ఈ ఆకు మధుమేహానికి మందు.. రెగ్యూలర్‌గా తీసుకుంటే ఈ సమస్యలన్నీ దూరం..!
ఈ రోజుల్లో డయాబెటిస్ వేగంగా విస్తరిస్తోంది. వయసుతో నిమిత్తం లేకుండా లక్షలాది మంది మధుమేహంతో బాధపడుతున్నారు. మధుమేహం అనేది ఒక రకంగా ప్రాణాంతక వ్యాధి అని చెప్పాలి. దీనిని అదుపులో ఉంచుకోకపోతే గుండెపోటు, కిడ్నీ సంబంధిత సమస్యలను ఎదుర్కోవాల్సి వస్తుంది. మధుమేహాన్ని అదుపులో ఉంచుకోవాలంటే జీవనశైలి, ఆహారం చాలా ముఖ్యం. మధుమేహ వ్యాధిగ్రస్తులకు రామబాణం మెంతి ఆకులు. వీటిని తీసుకోవడం వల్ల షుగర్ అదుపులో ఉంటుందని నిపుణులు చెబుతున్నారు.
మెంతికూరలో ఉండే కాల్షియం, మెగ్నీషియం, విటమిన్ డి, ఫైబర్ కారణంగా ఆరోగ్యం మెరుగుపడుతుంది. ముఖ్యంగా గుండె ఆరోగ్యాన్ని కాపాడుతుంది. మెంతికూరను తరచూ డైట్‌లో భాగంగా చేసుకోవటం వల్ల శరీరంలో ఉండే చెడు కొలెస్ట్రాల్ సులభంగా కరుగుతుంది. ఇందులో ఉండే ఫైబర్ కారణంగా వారంలో రెండు సార్లు మెంతి కూర తినడం వల్ల జీర్ణక్రియ మెరుగుపడుతుంది. అజీర్తి, కడుపు నొప్పి, గ్యాస్ సమస్యలతో బాధపడేవారికి ఇది అద్భుతంగా పనిచేస్తుంది.
మెంతి కూరలోని పోషకాలు శరీరంలోని విష పదార్ధాలను బయటకు పంపించడంలో దోహదం చేస్తాయి. దాంతో చర్మం ఆరోగ్యంగా ఉంటుంది. ఇందులో ఉండే పోషకాలు చర్మంపై ముడతల్ని దూరం చేస్తాయి. చర్మాన్ని యౌవనంగా ఉంచుతాయి. స్వభావరీత్యా మెంతి కూర వేడి చేస్తుంది.
మెంతులు ఆరోగ్యానికి ఎంత మంచివో మెంతి కూర కూడా అంతే ప్రయోజనకరమైంది. అందుకే మెంతి కూరను వారంలో కనీసం రెండుసార్లైనా తినాలని చెబుతున్నారు ఆరోగ్య నిపుణులు. ముఖ్యంగా ఈ చలికాలంలో మన శరీరాన్ని వేడిగా ఉంచుకోవాలి. దీని వల్ల ఇమ్యూనిటీ పెరిగి హెల్దీగా ఉంటాం. మెంతికూర తినడం వల్ల శరీరంలో వేడి పెరుగుతుంది. ఇందులో బాడీకి అవసరమైన విటమిన్స్, ఖనిజాలు, ఫైబర్ అందుతుంది.
మెంతికూరలో ఉండే అధిక ఫైబర్ వల్ల ఎక్కువ సమయం కడుపు నిండినట్టుగా ఉంటుంది. దాంతో బరువు తగ్గించేందుకు అద్భుతంగా ఉపయోగపడుతుంది. అంతేకాకుండా మధుమేహం వ్యాధిగ్రస్థులకు మెంతి కూర దివ్యౌషధంగా భావిస్తారు. రక్తంలో చక్కెర స్థాయిని మెంతి ఆకులు అద్భుతంగా తగ్గిస్తాయి. టైప్ 2 డయాబెటిస్ వ్యాధిగ్రస్థులకు చాలా బాగా పనిచేస్తుందని ఆరోగ్య నిపుణులు చెబుతున్నారు.
Fenugreek Leaves