Nothing Phone 2a: నథింగ్ నుంచి మిడ్ రేంజ్ బడ్జెట్ ఫోన్.. లాంచింగ్ ఆ రోజే..
లండన్కు చెందిన ప్రముఖ స్మార్ట్ ఫోన్ల తయారీ సంస్థ నథింగ్కు ఎలాంటి మార్కెట్ ఉందో ప్రత్యేకంగా చెప్పాల్సిన పనిలేదు. భారత్లో ఈ బ్రాండ్కు మంచి ఆదరణ లభించింది. ఇదిలా ఉంటే తాజాగా ఈ బ్రాండ్ నుంచి ఓ మిడ్ రేంజ్ ఫోన్ లాంచ్ అవుతోంది. నథింగ్ ఫోన్ 2ఏ పేరుతో తీసుకొస్తున్న ఈ ఫోన్కు సంబంధించిన ఫీచర్లు, ధరల వివరాలు ఇప్పుడు తెలుసుకుందాం..
ప్రముఖ స్మార్ట్ ఫోన్ తయారీ సంస్థ నథింగ్ భారత మార్కెట్లోకి కొత్త ఫోన్ను లాంచ్ చేస్తోంది. ఇప్పటి వరకు ప్రీమియం ఫోన్లను లాంచ్ చేస్తూ వచ్చిన నథింగ్ తాజాగా తొలిసారి మిడ్ రేంజ్ ఫోన్ను తీసుకొస్తోంది. నథింగ్ ఫోన్2ఏ పేరుతో ఈ ఫోన్ను లాంచ్ చేయనున్నారు.
మార్చి 5వ తేదీ నుంచి నథింగ్ ఫోన్ 2ఏ ఫోన్ను మార్కెట్లోకి తీసుకురానున్నారు. ఈ స్మార్ట్ ఫోన్ యూజర్లకు రూ. 30 వేలలోపే అందుబాటులోకి వచ్చే అవకాశాలు ఉన్నట్లు తెలుస్తోంది. ఈ ఫోన్ ఫీచర్ల విషయానికొస్తే ఇందులో 120 హెర్ట్జ్ రీఫ్రెష్ రేటుతో 6.7-అంగుళాల ఫుల్ హెచ్డీ+ ఓలెడ్ డిస్ ప్లేను అందించనున్నారు.
కెమెరా విషయానికొస్తే ఈ స్మార్ట్ ఫోన్లో 50 మెగాపిక్సెల్స్తో కూడిన రెయిర్ కెమెరాను ఇవ్వనున్నారు. అలాగే సెల్ఫీలు, వీడియో కాల్స్ కోసం 32 మెగాపిక్సెల్స్తో కూడిన ఫ్రంట్ కెమెరాను అందించనున్నారు. ఫ్రంట్లో పంచ్ హోల్ కటౌట్ ఇవ్వనున్నారు.
ఇక ఈ ఫోన్ మీడియాటెక్ డైమెన్సిటీ 7200 ప్రాసెసర్తో పనిచేస్తుంది. ఆండ్రాయిడ్ 14 బేస్డ్ నథింగ్ ఓఎస్ 2.5 కస్టమ్ స్కిన్ ఆధారంగా పని చేస్తుంది. ఈ ఫోన్ను 8 జీబీ ర్యామ్ విత్ 128 జీబీ స్టోరేజీ వేరియంట్, 12జీబీ ర్యామ్ విత్ 256 జీబీ స్టోరేజీ వేరియంట్తో తీసుకురానున్నారు.
ఈ ఫోన్లో 45 వాట్స్ ఫాస్ట్ ఛార్జింగ్కు సపోర్ట్ చేసే 4800 ఎంఏహెచ్ కెపాసిటీతో కూడిన బ్యాటరీని అందించనున్నారు. కనెక్టివీటీ విషయానికొస్తే.. 5జీ, 4జీ, 3జీ, 2జీ, వై-ఫై, జీపీఎస్, ఎన్ఎఫ్సీ, బ్లూ టూత్, యూఎస్బీ టైప్-సీ చార్జింగ్ పోర్ట్ వంటి ఫీచర్లను అందించారు.