T10 League: 6,6,6,6,6,4,4,4.. క్రిస్‌గేల్‌ తుఫాన్ ఇన్నింగ్స్‌.. ఏ బౌలర్‌ను విడిచిపెట్టలే..!
T10 League 2021-22, Bangla Tigers vs Team Abu Dhabi: అబుదాబి జట్టు తరపున క్రిస్ గేల్ 23 బంతుల్లో 52 పరుగులతో నాటౌట్‌గా నిలిచాడు.
ది యూనివర్స్ బాస్‌గా ప్రసిద్ధి చెందిన క్రిస్ గేల్ IPL 2021లో ప్రత్యేకంగా ఎలాంటి మాయ చేయలేకపోయాడు. టీ20 ప్రపంచకప్‌లో అతని బ్యాట్‌ సంచలన ఇన్నింగ్స్‌లు నెలకొల్పకపోయినా, ఈ ఆటగాడు మాత్రం ఇంకా వేగంగా పరుగులు సాధించే సత్తా కలిగి ఉన్నాడు.
టీ10 లీగ్‌లోని 17వ మ్యాచ్‌లో క్రిస్ గేల్ తుఫాన్ ఇన్నింగ్స్‌తో ఆకట్టుకున్నాడు. అబుదాబి జట్టు తరఫున ఆడుతున్న గేల్ బంగ్లా టైగర్స్‌పై హాఫ్ సెంచరీ బాదేశాడు. గేల్ 23 బంతుల్లో అజేయంగా 53 పరుగులతో బౌలర్లపై విరుచపడ్డాడు.
గేల్ సిక్సర్లు, ఫోర్లతో 42 పరుగులు చేశాడు. గేల్ తన తుఫాన్ ఇన్నింగ్స్‌లో 5 సిక్సర్లు, 3 ఫోర్లు బాదాడు. అయితే ఇంతలా గేల్ చెలరేగి ఆడినా.. తన జట్టు మాత్రం గెలవలేకపోవడం విశేషం.
తొలుత బ్యాటింగ్ చేసిన బంగ్లా టైగర్స 5 వికెట్లు కోల్పోయి 130 పరుగులు చేసింది. అనంతరం బరిలోకి దిగిన టీం అబుదాబి జట్టు కేవలం 120 పరుగులకే పరిమితమై ఓటమిపాలైంది. నాటౌట్‌గా నిలిచినా.. గేల్ మాత్రం జట్టును గెలిపించలేకపోయాడు. అబుదాబి కెప్టెన్ లియామ్ లివింగ్‌స్టోన్ 6 బంతుల్లో 20 పరుగులు, ఫిల్ సాల్ట్ 7 బంతుల్లో 17 పరుగులు చేసినా జట్టు ఓటమిని తప్పించలేకపోయారు. బంగ్లా టైగర్స్ తరఫున విల్ జాక్వెస్ 17 బంతుల్లో 43 పరుగులు, హజ్రతుల్లా జజాయ్ 20 బంతుల్లో 41 పరుగులు చేశారు.