Hyderabad: హైదరాబాద్ టెకీ ఉద్యోగులకు హెల్త్ అలర్ట్.. తాజా అధ్యయనంలో షాకింగ్ విషయాలు..
Hyderabad IT Employees - Health: ఐటీ ఉద్యోగం.. రూ.లక్షల్లో సంపాదన.. ఫుల్ టు బిందాస్.. లైఫ్‌లో ఎలాంటి ఢోకా ఉండదు.. ఇంకెముంది బాస్.. నెక్స్ట్ ఏంటి..? అంటూ చాలా మంది ఐటీ ఉద్యోగులను పలకరిస్తుంటారు.. కానీ.. ఇది వినడానికి వినసొంపుగా ఉన్నా.. ఆరోగ్యం మాత్రం దినదినగండమని.. ప్రమాదకర వ్యాధులు మూటగట్టుకోవాల్సిందే అంటున్నారు వైద్య నిపుణులు.. హైదరాబాద్ ఐటీ ఉద్యోగులకు ప్రమాదకర సమస్యలు చుట్టుముడుతున్నాయని, ఇది ప్రాణాలకే ప్రమాదమని అధ్యయనం పేర్కొంది.
Hyderabad IT Employees - Health: ఐటీ ఉద్యోగం.. రూ.లక్షల్లో సంపాదన.. ఫుల్ టు బిందాస్.. లైఫ్‌లో ఎలాంటి ఢోకా ఉండదు.. ఇంకెముంది బాస్.. నెక్స్ట్ ఏంటి..? అంటూ చాలా మంది ఐటీ ఉద్యోగులను పలకరిస్తుంటారు.. కానీ.. ఇది వినడానికి వినసొంపుగా ఉన్నా.. ఆరోగ్యం మాత్రం దినదినగండమని.. ప్రమాదకర వ్యాధులు మూటగట్టుకోవాల్సిందే అంటున్నారు వైద్య నిపుణులు.. హైదరాబాద్ ఐటీ ఉద్యోగులకు ప్రమాదకర సమస్యలు చుట్టుముడుతున్నాయని, ఇది ప్రాణాలకే ప్రమాదమని అధ్యయనం పేర్కొంది. హైదరాబాద్‌లోని ఐటీ ఉద్యోగుల్లో ఎక్కువ మంది తమ జీవనశైలి, శారీరక శ్రమ లేకపోవడం, పని ప్రదేశాల్లో తీవ్ర ఒత్తిడి కారణంగా గుండె జబ్బులు, రక్తపోటు, మధుమేహం, స్ట్రోక్స్, ఇతర రకాల నాన్ కమ్యూనికేబుల్ డిసీజెస్ (ఎన్‌సిడిలు) బారిన పడే ప్రమాదం ఉందని.. హైదరాబాద్‌కు చెందిన నేషనల్‌ ఇన్‌స్టిట్యూట్‌ ఆఫ్‌ న్యూట్రిషన్‌ (ఎన్ఐఎన్) పరిశోధకుల తాజా అధ్యయనంలో తేలింది.
హైదరాబాద్‌లో సగటున 30 సంవత్సరాల వయస్సు గల IT ఉద్యోగులపై NIN అధ్యయనం చేసింది. ఈ రిపోర్టును ఆగస్ట్ 2023లో అంతర్జాతీయ పీర్ రివ్యూడ్ జర్నల్ 'న్యూట్రియంట్స్'లో ప్రచురించింది. "ఈ అధ్యయనంలో పాల్గొన్న దాదాపు 46 శాతం మందికి కనీసం మూడు లేదా అంతకంటే ఎక్కువమందికి జీవక్రియ ప్రమాదంలో ఉంది. తక్కువ హెచ్‌డిఎల్ స్థాయి, అధిక నడుము చుట్టుకొలత, ఎలివేటెడ్ లెవెల్స్‌తో సహా కొన్ని బయోమార్కర్లు ఎన్‌సిడిలను అభివృద్ధి చేసే అధిక ప్రమాదంతో ముడిపడి ఉన్నాయి.’’ అని తేలింది.
