e-Ration Card: ఎలాంటి కార్డు చూపెట్టకుండానే రేషన్ తీసుకోవచ్చు.. అదెలాగో ఈజీగా తెలుసుకోండి..
దేశంలోని అధిక భాగం ప్రజలు ఇప్పటికీ ఇంటి నిర్వహణకు రేషన్‌పైనే ఆధారపడి జీవిస్తున్నారు. ఆర్థికంగా వెనుకబడిన వర్గాలకు ప్రభుత్వం తక్కువ ధరకు రేషన్ అందజేస్తుంది. ఈ రోజుల్లో డిజిటల్ రేషన్ కార్డు గురించి అందరికీ తెలిసి ఉండవచ్చు.
దేశంలోని అధిక భాగం ప్రజలు ఇప్పటికీ ఇంటి నిర్వహణకు రేషన్‌పైనే ఆధారపడి జీవిస్తున్నారు. ఆర్థికంగా వెనుకబడిన వర్గాలకు ప్రభుత్వం తక్కువ ధరకు రేషన్ అందజేస్తుంది. ఈ రోజుల్లో డిజిటల్ రేషన్ కార్డు గురించి అందరికీ తెలిసే ఉంటుంది. అయితే రేషన్ వినియోగదారుల సౌకర్యార్థం కేంద్ర ప్రభుత్వం ఈ-రేషన్ కార్డు విధానాన్ని ప్రవేశపెట్టింది.
ఈ-రేషన్ కార్డ్ ఈనాటి సేవ కాదు. ఈ రేషన్ కార్డు సేవను కేంద్ర ప్రభుత్వం 2015లో ప్రవేశపెట్టింది. తొలి దశలో ఢిల్లీలో ఈ-రేషన్ కార్డు సదుపాయాన్ని తీసుకువచ్చారు. ఆ తరువాత ఈ రేషన్ కార్డు సేవ ఇతర రాష్ట్రాలలో కూడా ప్రవేశపెట్టారు.
రేషన్ కార్డుల పంపిణీ సమస్యను మరింత సులభం చేయడానికి ఈ-రేషన్ కార్డ్ సర్వీస్ ను ప్రారంభించారు. రేషన్ కార్డుతో ఆధార్ కార్డు, మొబైల్ నంబర్ అనుసంధానం అయి ఉన్న వారు ఈ-రేషన్ కార్డు కోసం దరఖాస్తు చేసుకోవచ్చు. ఇ-రేషన్ కార్డు పొందిన తర్వాత మీరు రేషన్‌ను తీసుకోవడానికి కార్డు లేదా ఎలాంటి పత్రాలను చూపించాల్సిన అవసరం లేదు. సులభంగా రేషన్‌ను తీసుకోవచ్చు.
రేషన్ కార్డు డౌన్‌లోడ్ చేసుకోవడం ఎలా..? ప్రతి రాష్ట్రం సొంత ప్రజా పంపిణీ వ్యవస్థ వెబ్‌సైట్‌ను కలిగి ఉంది. రేషన్ కార్డుకు సంబంధించిన మొత్తం సమాచారం nfsa.gov.in అనే వెబ్‌సైట్‌లో అందుబాటులో ఉంది. ఈ వెబ్‌సైట్ హోమ్‌పేజీలో ప్రింట్ రేషన్ కార్డ్ ఎంపికను ఎంచుకోవాలి. ఆ తర్వాత మీ రేషన్ కార్డ్ నంబర్, ఇతర వివరాలను ఫారమ్‌లో నింపండి.
ఇప్పుడు మీ ఇ-రేషన్ కార్డ్ అప్లికేషన్ PDS ద్వారా చెక్ అవుతుంది. ధృవీకరణ పూర్తయిన తర్వాత, అధికారిక వెబ్‌సైట్‌కి వెళ్లి, కార్డ్ స్థితిని చూడటానికి రేషన్ నంబర్‌ను నమోదు చేయండి.
కార్డ్ జనరేట్ అయితే, మీరు వెబ్‌సైట్ నుండి కార్డ్ ప్రింట్ అవుట్ కూడా తీసుకోవచ్చు. ఆ తర్వాత ఎక్కడైనా రేషన్ తీసుకోవచ్చు..