Night Sweat: రాత్రి సమయంలో, ఫ్యాన్ తిరుగుతున్నా విపరీతమైన చెమటలు పడుతున్నాయా ..! ఈ వ్యాధి లక్షణాలు ఏమో జాగ్రత్త సుమా..
శరీరానికి చెమట పట్టడం ఆరోగ్యకరమే.. అయితే కొన్ని సందర్భాల్లో చెమట పట్టడం అనారోగ్యానికి సంకేతం అంటున్నారు నిపుణులు. ముఖ్యంగా ఫ్యాన్ కింద పడుకున్నప్పుడు కూడా చెమటలు పడుతుంటే ఇది వ్యాధి లక్షణం అని అలోచిచాలి అంటున్నారు. రాత్రి న్నిద్రపోతున్న సమయంలో ఫ్యాన్ తిరుగుతున్నా.. వాతావరణం సౌకర్యవంతంగా ఉన్నా కొంతమందికి విపరీతంగా చెమటలు పడుతుంటాయి. ఇది జరిగినప్పుడు జాగ్రత్తగా ఉండండి. ఎందుకంటే ఇది కొన్ని వ్యాధుల లక్షణం కావచ్చు
వేసవిలో చెమటలు పట్టడం సహజం. మండే వేడిలో కొద్దిపాటి శారీరక శ్రమ చేసినా చాలా మంది చెమటతో తడిసి ముద్దవుతూ ఉంటారు. చెమట కూడా శరీరానికి మేలు చేస్తుంది. శరీరంలోని కొన్ని వ్యర్థాలు చెమట ద్వారా కూడా తొలగించబడతాయి. అయితే రాత్రి సమయంలో అది కూడా ఫ్యాన్ తిరుగుతున్నా చెమటతో తడిచిపోతుంటే జాగ్రత్త సుమా అంటున్నారు నిపుణులు.
రక్తంలో థైరాయిడ్ హార్మోన్ పరిమాణం పెరిగితే ఈ సమస్య రావచ్చు. హైపర్ థైరాయిడిజం వల్ల శరీర ఉష్ణోగ్రత పెరుగుతుంది. ఇది చెమటను కలిగిస్తుంది.
హైపర్ హైడ్రోసిస్ అనేది శరీరం సాధారణం కంటే ఎక్కువగా చెమటలు పట్టే పరిస్థితి. ఈ వ్యాధి ఉన్నవారికి దాదాపు ఎల్లప్పుడూ చెమటలు పడుతూనే ఉంటాయి. ఈ వ్యాధి వంశపారంపర్యంగా రావచ్చు.
రక్తంలో చక్కెరలో అకస్మాత్తుగా తగ్గుదల చెమట సమస్యలను కలిగిస్తుంది. షుగర్ ఎక్కువగా ఉన్నా కూడా విపరీతంగా చెమటలు పడతాయి.
అధిక ఆందోళన సమస్యలతో బాధపడేవారికి ఈ రకమైన సమస్య ఉండవచ్చు. ఆందోళన కారణంగా హృదయ స్పందన రేటు పెరగడం వల్ల ఇది సంభవించవచ్చు.
మెనోపాజ్ దగ్గరకు వచ్చే సమయంలో స్త్రీలకు ఇలాంటి సమస్యలు ఎదురవుతాయి. ఎందుకంటే ఆ సమయంలో శరీరంలో హార్మోన్ల మార్పులు సంభవిస్తాయి. అది ఈ సమస్యకు కారణం కావచ్చు.