Team India: క్రికెట్లోనే కాదు రాజకీయంగానూ ఈ ప్లేయర్స్ తోపులే.. లిస్టులో 10 మంది టీమిండియా ఆటగాళ్లు..
Indian Cricketers: టీమ్ ఇండియాకు ఆడిన చాలా మంది ఆటగాళ్లు రాజకీయాల్లోనూ గుర్తింపు తెచ్చుకున్నారు. ఇలా బీజేపీ నుంచి ఎంపీగా ఎన్నికైన గౌతం గంభీర్ ఇప్పుడు రాజకీయాలకు దూరంగా ఉండాలని నిర్ణయించుకున్నారు. అలాగే, రాబోయే రోజుల్లో ఐపీఎల్తో పాటు ఇతర లీగ్లలో కూడా పాల్గొనాలనుకుంటున్నాడు. కాగా, గౌతమ్ గంభీర్తో పాటు, టీమిండియాకు చెందిన పలువురు ఆటగాళ్లు రాజకీయాల్లో తమ 2వ ఇన్నింగ్స్ను ప్రారంభించారు. వారిలో కొందరు సక్సెస్ కాగా, కొందరు మాత్రం విఫలయ్యారు.
భారత జట్టు మాజీ ఆటగాడు గౌతమ్ గంభీర్ రాజకీయాలకు గుడ్ బై చెప్పాడు. 2019లో తూర్పు ఢిల్లీ నియోజకవర్గం నుంచి బీజేపీ ఎంపీగా ఎన్నికైన గంభీర్.. ఇప్పుడు రాజకీయ కార్యకలాపాలకు దూరంగా ఉంటానని చెప్పుకొచ్చారు. దీంతో గౌతమ్ గంభీర్ పొలిటికల్ ఇన్నింగ్స్ ముగియడం ఖాయమైంది.
గౌతమ్ గంభీర్తో పాటు, టీమిండియాకు చెందిన పలువురు ఆటగాళ్లు రాజకీయాల్లో తమ 2వ ఇన్నింగ్స్ను ప్రారంభించారు. వారిలో కొందరు సక్సెస్ కాగా, కొందరు మాత్రం విఫలయ్యారు. ఆ ఆటగాళ్లు ఎవరు? ఏయే నియోజకవర్గాల నుంచి పోటీ చేశారో ఇప్పుడు తెలుసుకుందాం..
మనోజ్ తివారీ: టీమిండియా తరపున 15 మ్యాచ్లు ఆడిన మనోజ్ తివారీ పశ్చిమ బెంగాల్ క్రీడా మంత్రిగా పనిచేస్తున్నారు. 2021 అసెంబ్లీ ఎన్నికల్లో తృణమూల్ కాంగ్రెస్ పార్టీ నుంచి పోటీ చేసి శిబ్పూర్ నియోజకవర్గం నుంచి ఎమ్మెల్యేగా ఎన్నికయ్యారు.
నవజ్యోత్ సింగ్ సిద్ధూ: 2019లో, కాంగ్రెస్ పార్టీలో గుర్తింపు పొందిన నవజ్యోత్ సింగ్ సిద్ధూ, పంజాబ్ పర్యాటక, సాంస్కృతిక వ్యవహారాల మంత్రిగా పనిచేశారు. ఇంతకు ముందు సిద్ధూ భారత్ తరపున 187 మ్యాచ్లు ఆడాడు.
మన్సూర్ అలీ ఖాన్ పటౌడీ: రాజకీయాల్లో తన ఇన్నింగ్స్ ప్రారంభించిన వారిలో భారత మాజీ కెప్టెన్ మన్సూర్ అలీ ఖాన్ పటౌడీ ఒకరు. లోక్సభ ఎన్నికల్లో హర్యానాలోని భివానీ, మధ్యప్రదేశ్లోని భోపాల్ నుంచి రెండుసార్లు పోటీ చేసి ఓడిపోయారు.
మహ్మద్ కైఫ్: టీమిండియా మాజీ ఆటగాడు మహ్మద్ కైఫ్ 2014 లోక్సభ ఎన్నికల్లో ఉత్తరప్రదేశ్లోని ఫుల్పూర్ నుంచి కాంగ్రెస్ తరపున పోటీ చేశారు. అయితే తొలి ప్రయత్నంలోనే ఓడిపోవడంతో రాజకీయాలకు దూరంగా ఉన్నారు.
మహ్మద్ అజారుద్దీన్: టీమిండియా మాజీ కెప్టెన్ మహ్మద్ అజారుద్దీన్ 2009లో ఉత్తరప్రదేశ్లోని మొరాదాబాద్ నియోజకవర్గం నుంచి కాంగ్రెస్ ఎంపీగా ఎన్నికయ్యారు. ఇప్పుడు హైదరాబాద్ కాంగ్రెస్లో గుర్తింపు పొందిన ఆయన.. ఇటీవల జరిగిన అసెంబ్లీ ఎన్నికల్లో జూబ్లీహిల్స్ నియోజకవర్గంలో పోటీ చేసి ఓడిపోయారు.
కీర్తి ఆజాద్: టీం ఇండియా మాజీ ఆల్ రౌండర్ కీర్తి ఆజాద్ బీహార్లోని దర్భంగా నియోజకవర్గం నుంచి బీజేపీ పార్టీ నుంచి మూడుసార్లు విజయం సాధించారు. ఆ తర్వాత కాంగ్రెస్ పార్టీలో చేరారు. 1983 ప్రపంచకప్ విజేత జట్టులో భాగమైన ఆజాద్ ఇప్పుడు రాజకీయాలకు దూరంగా ఉన్నారు.
చేతన్ చౌహాన్: టీమిండియా మాజీ టెస్ట్ బ్యాట్స్మెన్ చేతన్ చౌహాన్ ఉత్తరప్రదేశ్లోని అమ్రోహా నియోజకవర్గం నుంచి రెండుసార్లు బీజేపీ ఎంపీగా ఎన్నికయ్యారు. 2004లో ఓటమి తర్వాత రాజకీయాలకు గుడ్ బై చెప్పారు.
వినోద్ కాంబ్లీ: మాజీ భారత జట్టు బ్యాట్స్మెన్ వినోద్ కాంబ్లీ 2009 అసెంబ్లీ ఎన్నికల్లో ముంబైలోని విఖ్క్రోలి నుంచి లోక్ భారతి పార్టీ నుంచి పోటీ చేశారు. ఆ ఎన్నికల్లో ఓడిపోవడంతో రాజకీయాలకు దూరంగా ఉన్నారు.
మనోజ్ ప్రభాకర్: అంతర్జాతీయ క్రికెట్ నుంచి రిటైరైన తర్వాత మనోజ్ ప్రభాకర్ బీజేపీలో చేరారు. టీమిండియా తరపున 169 మ్యాచ్లు ఆడిన అతను ఇప్పటికీ భారతీయ జనతా పార్టీలో గుర్తింపు పొందారు.
ప్రకాష్ రాథోడ్: కర్ణాటక తరపున 14 ఫస్ట్ క్లాస్ మ్యాచ్ లు ఆడిన ప్రకాష్ రాథోడ్ కు కాంగ్రెస్ పార్టీలో గుర్తింపు ఉంది. 2018లో కర్ణాటక లెజిస్లేటివ్ కౌన్సిల్ సభ్యునిగా కూడా ఎన్నికయ్యారు.