సండే స్పెషల్.. హైదరాబాదీ చికెన్ గ్రేవీ.. ఇలా వండితే అదిరిపోద్దీ!
సండే వచ్చిందంటే చాలు చాలా మంది నాన్ వేజ్ వైపునే ఎక్కువ ఇంట్రస్ట్ చూపుతారు. చికెన్ లేదా మటన్ ఎక్కువగా వండుకుంటారు. అయితే ఎప్పుడూ రోటీన్గా చికెన్, మటన్ బోర్గా ఉంటుంది కదా, అందుకే ఈ సారి కొత్తగా హైదరాబాదీ స్టైల్ చికెన్ గ్రేవీని ప్రిపేర్ చేయండి. దీనిని ఇంట్లో సులభంగా ఎలా చేయాలి అంటే?
చికెన్ గ్రేవీ తయారు చేయడానికి కావాల్సిన పదార్థాలు : నూనె,తరిగిన ఉల్లిపాయలు, చికెన్, అల్లం వెల్లుల్లి పేస్ట్, చిక్కటి పెరుగు, పచ్చి మిర్చి రెండు నుంచి మూడు,కొత్తిమీర, కరివేపాకు, పుదీనా, పసుపు చిటికెడు, సోంపు, మిరియాల పొడి, కారం, ఉప్పు, గరం మసాలా, నిమ్మకాయ.
గ్రేవీ ప్రిపేర్ చేసుకోవడానికి కావాల్సిన పదార్థాలు : నాలుగు లవంగాలు, యాలకులు మూడు, నానబెట్టిన చికెన్ బెరడు, నీరు ఒక కప్పు, కొత్తిమీర, పూదీనా.
చికెన్ వంటకం తయారీ : దీని కోసం ముందుగా స్టవ్ ఆన్ చేయాలి. అందులో నూనె పోసి, ఉల్లిపాయలు వేసి బంగారు రంగు వచ్చే వరకు వేయించాలి. తర్వాత పచ్చి మిర్చి వేసి మరో రెండు నిమిషాలు వేయించాలి. ఆ తర్వాత అల్లం వెల్లుల్లి పేస్ట్ వేసి పచ్చి వాసన పోయే వరకు మంచిగా వేయించుకోవాలి. తర్వాత ఇందులో కొంచెం మిరియాల పొడి, చిటికెడు వేసి వేయిస్తే మంచి వాసన వస్తుంది.
తర్వాత చికన్ వేయాలి. మంచిగా కలిపి, పెరుగు, కరివేపాకు, గరం మసాలా, సోంపు పొడి వేసి మంచిగా కలపాలి. పది నిమిషాల పాటు చికెన్ ఉడికిన తర్వాత నిమ్మకాయ రసం పోసి, కొద్ది కొద్దిగా వాటర్ పోస్తూ ఉడకనివ్వాలి.
ఇప్పుడు చికెన్ గ్రేవీ తయారు చేసుకోవాలి. దీని కోసం పాన్ పెట్టి నూనె పోసి ఉల్లిపాయలు వేయించాలి. తర్వాత అందులో లవంగాలు, యాలకులు, బిర్యానీ ఆకులు వేసి మంచిగా వేగిన తర్వాత మ్యారినెట్ చికెన్ వేసి బాగా కలపాలి. పది నిమిషాల తర్వాత మూత తీసి అరకప్పు నీళ్లు పోసి దాదాపు 20 నిమిషాలు ఉడకబెట్టాలి. బాగా ఉడికిన తర్వాత కొత్తిమీర, పూదీనా ఆకులు వేసి మెత్తగా చేసుకోవాలి. అంతే వేడి వేడి హైదరాబాదీ స్టైల్ చికెన్ గ్రేవీ రెడీ.