ఒకే ఓవర్‌లో ఆరు సిక్సులు.. టీ20ల్లో లెక్కలేనన్ని రికార్డులు.. ఈ ముంబై ఇండియన్స్ ప్లేయర్ సొంతం..
2009 ఛాంపియన్స్ లీగ్ టీ20 టోర్నమెంట్‌లో సత్తా చాటిన పొలార్డ్.. ఆ తర్వాత ఐపీఎల్‌లో ముంబై ఇండియన్స్ ప్రధాన ఆటగాడిగా మారాడు.
వెస్టిండిస్ ఆల్ రౌండర్ కిరోన్ పొలార్డ్ టీ20లలో అద్భుతమైన ఆటగాడు. బ్యాటింగ్, బౌలింగ్‌తో ప్రత్యర్ధులను ముప్పుతిప్పలు పెడతాడు. ఇవాళ అతడి పుట్టినరోజు. 34 సంవత్సరాల పొలార్డ్.. మే 12, 1987 న కరేబియన్ ద్వీపమైన ట్రినిడాడ్‌లో జన్మించాడు.
పొలార్డ్ అంతర్జాతీయ కెరీర్ 2007 వన్డే ప్రపంచ కప్‌తో ప్రారంభమైంది. దక్షిణాఫ్రికాతో జరిగిన మ్యాచ్‌లో అతను 10 పరుగులు మాత్రమే చేయగలిగాడు. అదే సమయంలో, టి 20 కెరీర్ 2008 లో ఆస్ట్రేలియాతో ప్రారంభమైంది. అయితే, ఆ మ్యాచ్‌లో అతనికి బ్యాటింగ్ లేదా బౌలింగ్ చేసే అవకాశం రాలేదు.
2009 ఛాంపియన్స్ లీగ్ టీ20 టోర్నమెంట్‌లో తుఫాను ఇన్నింగ్స్ ఆడిన పొలార్డ్.. ప్రపంచానికి తన సత్తా ఏంటో చూపించాడు. న్యూ సౌత్ వేల్స్‌తో జరిగిన మ్యాచ్ లో 18 బంతుల్లో 54 పరుగులు చేశాడు.
2010 ఐపీఎల్ సీజన్‌లో ముంబై ఇండియన్స్ పొలార్డ్‌ను కొనుగోలు చేసింది. ముంబైకి తొలి సీజన్‌లోనే పొల్లార్డ్ 14 మ్యాచ్‌ల్లో 185 స్ట్రైక్ రేట్‌లో 273 పరుగులు చేశాడు మరియు 15 వికెట్లు కూడా తీసుకున్నాడు. అప్పటి నుండి, ఇప్పటివరకు ముంబైకి ప్రధాన ఆటగాడిగా.. ఎన్నో విజయాల్లో కీలక పాత్ర పోషించాడు.
ఫ్రాంచైజ్ క్రికెట్‌లో విజయం సాధించడం వల్ల పొలార్డ్ వెస్టిండీస్ జట్టులో రెగ్యులర్‌గా ప్లేస్ దక్కించుకోగలిగాడు. 2012లో తొలిసారిగా టీ20 ప్రపంచకప్ గెలిచిన విండీస్ జట్టులో అతను ఒక ముఖ్యమైన సభ్యుడు.
Pollard