PM Modi Road show: గుజరాత్‌లో మోడీ మెగా రోడ్‌ షో.. ఎన్నికల ప్రచారంలో బిజిబిజీగా ప్రధాని..
బీజేపీ అభ్యర్ధుల తరపున ప్రధాని మోదీ మెగా రోడ్‌షో నిర్వహించారు. అహ్మదాబాద్‌ లోని 16 సీట్లను కవర్‌ చేస్తూ 50 కిలోమీటర్ల మేర ఈ రోడ్‌షో జరిగింది. రోడ్డు వెంబడి నిలబడి ఉన్న ప్రజలకు అభివాదం చేస్తూ మోదీ రోడ్‌షో నిర్వహించారు.
ఓవైపు గుజరాత్‌లో తొలిదశ ఎన్నికల పోలింగ్‌ జరిగిన వేళ రెండో దశ ఎన్నికల ప్రచారంలో పాల్గొన్నారు ప్రధాని మోదీ. పంచమహల్‌ జిల్లా కలోల్‌లో జరిగన సభలో కాంగ్రెస్‌పై నిప్పులు చెరిగారు. తనను తిట్టడానికి కాంగ్రెస్‌ నేతలు పోటీ పడుతున్నారని , మోదీని ఎంత తిడితే కమలం పార్టీ అంత బలోపేతం అవుతుందన్నారు .
కాంగ్రెస్‌ అధ్యక్షుడు ఖర్గే తనను రావణుడితో పోల్చారని అన్నారు మోదీ. రామాయణాన్ని కాంగ్రెస్‌ నేతలు అవమానించారని ఆరోపించారు. రామసేతును అడ్డుకునే ప్రయత్నం చేశారని ఆరోపించారు.
ఓ కాంగ్రెస్‌ నేత తాను కుక్కచావు చస్తారని శపించారని , ఇంకోనేత హిట్లర్‌లా చస్తానని దూషించారని అన్నారు మోదీ.మోదీ మెగా రోడ్‌షో. అహ్మదాబాద్‌ లోని 16 సీట్లను కవర్‌ చేస్తూ..50 కిలోమీటర్ల మేర రోడ్‌షో
బీజేపీ అభ్యర్ధుల తరపున ప్రధాని మోదీ మెగా రోడ్‌షో నిర్వహించారు. అహ్మదాబాద్‌ లోని 16 సీట్లను కవర్‌ చేస్తూ 50 కిలోమీటర్ల మేర ఈ రోడ్‌షో జరిగింది. రోడ్డు వెంబడి నిలబడి ఉన్న ప్రజలకు అభివాదం చేస్తూ మోదీ రోడ్‌షో నిర్వహించారు.
గుజరాత్‌లో తొలిదశ ఎన్నికల పోలింగ్‌ ముగిసింది. సాయంత్రం 5 గంటల వరకు 60 శాతానికి పైగా పోలింగ్‌ నమోదయ్యింది. 19 జిల్లాల్లో 89 స్థానాల్లో ఎన్నికలు జరిగాయి. ఈనెల 5వ తేదీన రెండోదశ పోలింగ్‌ జరుగుతుంది.
తొలిదశలో పలువురు ప్రముఖులు ఓటేశారు. జామ్‌నగర్‌లో బీజేపీ అభ్యర్ధిగా ఉన్న క్రికెటర్‌ రవీంద్ర జడేజా భార్య రివాబా జడేజా తన ఓటుహక్కును వినియోగించుకున్నారు. రవీంద్ర జడేజా కూడ ఓటేశారు.
సూరత్‌లో కూడ చురుగ్గా ఓటింగ్‌ జరిగింది. గుజరాత్ హోంమంత్రి హర్ష్‌ సంఘ్వీ సూరత్‌లో ఓటుహక్కు వినియోగించుకున్నారు. గుజరాత్ సీనియర్‌ మంత్రి సీఆర్‌ పాటిల్‌ కూడా తన ఓటుహక్కు వినియోగించుకున్నారు.