RCB Record: వామ్మో.. 9 నిమిషాల్లో 10 లక్షలా.. కట్చేస్తే.. కోహ్లీకే దమ్కీ ఇచ్చిన లేడీ కోహ్లీ టీం.. అదేంటో తెలుసా?
WPL 2024: మహిళల ప్రీమియర్ లీగ్ ఫైనల్లో తొలుత బ్యాటింగ్ చేసిన ఢిల్లీ క్యాపిటల్స్ 113 పరుగులకు ఆలౌటైంది. 114 పరుగుల సులువైన లక్ష్యాన్ని ఛేదించిన ఆర్సీబీ జట్టు 19.3 ఓవర్లలో 2 వికెట్లు కోల్పోయి లక్ష్యాన్ని చేరుకుంది. దీంతో రాయల్ ఛాలెంజర్స్ బెంగళూరు తొలిసారి ఛాంపియన్ టైటిల్ను కైవసం చేసుకుంది. ఈ ఛాంపియన్షిప్ వార్తలతో RCB కూడా సోషల్ మీడియాలో కొత్త చరిత్ర సృష్టించింది. ఈ క్రమంలో కోహ్లీ రికార్డును వెనక్కునెట్టేసింది.
కప్ గెలవాలన్న ఆర్సీబీ అభిమానుల కల ఎట్టకేలకు నెరవేరింది. మహిళల ప్రీమియర్ లీగ్ (WPL 2024) 2వ సీజన్లో రాయల్ ఛాలెంజర్స్ బెంగళూరు (RCB) ఛాంపియన్గా నిలిచింది. ఈ ఛాంపియన్షిప్ వార్తలతో RCB కూడా సోషల్ మీడియాలో కొత్త చరిత్ర సృష్టించింది.
రాయల్ ఛాలెంజర్స్ బెంగళూరు జట్టు ఛాంపియన్గా నిలిచినందున RCB ఇన్స్టాగ్రామ్లో చేసిన పోస్ట్కు రికార్డ్ స్థాయిలో లైక్లు వచ్చాయి. అది కూడా కేవలం 9 నిమిషాల్లోనే కావడం విశేషం.
అంటే ఇన్స్టాగ్రామ్లో RCB టీమ్ షేర్ చేసిన ఛాంపియన్స్ పోస్ట్కి అతి తక్కువ సమయంలో 1 మిలియన్ (10 లక్షలు) లైక్స్ వచ్చాయి. దీనితో పాటు, RCB ఛాంపియన్ ఫొటో భారతదేశంలో 10 లక్షల లైక్లను పొందిన వేగవంతమైన ఇన్స్టాగ్రామ్ పోస్ట్గా రికార్డ్ హోల్డర్గా మారింది.
ఇంతకు ముందు ఈ రికార్డు విరాట్ కోహ్లీ పేరిట ఉండేది. ఫిబ్రవరి 20న రెండో బిడ్డ రాకకు సంబంధించిన శుభవార్తను కింగ్ కోహ్లీ ఇన్స్టాగ్రామ్ ద్వారా పంచుకున్నాడు. ఈ పోస్ట్ కేవలం 10 నిమిషాల్లో 10 లక్షల లైక్లను పొందడం ద్వారా భారతదేశంలో తక్కువ సమయంలో అత్యధిక లైక్లను నమోదు చేసింది.
ఇప్పుడు RCB జట్టు ఛాంపియన్గా నిలిచిన పోస్ట్కి కేవలం 9 నిమిషాల్లో 10 లక్షల లైక్స్ వచ్చాయి. ఇన్స్టాగ్రామ్ లైక్స్ రికార్డును విరాట్ కోహ్లీ పేరిట రాయల్ ఛాలెంజర్స్ బెంగళూరు జట్టు కైవసం చేసుకోవడం విశేషం.