Vastu Tips: భార్యాభర్తల మధ్య మనస్పర్థలా.. ఇంట్లో ఈ పువ్వుల మొక్కలు పెంచితే బాంధవ్యంలో మాధుర్యం మీ సొంతం..
Vastu Tips: జీవితాంతం కలిసి ఉండే బంధం భార్యాభర్తల బాంధవ్యం.. అయితే దంపతుల మధ్య ఏ చిన్న అనుమానం, వివాదాలు ఏర్పడినా ఆ బంధం మధ్య బీటలు ఏర్పడతాయి. అయితే భార్యాభర్తలు పరస్పర అవగాహనతో తగాదాలను ముగించవచ్చు. ఈ మొక్కలను ఇంట్లో పెట్టుకోవడం ద్వారా దంపతుల మధ్య అనురాగానికి.. బంధానికి వాస్తు చిట్కాలు సహాయపడతాయి. పెంచుకోండి.
వాస్తు శాస్త్రంలో ఇంటిని నిర్వహించడానికి మాత్రమే కాకుండా, సంబంధాలను మెరుగుపరచడానికి కూడా కొన్ని చర్యలు ఇవ్వబడ్డాయి. భార్యాభర్తల మధ్య కొనసాగుతున్న వివాదాలు ఇంట్లో కొన్నిరకాల పువ్వుల మొక్కలు పెంచుకోవడం.. చక్కని పరిష్కరామని పేర్కొన్నాయి.
బిళ్ళగన్నేరు పువ్వులు: పింక్, తెలుపు రంగుల్లో ఉండే బిళ్ళగన్నేరు పువ్వులు ప్రేమను పెంచుతాయని నమ్మకం. ఈ మొక్కలను ఇంటి బయట ఆవరణలో పెంచుకోవడం వలన..నెగటివ్ ఎనర్జీ మీకు, మీ కుటుంబానికి దూరంగా ఉంటుంది. సానుకూలత ఏర్పడి. భార్య భర్తల మధ్య గొడవలు దరిచేరవని నమ్మకం.
ఎర్ర గులాబీ: ప్రేమకు చిహ్నం ఎర్రగులాబీ. భార్యాభర్తల మధ్య మనస్పర్థలు తొలగిపోవాలంటే వాస్తు ప్రకారం గులాబీ పువ్వు మొక్కలను ఇంట్లో పెంచుకోవచ్చు. అయితే బెడ్‌రూమ్‌లో ఎర్రగులాబీలను ఉంచడం వలన దంపతుల మధ్య మరింత ప్రేమ, నమ్మకం పెరుగుతుందని వాస్తు శాస్త్రం పేర్కొంది.
తామర పువ్వు: ఆధ్యాత్మిక దృక్కోణంలో ప్రత్యేక ప్రాముఖ్యత కలిగిన తామర పువ్వు, లక్ష్మీదేవికి సంబంధించినదని నమ్ముతారు. మీరు వాస్తు ప్రకారం ఈ పువ్వును ఇంట్లో పెంచుకోవచ్చు. ఇంటికి తూర్పు దిక్కున తామర మొక్కను పెంచుకోవడం ఉత్తమం.
మల్లె పువ్వు: వాస్తు ప్రకారం.. ఈ పువ్వు సువాసన, ఇంట్లో ఉన్న ప్రతికూలతను తొలగించడమే కాకుండా.. భార్యాభర్తల మధ్య సంబంధాలలో కూడా మాధుర్యాన్ని తెస్తుంది. మల్లెపువ్వు సువాసన మనసును ప్రశాంతపరుస్తుంది.ఈ మొక్కను ఇంట్లో ఏ మూలలోనైనా ఉంచవచ్చు.