Monsoon Health Tips: జలుబు దగ్గుతో ఇబ్బంది పడుతున్నారా..! మెడిసిన్ బదులు ఈ హెర్బల్ టీలను ట్రై చేసి చూడండి..
వేసవి నుంచి ఉపశమనం ఇస్తూ వర్షాలు కురుస్తున్నాయి. ఓ వైపు వర్షాలు పడుతుంటే మరోవైపు ఎండ వేడి ఇబ్బంది పెడుతోంది. విభిన్న వాతావరణంతో చాలా ఈజీగా సీజనల్ వ్యాధుల బారిన పడే అవకాశం ఉంది. ముఖ్యంగా ఈ వాతావరణ మార్పు వల్ల ఎక్కువుగా జలుబు, దగ్గు సమస్య పెరుగుతోంది. వర్షాకాలంలో ఈ వ్యాధి సంక్రమణ ప్రమాదాన్ని నివారించడానికి రోజువారీ ఆహారంలో హెర్బల్ టీని చేర్చుకోవాలి. వర్షాకాలంలో ఈ హెర్బల్ టీలు మిమ్మల్ని ఆరోగ్యంగా ఉంచుతాయి. ఈ సీజన్ లో దగ్గు జలుబు నుంచి ఉపశమనం కోసం ఈ హెర్బల్ టీలను ట్రై చేసి చూడండి..
తులసి టీలో ఔషధ గుణాలున్నాయి. ఈ టీ ఇన్ఫెక్షన్‌తో పోరాడుతుంది. కడుపులో మంటను తగ్గిస్తుంది. ఇది యాంటీఆక్సిడెంట్లను కూడా కలిగి ఉంటుంది. ఇది మొత్తం ఆరోగ్యాన్ని మెరుగుపరుస్తుంది.
వర్షాకాలంలో రోజుకు ఒక్కసారైనా అల్లం టీ తాగండి. ఇది యాంటీ ఇన్ఫ్లమేటరీ, యాంటీ బాక్టీరియల్ లక్షణాలను కలిగి ఉంది. ఇది జీర్ణక్రియ ఆరోగ్యాన్ని, రోగనిరోధక శక్తిని మెరుగుపరుస్తుంది.
వేడి పాలలో చిటికెడు పసుపు కలిపి తాగడం వలన దగ్గు, జలుబు నుంచి ఉపశమనం లభిస్తుంది. ఈ డ్రింక్‌లోని యాంటీ ఇన్ఫ్లమేటరీ, యాంటీ ఆక్సిడెంట్ గుణాలు వర్షాకాలంలో వచ్చే వ్యాధుల నుంచి మిమ్మల్ని రక్షిస్తాయి.
లెమన్ టీ కూడా ఈ సీజన్ లో ఆరోగ్యానికి ఔషదం వంటిది. నిమ్మ, తేనె టీ ఆరోగ్యానికి చాలా మేలు చేస్తుంది. ఈ టీలో విటమిన్ సి, యాంటీ-మైక్రోబయల్ లక్షణాలు ఉన్నాయి. ఇవి వర్షాకాలంలో ఇన్ఫెక్షన్‌లను దూరంగా ఉంచుతాయి.
పుదీనా టీ అజీర్ణాన్ని తగ్గిస్తుంది. ఈ సీజన్ లో జలుబుకి మంచి మెడిసిన్.. అంతేకాదు వైరల్ ఇన్ఫెక్షన్ల నుంచి కూడా రక్షిస్తుంది. ఈ టీలో యాంటీవైరల్, యాంటీ బ్యాక్టీరియల్ లక్షణాలు ఉన్నాయి. ఇవి ఊపిరితిత్తుల ఆరోగ్యాన్ని మెరుగుపరుస్తాయి.
ఆయుర్వేదం ప్రకారం అశ్వగంధ టీ ఆరోగ్యానికి ఎంతో మేలు చేస్తుంది. అశ్వగంధ టీ వర్షాకాలంలో ఒత్తిడిని తగ్గిస్తుంది. రోగనిరోధక శక్తిని పెంచుతుంది.
దాల్చిన చెక్క టీ రక్తంలో చక్కెర స్థాయిలను నియంత్రించడంలో సహాయపడుతుంది. ఈ టీలోని యాంటీ బాక్టీరియల్, యాంటీ ఇన్ఫ్లమేటరీ గుణాలు జీర్ణ ఆరోగ్యాన్ని మెరుగుపరుస్తాయి. శరీరంలో మంటను తగ్గించి రోగనిరోధక శక్తిని పెంచుతాయి.