Team India: 11 ఏళ్లు.. 18 టెస్ట్ సిరీస్‌లు.. 18 విజయాలు.. స్వదేశంలో తగ్గేదేలే అంటోన్న రోహిత్ సేన
Team India: గత 11 ఏళ్లలో టీమిండియా స్వదేశంలో 18 టెస్టు సిరీస్‌లు ఆడింది. ఈ పద్దెనిమిది సిరీస్‌లనూ టీంమిండియా గెలుచుకుంది. దీని ద్వారా టెస్టు క్రికెట్ చరిత్రలో స్వదేశంలో వరుసగా 15కి పైగా సిరీస్‌లు గెలిచిన ఏకైక జట్టుగా టీమిండియా అవతరించింది.
ఓటమి లేదు.. డ్రా లేదు.. ఇదీ భారత్‌లో టీమిండియా విజయాల రోడ్ జర్నీ. అవును, గత దశాబ్దంలో భారత జట్టు స్వదేశంలో ఒక్క టెస్టు సిరీస్‌ను కూడా కోల్పోలేదు. ప్రత్యర్థులెవరూ సిరీస్‌ను కనీసం డ్రాగా ముగించలేకపోయారంటే నమ్మాల్సిందే.
2013లో మొదలైన ఈ విజయ పరంపర కొనసాగుతూనే ఉంది. బంగ్లాదేశ్‌తో జరిగిన టెస్టు సిరీస్‌ను 2-0 తేడాతో కైవసం చేసుకున్న టీమిండియా వరుసగా 18 సిరీస్‌లను కైవసం చేసుకుని సరికొత్త చరిత్ర సృష్టించింది. దీంతో స్వదేశంలో టీమిండియా విజయాన్ని కొనసాగిస్తోంది.
విశేషమేమిటంటే.. టీం ఇండియా తప్ప మరే జట్టు కూడా స్వదేశంలో వరుసగా 10కి పైగా టెస్టు సిరీస్‌లను గెలుచుకోలేదు. ఈ జాబితాలో రెండో స్థానంలో ఆస్ట్రేలియా 1994, 2000 మధ్య వరుసగా 10 టెస్టు సిరీస్‌లను గెలుచుకుంది.
2013 నుంచి 2024 వరకు స్వదేశంలో టీమిండియా వరుసగా 18 టెస్టు సిరీస్‌లను గెలుచుకుంది. దీని ద్వారా టెస్టు క్రికెట్ చరిత్రలో ఏ జట్టు సాధించలేని గొప్ప రికార్డును టీమ్ ఇండియా తన ఖాతాలో వేసుకుంది.
టీమ్ ఇండియా తదుపరి ప్రత్యర్థి న్యూజిలాండ్. అక్టోబర్ 16 నుంచి ప్రారంభం కానున్న ఈ సిరీస్‌లో భారత్, న్యూజిలాండ్ జట్లు మొత్తం 3 మ్యాచ్‌లు ఆడనున్నాయి. స్వదేశంలో జరిగే ఈ సిరీస్‌ను కైవసం చేసుకోవడం ద్వారా సిరీస్ విజయాల పరంపరను 19కి పెంచుతామని టీమిండియా ధీమాగా ఉంది.