మన దేశ ప్రజలు ఎక్కువగా అన్నం తినేందుకు ఇష్టపడతారు. ముఖ్యంగా దక్షిణ భారతీయుల ప్రధాన ఆహారం వరి అన్నం. అన్నంలో ఇష్టమైన కూరలు వడ్డించుకుని కడుపు నిండా ఆరగించడం మన అలవాటు. కానీ నేట జీవనశైలి కారణంగా చాలా మంది లావు అవుతారనే భయంతో అన్నానికి దూరంగా ఉంటున్నారు. అన్నం తింటే రక్తంలో షుగర్ లెవల్స్ పెరుగుతాయని, బరువు పెరుగుతారని అన్నం మానేస్తున్నారు. నిజానికి, బియ్యంలో కార్బోహైడ్రేట్లు ఎక్కువగా ఉంటాయి. కాబట్టి చాలా మంది ఈ ఆహారానికి దూరంగా ఉంటారు. అయితే తగినంత శక్తిని పొందాలంటే అన్నం ఒక్కటే మానకగం. కాబట్టి అన్నం తినడం మానేయకుండా సరైన బియ్యాన్ని ఎంచుకోవచ్చంటున్నారు నిపుణులు.
కార్బోహైడ్రేట్స్, క్యాలరీలతో పాటు, రైస్లో పీచు, ప్రొటీన్, కొవ్వు, స్టార్చ్, విటమిన్ బి, ఐరన్, పొటాషియం, మెగ్నీషియం వంటి పోషకాలు ఉంటాయి. కాబట్టి అన్నం తినడం మానేయాల్సిన పనిలేదు. బియ్యం బదులు సరైన బియ్యం రకాన్ని ఎంచుకుంటే సమస్యను తేలిగ్గా పరిష్కరించుకోవచ్చు. మార్కెట్లో రకరకాల బియ్యం దొరుకుతున్నాయి. ఆరోగ్యానికి మేలు చేసే అనేక రకాల బియ్యం ఉన్నాయి. వాటిల్లో బ్రౌన్ రైస్ ఒకటి. ఇవి ఆరోగ్యానికి ఎంతో మేలు చేస్తాయి. బ్రౌన్ రైస్లో ఫైబర్, మెగ్నీషియం, ఐరన్, జింక్ ఎక్కువగా ఉంటాయి. బరువు తగ్గడానికి, కొలెస్ట్రాల్, షుగర్ లెవెల్స్ని కంట్రోల్ చేయడానికి బ్రౌన్ రైస్ తినవచ్చు.
బ్లాక్ రైస్ కూడా తినవచ్చు. ఈ అన్నం ఉడికిన తర్వాత ముదురు ఊదా రంగులోకి మారుతుంది. బ్లాక్ రైస్లో ఆంథోసైనిన్స్ అనే యాంటీ ఆక్సిడెంట్లు ఉంటాయి. ఫైబర్ కూడా అధికంగా ఉంటుంది. అయితే ఈ అన్నం రుచి కొంచెం తియ్యగా ఉంటుంది.
రెడ్ రైస్లో అధిక మొత్తంలో ఫైబర్, ప్రోటీన్లు ఉంటాయి. ఈ ఎర్ర బియ్యం ఆసియా ఖండంలో మాత్రమే ఉత్పత్తి అవుతాయి. రెడ్ రైస్లో యాంటీ ఇన్ఫ్లమేటరీ, యాంటీ డయాబెటిక్, కార్డియోప్రొటెక్టివ్ లక్షణాలు ఉంటాయి. కొలెస్ట్రాల్ స్థాయిలను కూడా తగ్గిస్తుంది.
వైల్డ్ రైస్లో విటమిన్ బి, విటమిన్ ఇ, కాల్షియం, ఐరన్, ఫాస్పరస్, పొటాషియం, జింక్ వంటి పోషకాలు ఉంటాయి. ఇది ఫ్లేవనాయిడ్లను కలిగి ఉంటుంది. ఇందులోని పోషకాలు వ్యాధులను దరిచేరకుండా కాపాడుతాయి.