lemon: వీరికి నిమ్మకాయ విషంతో సమానం.. దూరం పెట్టకపోతే నేరుగా అక్కడికే..
Lemon Side Effects: నిమ్మకాయను ఆహారంలో చేర్చుకోవడం వల్ల మన ఆరోగ్యానికి అనేక ప్రయోజనాలు ఉన్నాయన్న విషయం తెలిసిందే. కానీ చాలా మందికి తెలియని విషయం ఏమిటంటే.. ఇది అందరికి ప్రయోజనకరమైనది కాదు. అవును కొన్ని ఆరోగ్య సమస్యలు ఉన్నవారు నిమ్మకాయను తినడం వల్ల అనారోగ్య సమస్యలు ఎదుర్కోవలసి ఉంటుందని వైద్య నిపుణులు చెబుతున్నారు. కాబట్టి నిమ్మకాయకు ఎవరు దూరంగా ఉండాలి.. ఎందుకో తెలుసుకుందాం పదండి.
ఆయుర్వేద వైద్యం ప్రకారం, నిమ్మకాయలను క్రమం తప్పకుండా తీసుకోవడం వల్ల మూత్రపిండాల్లో రాళ్లు తొలగిపోతాయి. నిమ్మకాయలోని సిట్రేట్ మూత్రంలో కాల్షియంతో బంధిస్తుంది. కాల్షియం ఆక్సలేట్ రాళ్లు ఏర్పడటాన్ని తగ్గిస్తుంది. నిమ్మరసం చిన్న రాళ్లను నివారించడంలో సహాయపడవచ్చు, కానీ అది ఉన్న పెద్ద రాళ్లను కరిగించలేదు. ఇటువంటివి ప్రయత్నించే ముందు వైద్యుల సలహా తప్పనిసరి.
గ్యాస్ట్రిటిస్ సమస్యలు: అయితే కొన్ని ఆరోగ్య సమస్యలు ఉన్నవారికి ఇది అస్సలు మంచిది కాదని వైద్యులు చెబుతున్నారు. అవును వైద్యుల ప్రకరాం.. గ్యాస్ట్రిటిస్, అల్సర్లు, యాసిడ్ రిఫ్లక్స్ వంటి సమస్యలు ఉన్నవారు నిమ్మరసానికి దూరంగా ఉండాలని సూచిస్తున్నారు. ఎందుకంటే ఇందులో సిట్రిక్ యాసిడ్ ఉంటుంది. ఇది వారికి గుండెల్లో మంట, కడుపు నొప్పి, వికారం కలిగిస్తుంది.
తలనొప్పి ఉన్నవారు: తలనొప్పి వంటి సమస్యలు ఉన్నవారికి నిమ్మకాయ అస్సలు మంచిది కాదు. ఎందుకంటే ఇందులో ఉండే టైరమైన్ సమ్మేళనం మైగ్రేన్ లేదా తలనొప్పికి కారణమవుతుంది. ఈ సమస్యలు ఉన్నవారు నిమ్మకాయ రసం తీసుకుంటే కొన్ని సార్లు చర్మంపై దురద లేదా శ్వాస సమస్యలు వంటి అలెర్జీకి కూడా గురికావచ్చు.
ఖాళీ కడుపుతో తాగడం: చాలా మందికి ఖాళీ కడుపుతో నిమ్మకాయ నీటిని తాగే అలవాటు ఉంటుంది. ఇది మితంగా తీసుకుంటే ఒకే. కానీ ఈ డ్రింక్ ఎక్కువగా తాగడం వల్ల అసిడిటీ వస్తుంది. అందువల్ల, సగం నిమ్మకాయను నీటితో కరిగించి భోజనంతో లేదా భోజనం తర్వాత త్రాగడం మంచిది. మరో ముఖ్యమైన విషయం ఏమిటంటే రోజుకు ఒకటి లేదా రెండు గ్లాస్లకు మించి నిమ్మకాయ నీటిని తాగకండి.
NOTE: పైన పేర్కొన్న అంశాలు ఇంటర్నెట్, నివేదికల ఆధారంగా అందించబడినవి.. వీటిని టీవీ9 దృవీకరించట్లేదు. వీటిపై మీకేవైనా సందేహాలు ఉంటే.. వెంటనే వైద్యులను సంప్రదించండి.