రోజుల తరబడి గ్యాస్ స్టవ్ మీద వంట చేస్తున్నప్పుడు గ్యాస్ బర్నర్ జిడ్డుగా మారుతుంది. దీంతో వంట చేయడం కష్టంగా మారుతుంది. అంతేకాదు గిన్నెలు కూడా జిడ్డుకారుతూ శుభ్రం చేయడానికి కష్టతరం అవుతాయి. కనుక గ్యాస్ బర్నర్ ను గాజులా తళతళా మెరిసే విధంగా సింపుల్ టిప్స్ మీ కోసం.. వాటితో గ్యాస్ బర్నర్ జిడ్డును సులభంగా తొలగించవచ్చు.
వంట పూర్తి చేసిన వెంటనే ముందుగా గ్యాస్ ఓవెన్ నుంచి గ్యాస్ బర్నర్ను తీసివేసి చల్లబరచండి. బర్నర్ వేడిగా ఉన్నప్పుడు బర్నర్ ను శుభ్రం చేసే ప్రయత్నం చేయవద్దు.
ఇప్పుడు బర్నర్ ను శుభ్రం చేయడానికి ఒక పెద్ద గిన్నెలో వేడి నీటిని తీసుకొని బేకింగ్ సోడా, వెనిగర్ జోడించండి.
గ్యాస్ బర్నర్ మునిగిపోయేలా మిశ్రమాన్ని తగినంతగా చేయండి. ఈ మిశ్రమంలో గ్యాస్ బర్నర్ను సుమారు 30-60 నిమిషాలు నానబెట్టండి.
మురికి ఎక్కువగా ఉంటే బర్నర్ ను కాసేపు నానబెట్టవచ్చు. తర్వాత, మృదువైన స్పాంజ్ లేదా బ్రష్ని ఉపయోగించి గ్యాస్ బర్నర్ను పూర్తిగా స్క్రబ్ చేయడం ప్రారంభించండి.
బర్నర్ పై పేరుకున్న జిడ్డు, మురికిని సులభంగా తొలగించవచ్చు. చివరగా గ్యాస్ బర్నర్ను శుభ్రమైన నీటితో కడగాలి. పొడి గుడ్డతో తుడవండి.
అప్పటికీ బర్నర్ గాజులా తళతళా మెరిసిపోలేదని అనిపిస్తే నిమ్మకాయ ముక్కతో బాగా రుద్దండి. అప్పుడు గ్యాస్ బర్నర్ కొత్తదిలా ఉంటుంది.