూడిన డ్యూయల్ కెమెరా సెటప్ను అందంచారు. ఇక సెల్ఫీల కోసం 5 మెగాపిక్సెల్స్తో కూడిన ఫ్రంట్ కెమెరాను అందించారు. 5000 ఎమ్ఏహెచ్ బ్యాటరీ ఈ ఫోన్ సొంతం.