iQoo Z9s 5G: ఐక్యూ నుంచి కొత్త ఫోన్ వచ్చేస్తోంది.. తక్కువ బడ్జెట్‌లోనే సూపర్ ఫీచర్స్‌
ప్రస్తుతం దేశంలో 5జీ ఫోన్‌ల హవా నడుస్తోంది. 5జీ నెట్‌ వర్క్‌ విస్తృతి పెరిగిన తర్వాత, ఈ నెట్‌వర్క్‌కి సపోర్ట్‌ చేసే ఫోన్‌లను కంపెనీలు తీసుకొస్తున్నాయి. కంపెనీల మధ్య పోటీ పెరిగిన నేపథ్యంలో తక్కువ ధరలోనే మంచి ఫీచర్లతో కూడిన 5జీ ఫోన్‌లను కంపెనీలు లాంచ్‌ చేస్తాయి. ఈ క్రమంలోనే ఐక్యూ మార్కెట్లోకి కొత్త ఫోన్‌ను తీసుకొచ్చింది. ఐక్యూ జెడ్‌9 ఎస్ పేరుతో తీసుకొచ్చిన ఈ ఫోన్‌లో ఎలాంటి ఫీచర్లు ఉన్నాయో ఇప్పుడు తెలుసుకుందాం..
చైనాకు చెందిన స్మార్ట్ ఫోన్ దిగ్గజం ఐక్యూ భారత మార్కెట్లోకి కొత్త ఫోన్‌ను లాంచ్‌ చేసింది. ఐక్యూ జెడ్‌9 ఎస్ పేరుతో ఈ 5జీ ఫోన్‌ను తీసుకొచ్చింది. ఈ స్మార్ట్ ఫోన్‌ను ఆగస్టు 21వ తేదీన లాంచ్‌ చేయనున్నారు. ఈ కామర్స్‌ సంస్థ అమెజాన్‌లో ఈ ఫోన్ అందుబాటులోకి రానుంది.
ఐక్యూ జెడ్‌9 ఎస్ ఫీచర్ల విషయానికొస్తే ఈ ఫోన్ మీడియాటెక్‌ డైమెన్సిటీ 7300 ప్రాసెసర్‌తో పనిచేస్తుంది. ఈ సిరీస్‌లో భాగంగా ఐక్యూ జెడ్‌ 9 ఎస్ 5జీ, ఐక్యూ జెడ్‌9 ఎస్ ప్రో పేరుతో రెండు కొత్త ఫోన్‌లను తీసుకొస్తున్నారు.
ఇక ఈ ఫోన్‌లో 50 మెగాపిక్సెల్స్‌తో కూడిన సోనీ ఐఎంఎక్స్882 సెన్సర్ విత్ ఆప్టికల్ ఇమేజ్ స్టెబిలైజేషన్ (ఓఐఎస్), సూపర్ నైట్ మోడ్‌ను అందించనున్నారు. దీంతో ఈ ఫోన్ సహాయంతో 4కే వీడియోలను రికార్డ్‌ చేసుకోవచ్చు. అలాగే ఈ ఫోన్‌లో ప్రత్యేకంగా ఏఐ ఎరేజ్, ఏఐ ఫోటో ఎన్‌హాన్స్ ఫీచర్లను అందించారు.
ఇక ధర విషయానికొస్తే ఐక్యూ జెడ్‌9 ఎస్ 5జీ బేసిక్‌ వేరియంట్‌ ధర రూ. 25 వేల లోపు ఉండొచ్చని అంచాన వేస్తున్నారు. ఈ ఫోన్‌లో అదనంగా 8-మెగా పిక్సెల్ ఆల్ట్రావైడ్ యాంగిల్ కెమెరాను ఇస్తున్నారు. ఈ స్మార్ట్ ఫోన్‌ను ఫ్లామ్ బయాంట్ ఆరెంజ్, లుక్స్ మార్బుల్ పినిషెస్ కలర్స్‌లో తీసుకొచ్చారు.
ఇక ఈ రెండు ఫోన్‌లలోనూ 7.49 ఎంఎం బాడీ, 3డీ కర్వ్డ్ అమోలెడ్ డిస్ ప్లేను అందించనున్నారు. అలాగే 1800 నిట్స్ పీక్ బ్రైట్ నెస్ ఈ స్క్రీన్‌ సొంతం. అలాగే ఐక్యూ జడ్9ఎస్ ప్రో 5జీ ఫోన్ 120 హెర్ట్జ్ రీఫ్రెష్ రేటుతోపాటు 5500 పీక్ బ్రైట్ నెస్ తో వస్తోంది. దీంతో సన్‌ లైట్‌లోనూ స్క్రీన్‌ స్పష్టంగా చూడొచ్చు.