Health Tips: బరువు తగ్గడానికి ఎండు కొబ్బరి.. ఇంకా ఆరోగ్యానికి ఏయే ప్రయోజనాలు ఉన్నాయంటే..?
Health Tips: కొబ్బరి ఆరోగ్యానికి ఎంతో మేలు చేస్తుంది. ప్రొటీన్లు, విటమిన్లు, ఐరన్, కాల్షియం, మాంగనీస్, సెలీనియం, కాపర్, ఫాస్పరస్, పొటాషియం, మెగ్నీషియం వంటి శరీరానికి కావలసిన అనేక పోషకాలు కొబ్బరిలో ఉన్నాయి. ఇంకా రోగ నిరోధక శక్తిని మెరుగుపరిచే విటమిన్ సి, యాంటీఆక్సిడెంట్లు కూడా ఉన్నాయి. ఇన్ని పోషకాలను కలిగిన కొబ్బరిని తినడం, వంటకాల్లో భాగం చేసుకోవడం వల్ల ఆరోగ్యం స్థిరంగా ఉంటుంది. ఇంతకీ కొబ్బరి వల్ల ఎలాంటి ప్రయోజనాలు ఉంటాయో ఇప్పుడు తెలుసుకుందాం..
ఎండు కొబ్బరిని తీసుకోవడం వల్ల జీర్ణ వ్యవస్థ పనితీరు పెరగడంతో పాటు బరువు తగ్గుతారు. దీనిలోని ఫైబర్ జీర్ణక్రియను పెంచి శరీర భాగాలను శక్తి లభించేలా చేస్తుంది. ఇంకా ఆకలిని నియంత్రించడంలో, కొవ్వును కరిగించడంలో ఉపయోగపడుతుంది.
ఎండు కొబ్బరిని తీసుకోవడం వల్ల రక్తహీనత నుంచి ఉపశమనం కలుగుతుంది. కొబ్బరిలోని రన్ శరీరంలో హిమోగ్లొబిన్ స్థాయిని పెంచి ఎర్ర రక్త కణాల ఉత్పత్తిని పెంచుతుంది. ఫలితంగా శరీరంలో రక్తం పెరుగుతుంది.
కొబ్బరిలోని యాంటీఆక్సిడెంట్లు, విటమిన్ సి, విటమిన్ ఇ కేశ సమస్యలు, చర్మ సమస్యలను నివారించడంలో ఉపయోగకరంగా ఉంటాయి. ఫలితంగా చుండ్రు, జట్టు రాలడం, పొడి జట్టు, మొటిమలు, మచ్చలు, గీతలు నయమవుతాయి.
ఎండు కొబ్బరిని తీసుకోవడం వల్ల క్యాన్సర్ వంటి ప్రాణాంతక వ్యాధుల ప్రమాదాన్ని తగ్గించుకోవచ్చు. ఎందుకంటే ఎండు కొబ్బరిలో చాలా పోషకాలు ఉంటాయి. ఇవి రొమ్ము క్యాన్సర్, ప్రోస్టేట్ క్యాన్సర్ కణాలు ఏర్పడకుండా నిరోధించగలవు.
కొబ్బరిలోని పొటాషియం గుండె ఆరోగ్యాన్ని కాపాడడంలో ఉపయోగపడుతుంది. ఇంకా దీనిలోని ఇతర పోషకాలు శరీరంలోని కొలెస్ట్రాల్ స్థాయిలను నియంత్రించి గుండెపోటు, రక్తపోటు సమస్యల ప్రమాదాన్ని తగ్గిస్తాయి.