“దేశ అభివృద్ధికి విస్తృతంగా దోహదపడే ఐటీ రంగ ఉద్యోగుల ఆరోగ్యం గురించి ఇప్పుడు ఆందోళనలు పెరుగుతున్నాయి. చాలా మంది ఉద్యోగులు ప్రధానంగా 26 నుంచి 35 సంవత్సరాల వయస్సు గలవారు.. వీరంతా దీర్ఘకాలిక, తక్కువ-స్థాయి వ్యాదులను ప్రేరేపించే ప్రమాదాలను ఎక్కువ కాలం ఎదుర్కొంటారు. మెటబాలిక్ సిండ్రోమ్, ఎన్‌సిడిలకు గురవుతారు” అని ఎన్ఐఎన్ డైరెక్టర్ డాక్టర్ హేమలత ఆర్ చెప్పారు.
పాల్గొన్న వారిలో సగం మంది (183 మందిలో) మెటబాలిక్ సిండ్రోమ్ (మెట్‌ఎస్) కలిగి ఉన్నారని, ఇది ఎన్‌సిడిలకు దారితీస్తుందని అధ్యయనం వెల్లడించింది. పురుషులలో నడుము చుట్టుకొలత 90 సెం.మీ లేదా అంతకంటే ఎక్కువగా ఉంది. స్త్రీలలో 80 సెం.మీ లేదా అంతకంటే ఎక్కువ ఉందని అధ్యయనం పేర్కొంది. ట్రైగ్లిజరైడ్స్ (TG) స్థాయిలు 150 mg/dL లేదా అంతకంటే ఎక్కువ, అధిక-తో సహా ఐదు ముఖ్యమైన ప్రమాద కారకాలలో మూడు లేదా అంతకంటే ఎక్కువ మందికి MetS ఉందన్న ఉనికిని గుర్తించింది. 40 mg/dL కంటే ఎక్కువ సాంద్రత కలిగిన లిపోప్రొటీన్ (HDL-C) స్థాయి ఉన్నట్లు అధ్యయనంలో తేలింది.
అధ్యయనం పరిమిత నమూనా పరిమాణం ఉన్నప్పటికీ, పాల్గొనేవారిలో దాదాపు మూడింట ఒక వంతు మందికి MetS ఉందని కనుగొన్నది. ఈ కీలకమైన రిపోర్టు శ్రామికశక్తి ఆరోగ్యం శ్రేయస్సును మెరుగుపరచడానికి లక్ష్యంగా చేసుకున్న పోషకాహార-ఆధారిత వర్క్‌ప్లేస్ వెల్‌నెస్ ప్రోగ్రామ్‌ల ఆవశ్యకతను నొక్కి చెబుతుందని.. NIN పరిశోధకులు తెలిపారు. ఒక సాధారణ పని దినంలో టెకీ ఉద్యోగులు సగటున 8 గంటల కంటే ఎక్కువ కూర్చునే సమయం కూడా కారణమని అధ్యయనం నివేదించింది. 22 శాతం ఉద్యోగులు మాత్రమే వారానికి కనీసం 150 నిమిషాల పాటు సిఫార్సు చేసిన ఉద్దేశపూర్వక శారీరక శ్రమ వ్యవధిని కలిగి ఉన్నారని తెలిపింది.
“తరచుగా బయట తినడం, రోజువారీ ఆహారంలో పండ్లు, కూరగాయలు తక్కువగా తీసుకోవడం, భోజనం మానేయడం వంటి ఆహార ప్రమాద కారకాలు ఈ ఉద్యోగులలో తరచుగా నివేదించినట్లు పేర్కొంది. 30 ఏళ్లు పైబడిన సీనియర్ ఉద్యోగులలో ఒత్తిడి స్థాయిలు ఎక్కువగా ఉన్నాయి. ఎన్‌సిడిలతో ముడిపడి ఉన్న జీవనశైలి ప్రమాద కారకాలు 30 సంవత్సరాల కంటే తక్కువ వయస్సు ఉన్న యువ ఉద్యోగులలో కూడా కనిపించాయి” అని సైంటిస్ట్ ఎఫ్ - ప్రాజెక్ట్ ప్రధాన పరిశోధకుడు డాక్టర్ సుబ్బారావు తెలిపారు.