రోహిణి కార్తె ఎప్పుడు?ఈ సమయంలో రోళ్లు పగిలేంత ఎండలు ఎందుకు కొడతాయంటారు?
రోహిణి కార్తె వచ్చేస్తోంది. ఇది వస్తుందంటే అందరూ భయపడి పోతుంటారు. ముఖ్యంగా పిల్లల విషయంలో చాలా జాగ్రత్తలు తీసుకుంటారు. ఎందుకు అంటే? రోహిణి కార్తెలో ఎండలు మండిపోతాయి, వేడి గాలులు, ఎక్కువ వేడి ఎండతో ప్రతి ఒక్కరూ ఇబ్బందులు ఎదుర్కుంటారు. మరి అసలు ఈ రోహిణి కార్తె అంటే ఏంటి? ఇది ఎప్పుడు ప్రారంభం అవుతుంది. ఈ సమయంలో రోళ్లు కూడా పగులతాయని ఎందుకు అంటారో ఇప్పుడు తెలుసుకుందాం.
ప్రతి సంవత్సరం మే 25న రోహిణి కార్తె ప్రారంభం అవుతుంది. ఈ సమయంలో తీవ్రమైన ఎండ ఉంటుంది. ఇక రోహిణి కార్తె అంటే, సూర్యుడు ప్రతి 13 రోజులకు ఒక నక్షత్రంలో సంచారం చేస్తాడు. అయితే రోహిణి నక్షత్రంలోకి సూర్యుడు సంచరించే సమయాన్ని రోహిణి కార్తె అంటారు. ఈ సమయంలో ఎండ తీవ్రత అధికంగా ఉండటమే కాకుండా, అగ్నిప్రమాదాలు కూడా ఇప్పుడే ఎక్కువగా జరుగుతుంటాయి.
ఇక ఈ రోహిణి కార్తె అనేది జూన్ 8 వరకు ఉంటుంది. తర్వాత మృగశిర కార్తె, ఆరుద్ర కార్తె ప్రారంభం అవుతుంది. మృగశిర కార్తె అనేది వర్షాకాల ప్రారంభాన్ని సూచిస్తుంది. ఈ సమయంలో ఆకాశం మొత్తం మబ్బులతో నిండి, చల్లటి వాతావరణం ఉంటుంది. వేసవి ముగిసిపోయి వర్షాకాల ప్రారంభమయ్యే సమయం ఈ మృగశిర కార్తె. దీని తర్వాత వర్షాకాలం ఆరుద్ర కార్తె ప్రారంభం అవుతుంది. ఈ సమయంలో ఎక్కువగా విత్తనాలు నాటడం వంటివి చేస్తుంటారు.
ఇక రోహిణి కార్తె వచ్చిన సమయంలో రోళ్లు పగిలేంత ఎండలు ఉంటాయి అంటారు పెద్దవారు. మరి అసలు ఈ కార్తెలో రోళ్లు పగిలే అంత ఎండలు ఎందుకు కొడతాయి అంటారో తెలుసుకుందాం. అయితే ఈ సమయంలో సూర్యుడు మన నెత్తిమీదకు అంటే మాడు మీదకు వస్తాడంట. ఈ కార్తె మొత్తం చాలా ఉగ్రరూపంలో ఉంటాడు అని చెబుతుంటారు పండితులు. సూర్యుడి ఉగ్రరూపం భూమి తట్టుకోలేదంట. దాని ప్రభావం చాలా ఎక్కువగా ఉంటుంది. అందుకే ఈ 15 రోజుల పాటు తీవ్రమైన ఎండ , వేడి గాలులు, అగ్ని ప్రమాదాలు జరుగుతాయంట. సూర్యుడు అచ్చం అగ్నిగోళంలా ఉంటాడని చెబుతున్నారు నిపుణులు.
సూర్యుడి ఉగ్రరూపంలోకి మారిపోయి నిప్పులు కక్కుతాడంట దీంతో సూర్యుని కిరణాలు భూమిపై పడగానే తేమ మొత్తం హరించుకపోతుందంట. అంతే కాకుండా ఈ సమయంలో రాళ్లు, రోళ్లు కూడా పగులు ఏర్పడుతాయంట. అంటే అంత ఎండ ఉంటుందంట. అందుకే ఈ సమయంలో చాలా జాగ్రత్తగా ఉండాలి అని చెబుతారు. ముఖ్యంగా వృద్ధులు, చిన్న పిల్లలు ఎక్కువగా బయటకు రాకూడదని, సాయంత్రం అయితే తప్ప బయటకు వెళ్లకుండా తగు జాగ్రత్తలు తీసుకోవాలని చెప్తుంటారు.
(Disclaimer: ఇక్కడ అందించిన సమాచారం జ్యోతిష శాస్త్రం, సాధారణ నమ్మకాల ఆధారంగా మాత్రమే అందించబడింది. ఈ సమాచారం ఖచ్చితంగా నిజం లేదా శాస్త్రీయంగా నిర్ధారితమైన సమాచారం అని భావించకండి. వ్యక్తిగత నిర్ణయాలు తీసుకునే ముందు సంబంధిత నిపుణులను సంప్రదించడం మంచిది)