రోజూ ఉలవలు తింటే.. ఇమ్యూనిటీ డబుల్ .. గుర్రంలా పరుగులు తీస్తారు
ఉలవలు కేవలం గుర్రాల దానా కాదు, మధుమేహాన్ని నియంత్రించడంలో అద్భుతంగా పని చేసే శక్తివంతమైన ఆహారం. 100 గ్రాములకు 22 గ్రాముల ప్రోటీన్, 8 గ్రాముల ఫైబర్ లభిస్తుంది. ఇనులిన్, పైరోగ్లుటామినిల్ గ్లుటామిన్, డోలిచిన్ ఎ, బి వంటి సమ్మేళనాలు ఇన్సులిన్ ఉత్పత్తిని, సున్నితత్వాన్ని పెంచుతాయి. మొలకలు కట్టి, ఉడకబెట్టి.. చారు రూపంలో తీసుకోవడం వల్ల రోగనిరోధక శక్తి, మెదడు ఆరోగ్యం మెరుగుపడతాయి.
100 గ్రాముల ఉలవల్లో 329 కిలో క్యాలరీల శక్తి లభిస్తుంది. ఇందులో 57 గ్రాముల కార్బోహైడ్రేట్లు, కేవలం 0.6 గ్రాముల కొవ్వు, 22 గ్రాముల అధిక ప్రోటీన్, 8 గ్రాముల ఫైబర్ ఉంటాయి. ఈ ప్రోటీన్ శాతం 100 గ్రాముల మేకమాంసంలో ఉండే ప్రోటీన్‌తో సమానం. ఈ ధాన్యం కేవలం కడుపు నింపడమే కాకుండా, శరీరానికి అవసరమైన స్థూల పోషకాలను అందిస్తుంది.
ఉలవల్లో ఉండే ఇనులిన్ అనే రసాయన సమ్మేళనం ఒక ముఖ్యమైన పాత్ర పోషిస్తుంది. ఇది మనం తిన్న తర్వాత పొట్ట ప్రేగులలోని బ్యాక్టీరియా జీర్ణం అయ్యి, కొన్ని రసాయనాలను విడుదల చేస్తుంది. ఈ రసాయనాలు కణజాలంలో ఉండే మైటోకాండ్రియాను ప్రేరేపిస్తాయి. మైటోకాండ్రియా శరీరానికి శక్తిని ఉత్పత్తి చేసే కేంద్రాలు. ఇవి ఉత్తేజపరచబడటం వల్ల ఎక్కువ శక్తి విడుదల అవుతుంది. ఇది ఆహారం వలన లభించే బలం కంటే ఎక్కువగా, కణ స్థాయిలో విడుదలయ్యే శక్తిని సూచిస్తుంది.
ప్రస్తుత సమాజంలో మధుమేహం ఒక పెద్ద ఆరోగ్య సమస్యగా మారింది, దాదాపు 25-35% మంది ప్రజలు ఈ వ్యాధితో బాధపడుతున్నారు. మధుమేహాన్ని నివారించడానికి , నియంత్రించడానికి ఉలవలు ఒక అద్భుతమైన పరిష్కారం. ఉలవల్లో ఉండే "పైరోగ్లుటామినిల్ గ్లుటామిన్" అనే రసాయన సమ్మేళనం జీర్ణవ్యవస్థలోకి ప్రవేశించిన తర్వాత ఇంక్రిటిన్స్‌ను విడుదల చేస్తుంది. ఈ ఇంక్రిటిన్స్ ప్యాంక్రియాస్‌లోని బీటా కణాలను ప్రేరేపించి, ఇన్సులిన్ ఉత్పత్తిని పెంచుతాయి.
డోలిచిన్ ఎ, బి అనే సమ్మేళనాలు ఇన్సులిన్ నిరోధకతను తగ్గిస్తాయి. ఇది రక్తంలో చక్కెర కణజాలంలోకి వేగంగా వెళ్ళడానికి సహాయపడుతుంది, ఇన్సులిన్ సున్నితత్వాన్ని పెంచుతుంది. ఇది యువతలో పెరుగుతున్న మధుమేహ సమస్యను నిరోధించడానికి చాలా ముఖ్యమైనది. ఉలవల్లోని 57% కార్బోహైడ్రేట్లలో, 43% స్టార్చ్ జీర్ణం కానిది. అంటే, ఈ కార్బోహైడ్రేట్లు రక్తంలోకి గ్లూకోజ్‌ను విడుదల చేయవు, ఆ తర్వాత రక్తంలో చక్కెర స్థాయిలు పెరగవు.
ఈ లక్షణాలన్నింటి వల్ల, మధుమేహం ఉన్నవారికి ఉలవలు ఒక ఆ ఆహారం, లేనివారికి వ్యాధి రాకుండా నిరోధించడంలో సహాయపడుతుంది. ఉలవల్లో యాంటీఆక్సిడెంట్లు పుష్కలంగా ఉంటాయి. బీటా-సిటోస్టిరాల్, స్టిగ్మాస్టిరాల్, క్యాంఫెరాల్, నైట్రిక్ ఆక్సైడ్ వంటి సమ్మేళనాలు రోగనిరోధక శక్తిని పెంచడానికి తోడ్పడతాయి. మొలకలు కట్టి తీసుకోవడం వల్ల ఈ యాంటీఆక్సిడెంట్ల ప్రయోజనాలు మరింత మెరుగుపడతాయి. ఇందులోని ఇనోసిటాల్ అనే సమ్మేళనం మెదడు కణాలను రక్షించి, పార్కిన్సన్స్, అల్జీమర్స్, డిమెన్షియా , మతిమరుపు వంటి నాడీ సంబంధిత సమస్యలను నివారించడంలో సహాయపడుతుంది.