Hair Care Tips: తల స్నానం చేసేముందు ప్రతిసారి జుట్టుకు నూనె పట్టించాలా?
జుట్టు ఆరోగ్యంగా ఉండాలంటే తరచూ షాంపూ చేసుకోవాలి. లేదంటే జుట్టుపై, తలపై మురికి పేరుకుపోయి జుట్టు రాలిపోతుంది. అయితే ప్రతిసారీ షాంపూ చేయడానికి ముందు నూనె రాసుకోవడం అవసరమా?.. అంటే అవసరం అనే అంటున్నారు సౌందర్య నిపుణులు. మనదేశంలో పురాతన కాలం నుంచి జుట్టు సంరక్షణలో నూనెకు ప్రత్యేక ప్రాధాన్యత ఉంది. జుట్టు మూలం నుంచి మొదలయ్యే జుట్టు సమస్యలకు నూనె చక్కటి పరిష్కారం చూపుతుంది. అందుకే జుట్టు సంరక్షణలో నూనెకు ప్రత్యామ్నాయం లేదు..
జుట్టు ఆరోగ్యంగా ఉండాలంటే తరచూ షాంపూ చేసుకోవాలి. లేదంటే జుట్టుపై, తలపై మురికి పేరుకుపోయి జుట్టు రాలిపోతుంది. అయితే ప్రతిసారీ షాంపూ చేయడానికి ముందు నూనె రాసుకోవడం అవసరమా?.. అంటే అవసరం అనే అంటున్నారు సౌందర్య నిపుణులు. మనదేశంలో పురాతన కాలం నుంచి జుట్టు సంరక్షణలో నూనెకు ప్రత్యేక ప్రాధాన్యత ఉంది. జుట్టు మూలం నుంచి మొదలయ్యే జుట్టు సమస్యలకు నూనె చక్కటి పరిష్కారం చూపుతుంది. అందుకే జుట్టు సంరక్షణలో నూనెకు ప్రత్యామ్నాయం లేదు.
క్రమం తప్పకుండా నూనెతో జుట్టును మసాజ్ చేయడం వల్ల ఎన్నో ప్రయోజనాలు పొందవచ్చు. కానీ ఈ రోజుల్లో చాలా మంది నూనె రాసుకునే విషయంలో చాలా నిర్లక్ష్యం వహిస్తున్నారు. ఇలాంటప్పుడు షాంపూతో తలస్నానం చేసే ముందు జుట్టుకు నూనె రాసుకోవడం మంచిది.
జుట్టులో తేమను నిలుపుకోవడానికి, షాంపూ చేయడానికి ముందు నూనె రాసుకోవాలి. నూనె జుట్టు మీద పూతను ఏర్పరుస్తుంది. తద్వారా షాంపూ చేసిన తర్వాత కూడా తేమ తగ్గదు. చలికాలంలో జుట్టు చిట్లడం పెరుగుతుంది. కానీ నూనె రాసుకుని షాంపూ చేస్తే రఫ్, డ్రై హెయిర్ సమస్య అంతగా కనిపించదు. నూనె జుట్టు పొడిబారనీయదు. ఇది హెయిర్ స్టైలింగ్ కూడా చాలా సులభతరం చేస్తుంది.
నూనెతో తలపై మసాజ్ చేయడం వల్ల రక్త ప్రసరణ పెరుగుతుంది. ఇది స్కాల్ప్ ఆరోగ్యాన్ని కాపాడుతుంది. అలాగే వెంట్రుకల కుదుళ్లకు పోషణ లభిస్తుంది. కొబ్బరి నూనె వంటి నూనెలు జుట్టుకు పట్టించడం వల్ల చుండ్రు , దురద నుంచి కూడా ఉపశమనం లభిస్తుంది.
షాంపూతో తలస్నానం చేసినా జుట్టుకు సహజమైన మెరుపు రావడం లేదని చాలా మంది చెబుతుంటారు. అయితే షాంపూ చేయడానికి ముందు నూనె రాసుకోవడం వల్ల ఈ సమస్య కనిపించదు. బదులుగా, జుట్టును చాలా మృదువుగా, మెరిసేలా చేస్తుంది. షాంపూ చేయడానికి 30 నిమిషాల ముందు నూనెను వేడి చేసుకోవాలి. గోరువెచ్చగా మారిన తర్వాత నూనెతో మసాజ్ చేసుకుని, 30 నిమిషాల తర్వాత తల స్నానం చేసుకోవాలి.