Elephants Teeth: ఏనుగుకి కనిపించే రెండు దంతాలేనా.. నోట్లో ఇంకా పళ్లు ఉంటాయా?
ఏనుగుకి రెండు పెద్ద దంతాలు ఉంటాయన్న సంగతి అందరికీ తెలిసిందే. కానీ ఈ దంతాలు కేవలం రక్షణ కోసం మాత్రమే. ఏనుగు నోటిలో ఇంకా దంతాలు ఉంటాయట. అసలు ఎన్ని దంతాలు ఉంటాయో ఇక్కడ తెలుసుకుందాం.. నిజానికి ఏనుగుకు ఉండే పొడవాటి, ముందుకు పొడుచుకువచ్చే రెండు దంతాలు ప్రధానంగా ఆత్మరక్షణకు..
ఏనుగుకి రెండు పెద్ద దంతాలు ఉంటాయన్న సంగతి అందరికీ తెలిసిందే. కానీ ఈ దంతాలు కేవలం రక్షణ కోసం మాత్రమే. ఏనుగు నోటిలో ఇంకా దంతాలు ఉంటాయట. అసలు ఎన్ని దంతాలు ఉంటాయో ఇక్కడ తెలుసుకుందాం..
ఏనుగుకు ఉండే పొడవాటి, ముందుకు పొడుచుకువచ్చే రెండు దంతాలు ప్రధానంగా ఆత్మరక్షణకు, చెట్ల కొమ్మలను విరగ్గొట్టడానికి ఉపయోగపడతాయి. ఈ దంతాలు ఆహారాన్ని నమలడానికి ఉపయోగపడవు.
ఏనుగు నిజమైన తినే దంతాలు దాని నోటి లోపల, దవడ పక్కన (మోలార్లు) ఉంటాయి. ఈ దంతాలు ఆహారాన్ని నమలడానికి ఉపయోగపడతాయి. ఏనుగుకు నోట్లో మొత్తం 26 దంతాలు ఉంటాయి.
వీటిలో 2 దంతాలు బయట కనిపిస్తాయి. 24 దంతాలు నోటి లోపల ఉంటాయి. ఏనుగు జీవితంలో అత్యంత ఆసక్తికరమైన విషయం ఏమిటంటే దాని దంతాలు ఒకటి రెండు సార్లు కాదు, ఏకంగా 6 సార్లు ఊడిపోయి తిరిగి పెరుగుతాయట.
ఒక దంతం అరిగిపోయి ఊడిపోయినప్పుడు, దాని స్థానంలో కొత్త దంతాలు పెరుగుతాయి. ఏనుగుల ఆహారం చాలా గట్టిగా, పీచుపదార్థంతో ఉంటుంది. ఈ ఆహారాన్ని నిరంతరం నమలడం వల్ల వాటి దంతాలు అరిగిపోయి, చివరికి విరిగిపోతాయి. ఆ తర్వాత వాటి స్థానంలో కొత్త దంతాలు తిరిగి పెరుగుతాయి.