వామ్మో..వీళ్లకు నెయ్యి విషంతో సమానం..! ఎట్టి పరిస్థితుల్లోనూ తినకూడదు..
నెయ్యి లేకుండా భారతీయ వంటకాలు చాలా వరకు అసంపూర్ణంగా ఉంటాయి. స్వీట్లు వంటి తీపి వంటకాల నుండి ఇడ్లీలు, దోసెల వరకు ప్రతిదీ నెయ్యితో కలిపి తినేవారు చాలా ఎక్కువ మంది ఉంటారు. నెయ్యి ఆహారానికి మరింత రుచిని అందిస్తుంది. కొందరు చపాతీలను నెయ్యితో తినడానికి ఇష్టపడతారు. మరికొందరు, పప్పు, పచ్చడి ఏదైనా సరే నెయ్యి లేకుండా తినేందుకు ఇష్టపడరు. ప్రతి భారతీయ వంటకాల్లో నెయ్యి వాడకం సర్వసాధారణం. నెయ్యి లేకుండా కొన్ని రకాల ఆహారాన్ని ఊహించలేము. అంతేకాదు రోజూ నెయ్యి తీసుకోవడం వల్ల చాలా ప్రయోజనాలు ఉన్నాయి. కానీ కొన్ని అనారోగ్య సమస్యలున్నవారు నెయ్యిని ఎట్టి పరిస్థితిలో తినకూడదని నిపుణులు చెబుతున్నారు. పూర్తి వివరాల్లోకి వెళితే...
నిజానికి నెయ్యిలో ఎన్నో పోషకాలుంటాయి. ఇవి మనల్ని ఆరోగ్యంగా ఉంచడంతో పాటుగా అందాన్ని కూడా పెంచుతాయి. గుండె, మూత్రపిండాల సమస్యలు ఉన్నవారు నెయ్యిని ఎక్కువగా వాడకూడదని చెబుతున్నారు. ఎందుకంటే నెయ్యిలో ఫ్యాటీ యాసిడ్స్ ఎక్కువగా ఉంటాయి. ఇవి గుండెపోటు ప్రమాదాన్ని పెంచుతాయని చెబుతున్నారు.
జీర్ణ సమస్యలతో బాధపడేవారు కూడా నెయ్యిని తినకూడదని పోషకాహార నిపుణులు అంటున్నారు. గ్యాస్, అజీర్ణం వంటి జీర్ణ సమస్యలతో బాధపడుతున్నవారు నెయ్యిని ఎక్కువగా తినకూడదని అంటున్నారు. ఎందుకంటే నెయ్యిని ఎక్కువగా తింటే జీర్ణ సమస్యలు మరింత ఎక్కువ అవుతాయని అంటున్నారు.
నెయ్యిలోని కొవ్వు ఆమ్లాలు రక్తపోటును పెంచుతాయి. అందుకే రక్తపోటు సమస్యలు ఉన్నవారు దీనికి దూరంగా ఉండాలి. అంతేకాదు..దగ్గు, జలుబు, జ్వరం వంటి సమస్యలు ఉన్నప్పుడు మీరు నెయ్యిని తినకపోవడమే మంచిదని అంటున్నారు.
అధిక బరువు, బరువు తగ్గించుకునే ప్రయత్నంలో ఉన్నవారు నెయ్యిని ఎక్కువగా తింటే మరింత బరువు పెరిగిపోతారని నిపుణులు చెబుతున్నారు. అలాగే నెయ్యిలో కేలరీలు కూడా ఎక్కువగా ఉంటాయి. ఎక్కువగా తింటే ఊబకాయం బారిన పడే అవకాశం కూడా ఉందంటున్నారు.
డయాబెటిస్ సమస్యలు ఉన్నవారు నెయ్యికి దూరంగా ఉంటేనే మంచిదని నిపుణులు చెబుతున్నారు. ఎందుకంటే... నెయ్యిలో ఉండే కొవ్వుల వల్ల రక్తంలో చక్కెర స్థాయిలు పెరిగే ప్రమాదం ఉందంటున్నారు.