One Plus 40 Y1 TV: భార‌త మార్కెట్లోకి వ‌న్ ప్ల‌స్ కొత్త స్మార్ట్ టీవీ.. 40 అంగుళాల ఆండ్రాయిడ్ టీవీ ధ‌ర కేవ‌లం..
One Plus 40 Y1 TV: స్మార్ట్ ఫోన్ మార్కెట్లో స‌త్తా చాటుతోన్న చైనా టెక్ దిగ్గ‌జాలు ఇప్పుడు స్మార్ట్ టీవీల త‌యారీలో దూసుకుపోతున్నాయి. ఇప్ప‌టికే చాలా కంపెనీలు స్మార్ట్ టీవీల‌ను తీసుకురాగా.. తాజాగా వ‌న్‌ప్ల‌స్ ఆండ్రాయిడ్ స్మార్ట్ టీవీని ప్రవేశ‌పెట్టింది.
మొన్నటి వ‌ర‌కు స్మార్ట్ ఫోన్ రంగంలో అద్భుతాలు సృష్టించిన చైనాకు చెందిన కొన్ని టెక్ దిగ్గ‌జాలు ఇప్పుడు స్మార్ట్ టీవీ రంగంలో స‌త్తా చాటుతున్నాయి.
తాజాగా ఈ జాబితాలోకి స్మార్ట్ ఫోన్ దిగ్గ‌జం వ‌న్ ప్ల‌స్ కూడా వ‌చ్చింది. ఈ క్ర‌మంలోనే భార‌త్ మార్కెట్లోకి కొత్త స్మార్ట్ టీవీని తీసుకొచ్చింది.
వ‌న్‌ప్ల‌స్ 40 వై 1 పేరుతో విడుద‌ల చేసిన ఈ 40 ఇంచెస్ టీవీ ఆండ్రాయిడ్ 9.0 ఆప‌రేటింగ్ సిస్ట‌మ్‌తో ప‌ని చేస్తుంది.
ఈ స్మార్ట్ టీవీ ధ‌రను రూ. 21,999గా నిర్ణ‌యించారు. 40 ఇంచెస్ టీవీ ఇంత త‌క్కువ ధ‌రకు, అందులోనూ వ‌న్‌ప్ల‌స్ వంటి బ‌డా బ్రాండ్ నుంచి రావ‌డం విశేషం.
మే 26న భార‌త మార్కెట్లోకి విడుద‌ల చేసిన ఈ టీవీ ప్ర‌స్తుతం ఫ్లిప్‌కార్ట్‌లో అందుబాటులో ఉంది.
హెచ్‌డీఎఫ్‌సీ కార్డుల‌తో కొనుగోలు చేసే వారికి 10 శాతం డిస్కౌంట్ అందిస్తోంది. దీంతో ధ‌ర సుమారు రూ. రెండు వేల‌కుపైగా త‌గ్గ‌నుంది.
ఆండ్రాయిడ్ ఓఎస్‌తో న‌డిచే ఈ స్మార్ట్ టీవీలో గూగుల్ అసిస్టెంట్‌తో పాటు గూగుల్ ప్లే స్టోర్ కూడా అందుబాటులో ఉంటుంది.