Coffee Side Effects: ఉదయాన్నే ఖాళీ కడుపుతో కాఫీ తాగుతున్నారా..? అయితే ప్రమాదంలో పడినట్టే..!
Coffee Side Effects: ఉదయం నిద్రలేచిన వెంటనే చాలా మంది కప్పు కాఫీ తాగందే ఏ పని ముట్టరు. మీకూ అలాంటి అలవాటు ఉంటే వెంటనే దాన్ని మార్చుకోండి. ఎందుకంటే పరగడుపునే కాఫీ తాగడం వల్ల అనేక నష్టాలు ఉన్నాయంటున్నారు ఆరోగ్య నిపుణులు.. ఉదయాన్నే ఖాళీ కడుపుతో కాఫీ తాగడం వల్ల కలిగే నష్టాలు ఏంటో ఇప్పుడు తెలుసుకుందాం.
అసిడిటీ సమస్యలు: ఉదయాన్నే కాఫీ తాగడం వల్ల ఎసిడిటీ సమస్యలు వస్తాయి. ఖాళీ కడుపుతో కాఫీ తీసుకోవడం వల్ల యాసిడ్ బ్యాలెన్స్ దెబ్బతింటుంది. ఇది దీర్ఘకాలిక వ్యాధులకు కారణమవుతుంది.
వికారం, మానసిక ఒత్తిడి: జీర్ణవ్యవస్థపై కాఫీ స్టిమ్యులేటింగ్ ప్రభావం కారణంగా, కొంతమందికి వికారం ఏర్పడుతుంది. ఖాళీ కడుపుతో కాఫీ తాగడం వల్ల కార్టిసాల్ హార్మోన్ స్రావాన్ని ప్రేరేపిస్తుంది. ఆ హార్మోన్ ఒత్తిడికి సంబంధించిన హార్మోన్‌గా పరిగణించబడుతుంది.
కడుపు ఆమ్లం: ఖాళీ కడుపుతో కాఫీ తాగడం వల్ల కడుపులో ఆమ్ల స్రావం పెరుగుతుంది. అధిక ఆమ్ల స్రావం గ్యాస్ నిలుపుదల, కడుపు ఆమ్లం వంటి సమస్యలను కలిగిస్తుంది.
డీహైడ్రేషన్: తగినంత నీరు లేదా ఇతర ద్రవాలు లేకుండా కాఫీని వినియోగించినప్పుడు, దాని మూత్రవిసర్జన ప్రభావం మూత్ర ఉత్పత్తిని పెంచుతుంది. ఇది నిర్జలీకరణాన్ని పెంచుతుంది.
చక్కెర వ్యాధి: ఖాళీ కడుపుతో కాఫీ తాగడం వల్ల చక్కెర శోషణపై ప్రభావం చూపుతుందని నిపుణులు సూచిస్తున్నారు.
ఎక్కువ మొత్తంలో కాఫీ తీసుకోవడం వల్ల తలనొప్పి, ఆందోళన, దడపుట్టడం, ఆ తర్వాత క్రమంగా గుండెపోటుకు కూడా కారణం కావచ్చని హెచ్చరిస్తున్నారు. అంతేకాకుండా రోజుకు ఆరు కప్పుల కాఫీ తాగితే.. మెదడుకు సంబంధించిన వ్యాధుల ప్రమాదాన్ని పెంచుతుందని వైద్యులు హెచ్చరిస్తున్నారు. కాఫీ ఎక్కువగా తాగడం వల్ల తలెత్తే ఆరోగ్య సమస్యల గురించి ఇప్పుడు తెలుసుకుందాం.