Rohit Sharma: అంతర్జాతీయ క్రికెట్లో ‘హిట్మ్యాన్’ హవా.. 2013 నుంచి తగ్గేదేలే అంటోన్న భారత సారథి..
Team India Captain Rohit Sharma: రోహిత్ శర్మ 2013 నుంచి అంతర్జాతీయ క్రికెట్లో ఆధిపత్యం చెలాయిస్తున్నాడు. ప్రస్తుతం టీమిండియా కమాండ్ని నిర్వహిస్తున్న సంగతి తెలిసిందే.
Rohit Sharma: భారత క్రికెట్ జట్టు ప్రస్తుత కెప్టెన్ రోహిత్ శర్మ ఇటీవల వెస్టిండీస్తో జరిగిన మొదటి టెస్ట్ మ్యాచ్లో సెంచరీ సాధించిన సంగతి తెలిసిందే. భారత కెప్టెన్ ఇన్నింగ్స్ 10 ఫోర్లు, 2 సిక్సర్ల సాయంతో 103 పరుగులు చేశాడు. అయితే, ఎవరూ గుర్తించని రోహిత్ శర్మ అద్భుతమైన రికార్డు గురించి ఇప్పుడు తెలుసుకుందాం.. ఇందులో రోహిత్ చుట్టూ ఏ బ్యాట్స్మెన్ కూడా లేడు. 2013 నుంచి అంతర్జాతీయ క్రికెట్లో అత్యధిక సిక్సర్లు బాదిన ఆటగాడిగా రోహిత్ శర్మ నిలిచాడు.
అద్భుతమైన హిట్టింగ్తో 'హిట్మ్యాన్'గా పేరుగాంచిన రోహిత్ శర్మ 2013 నుంచి అంతర్జాతీయ క్రికెట్లో 486 సిక్సర్లు కొట్టాడు. ఈ క్రమంలో రోహిత్ శర్మకు మరే ఇతర బ్యాట్స్మెన్ కూడా దగ్గరగా లేరు. ఇంగ్లండ్ వికెట్ కీపర్ బ్యాట్స్మెన్ జోస్ బట్లర్ ఈ జాబితాలో రెండో స్థానంలో ఉన్నాడు. ఈ సమయంలో బట్లర్ 297 సిక్సర్లు కొట్టాడు.
మరోవైపు న్యూజిలాండ్కు చెందిన మార్టిన్ గప్టిల్ 282 సిక్సర్లు, ఇంగ్లండ్ మాజీ కెప్టెన్ ఇయాన్ మోర్గాన్ 264, ఆస్ట్రేలియా మాజీ కెప్టెన్ ఆరోన్ ఫించ్ 253 సిక్సర్లు బాదారు.
అంతర్జాతీయ క్రికెట్లో అత్యధిక సిక్సర్లు బాదిన వారిలో రోహిత్ శర్మ రెండో స్థానంలో ఉన్నాడు. ఇప్పటి వరకు ఆడిన 442 మ్యాచ్ల్లో 529 సిక్సర్లు అతని బ్యాట్ నుంచి వచ్చాయి.
ఈ జాబితాలో క్రిస్ గేల్ నంబర్ వన్ స్థానంలో ఉన్నాడు. గేల్ 483 మ్యాచ్ల్లో 553 సిక్సర్లు కొట్టాడు. ఈ జాబితాలో షాహిద్ అఫ్రిది 476 సిక్సర్లతో మూడో స్థానంలో, బ్రెండన్ మెకల్లమ్ 398 సిక్సర్లతో నాలుగో స్థానంలో, మార్టిన్ గప్టిల్ 383 సిక్సర్లతో ఐదో స్థానంలో ఉన్నారు.