Success Tips: అదృష్టం కాదు ఆలోచనలే.. అసలైన సక్సెస్ సీక్రెట్ ఇదే.. ఫాలో అయితే మీకు తిరుగుండదు..
ఎంతోమంది సక్సెస్ కావాలని చూస్తారు.. కానీ కొందరే అవుతారు. సక్సెస్ అయిన వాళ్ళు స్పెషల్గా ఏం చేస్తున్నారు..? అదృష్టం, కష్టం పక్కన పెడితే.. వాళ్ల ఆలోచనా విధానమే వాళ్లను ముందుకు నడిపిస్తుంది. మనస్తత్వశాస్త్రం ప్రకారం.. మన ఆలోచనలే మన అలవాట్లుగా మారతాయి. అలవాట్లే ఫలితాలను ఇస్తాయి. అందుకే కొన్ని చిన్న చిన్న మార్పులతో మీ మెదడుకు ట్రైనింగ్ ఇస్తే మీలో స్ఫూర్తి, క్రమశిక్షణ పెరుగుతాయి. సక్సెస్ కోసం మీ మెదడును సిద్ధం చేసే 5 చిట్కాల గురించి ఇప్పుడు తెలుసుకుందాం..
మనతో మనం: మీరు మీతో ఏం మాట్లాడుకుంటున్నారు..? ఇది మీ నమ్మకాన్ని బలంగా ప్రభావితం చేస్తుంది. ఇది "నా వల్ల కాదు" అనే ఆలోచనలు మెదడు ఒత్తిడిని పెంచుతుంది. అదే "నేను ఇది నేర్చుకుంటాను" అని అనుకుంటే.. సంతోషాన్ని, ఉత్సాహాన్ని ఇచ్చే రసాయనాలు విడుదల అవుతాయి. ప్రతి రోజు ఉదయం మీ బలాలు, లక్ష్యాలను గుర్తు చేసుకోండి. కొద్ది రోజుల్లోనే భయం పోయి, దాని స్థానంలో గట్టి పట్టుదల వస్తుంది.
లక్ష్యాలను మనసులో: సక్సెస్ అయిన చాలా మంది ఈ టెక్నిక్ వాడతారు. దీన్ని కేవలం కలలు కనడం అనుకోకండి. మీరు మీ లక్ష్యాన్ని సాధించినట్లు మనసులో స్పష్టంగా ఊహించుకుంటే.. నిజంగా మీరు పని చేస్తున్నప్పుడు మెదడు అదే విధంగా పనిచేయడానికి అలవాటు పడుతుంది. ఉదయం లేవగానే, మీరు ఇంటర్వ్యూలో గెలిచినట్లు లేదా ఆ ప్రాజెక్టును పూర్తి చేసినట్లు కొన్ని నిమిషాలు ఊహించుకోండి. మీ ఆత్మవిశ్వాసం పెరుగుతుంది.
మైండ్ఫుల్నెస్తో ఏకాగ్రత: ఈ రోజుల్లో మన దృష్టి సులభంగా పక్కకు మళ్లుతుంది. అందుకే ఒక పనిపైనే దృష్టి పెట్టడం ఒక సూపర్ పవర్ లాంటిది. మైండ్ఫుల్నెస్ ద్వారా దీన్ని సాధించవచ్చు. అంటే మీ మెదడును గతం, భవిష్యత్తు గురించి ఆలోచించకుండా, ప్రస్తుత క్షణంపై ఉండమని నేర్పించడం. రోజుకు కనీసం 10 నిమిషాలు ప్రశాంతంగా కూర్చుని, మీ శ్వాసపై దృష్టి పెట్టండి. ఇది ఒత్తిడిని తగ్గించి, సరైన నిర్ణయాలు తీసుకునే శక్తిని, ఏకాగ్రతను పెంచుతుంది.
ఫెయిల్యూర్ను పాఠంగా: సక్సెస్ అయ్యేవాళ్లు తప్పులు చేస్తే భయపడరు. దాన్ని ఒక పాఠంగా తీసుకుని, ఆ తప్పుల నుండి నేర్చుకుంటారు. దీన్ని గ్రోత్ మైండ్సెట్ అంటారు. ఈ ఆలోచనా విధానం మీకు వచ్చే కష్టాలను అడ్డంకులుగా కాకుండా మీరు మరింత ఎత్తుకు ఎదగడానికి మెట్లుగా చూడడానికి సహాయపడుతుంది.
సక్సెస్ అయిన వాళ్లతో: మీరు ఎక్కువ సమయం ఎవరితో గడుపుతారో, వాళ్లలాగే మీ అలవాట్లు, ఆలోచనలు మారుతాయి." అందుకే మీకు స్ఫూర్తినిచ్చే, మీకు సపోర్ట్ చేసే, మిమ్మల్ని ఛాలెంజ్ చేసే వ్యక్తులతో కలవండి. మీరు ఎవరితో ఎక్కువ కలిసి ఉంటే మీ మెదడు కూడా వాళ్ల మంచి ఆలోచనలు, అలవాట్లను నేర్చుకుంటుంది. ఇది మీకు మరింత ఉత్సాహాన్ని ఇచ్చి, సక్సెస్ అయ్యేలా చేస్తుంది.