Smart Phones Under 15K: రూ.15 వేలకే అదిరే ఫీచర్లతో స్మార్ట్ ఫోన్లు.. ది బెస్ట్ ఫోన్స్ ఇవే..!
భారతదేశంలో ఇటీవల కాలంలో స్మార్ట్ ఫోన్లు వినియోగం అధికంగా ఉంది. సాధారణంగా భారతదేశంలో జనాభా ఎక్కువ. ముఖ్యంగా మధ్యతరగతి ప్రజలు బడ్జెట్ ఫ్రెండ్లీ స్మార్ట్ ఫోన్లను ఎక్కువగా ఇష్టపడుతున్నారు. ఈ నేపథ్యంలో అన్ని కంపెనీలు కేవలం రూ.15 వేల ధరలోనే సూపర్ ఫీచర్లతో స్మార్ట్ ఫోన్లను లాంచ్ చేశాయి. కాబట్టి రూ.15 వేల కంటే తక్కువ ధరకు అందుబాటులో ఉన్న స్మార్ట్ ఫోన్ల గురించి మరిన్ని వివరాలను తెలుసుకుందాం.
రియల్‌మీ పి3 ఎక్స్ 5జీ సొగసైన వీగన్ లెదర్ డిజైన్‌తో ప్రత్యేకంగా వస్తుంది. ఈ ఫోన్ ధర రూ. 13,999గా ఉంది. డైమెన్సిటీ 6400 ప్రాసెసర్‌తో పాటు భారీ 6000 ఎంఏహెచ్ బ్యాటరీ ఆకర్షిస్తుంది. అలాగే 6.72 అంగుళాల ఫుల్ హెచ్‌డీ డిస్ప్లే, 50 ఎంపీ వెనుక కెమెరా ఈ ఫోన్ ప్రత్యేకతలుగా ఉన్నాయి.
1 / 5
శామ్‌సంగ్ గెలాక్సీ ఎఫ్16 5జీ స్మార్ట్ ఫోన్ రూ. 14,499కే అందుబాటులో ఉంది. 8 జీబీ + 128 జీబీ వేరియంట్‌లో మీడియా టెక్ డైమెన్సిటీ 6300 ప్రాసెసర్ ఆధారంగా పని చేస్తుంది. 6.6 అంగుళాల ఫుల్ హెచ్‌డీ ప్లస్ డిస్ప్లేతో 50 ఎంపీ ట్రిపుల్ రియర్ కెమెరా, 13 ఎంపీ ఫ్రంట్ కెమెరాతో వస్తుంది. ఈ ఫోన్ ఫొటోగ్రఫీ ప్రియులను అమితంగా ఆకర్షిస్తుంది.
2 / 5
మీకు ఎక్కువ బ్యాటరీ లైఫ్ కావాలంటే వివో టీ4 ఎక్స్ 5 జీ స్మార్ట్ ఫోన్ సరిగ్గా సరిపోతుంది. రూ. 13,999కే అందుబాటులో ఉన్న ఈ ఫోన్ 44 వాట్స్ ఫాస్ట్ ఛార్జింగ్‌తో కూడిన బలమైన 6500 ఎంఏహెచ్ బ్యాటరీతో వస్తుంది. ఈఫోన్ డైమెన్సిటీ 7300 ప్రాసెసర్‌తో పనిచేస్తుంది. 50 ఎంపీ ప్రైమరీ లెన్స్‌తో డ్యూయల్-కెమెరా సెటప్‌ను కలిగి ఉంది.
3 / 5
రూ. 10,299కే అందుబాటులో ఉండే పోకో ఎం6 ప్లస్ 5జీ ఇటీవల ఎక్కువగా ఆకర్షిస్తుంది. 108 ఎంపీ బ్యాక్ కెమెరాతో వస్తున్న ఈ ఫోన్ స్నాప్‌డ్రాగన్ 4 జెన్-2 ఏఈ ప్రాసెసర్ లాగ్ ఫ్రీ వినియోగాన్ని నిర్ధారిస్తుంది. ఈ ఫోన్ 6.79 అంగుళాల ఫుల్ హెచ్‌డీ+ డిస్ప్లేతో వస్తుంది.
4 / 5
రూ. 11,999 ధరకే అందుబాటో ఉన్న మోటోరోలా జీ45 5జీ స్మార్ట్ ఫోన్ స్నాప్‌డ్రాగన్ 6 ఎస్ జెన్-3 ప్రాసెసర్‌తో వస్తుంది. 8 జీబీ+128 జీబీ వేరియంట్‌లో అందుబాటులో ఉన్న ఈ ఫోన్ 50 ఎంపీ డ్యూయల్ కెమెరా సిస్టమ్‌తో వస్తుంది. అలాగే 5000 ఎంఏహెచ్ బ్యాటరీతో ఆకట్టుకుంటుంది.
