IPL 2025: ప్రీతి జింటా ఆ దేశం ప్లేయర్లనే ఎందుకు కొనుగోలు చేసింది?
IPL 2025: ఇండియన్ ప్రీమియర్ లీగ్ 18వ ఎడిషన్‌లో పంజాబ్ కింగ్స్‌కు శ్రేయాస్ అయ్యర్ నాయకత్వం వహించనున్నట్లు తెలుస్తుంది. వైస్ కెప్టెన్‌గా గ్లెన్ మాక్స్‌వెల్ లేదా మార్కస్ స్టోయినిస్ బరిలోకి దిగే అవకాశం ఉంది.
ఐపీఎల్ మెగా వేలం ద్వారా పంజాబ్ కింగ్స్ ఫ్రాంచైజీ 25 మంది సభ్యులతో కూడిన జట్టును ఏర్పాటు చేసింది. ఈ ఇరవై ఐదు మంది ఆటగాళ్లలో 8 మంది విదేశీ ఆటగాళ్లు ఉన్నారు. వీరిలో ఐదుగురు ఆస్ట్రేలియన్లే కావడం విశేషం.
పంజాబ్ జట్టులో ఆస్ట్రేలియన్ ప్లేయర్‌ను తీసుకోవడానికి ప్రధాన కారణం పంజాబ్ కింగ్స్ జట్టు కోచ్ రికీ పాంటింగ్. కొత్త జట్టును నిర్మించాలనే ఉద్దేశంతో ఉన్న పంజాబ్ కింగ్స్ ఫ్రాంచైజీ పాంటింగ్‌కు పూర్తి స్వేచ్ఛనిచ్చి, దానికి అనుగుణంగా అతను కోరుకున్న ఆటగాళ్లను ఎంపిక చేసుకునేందుకు అనుమతించింది.
ఈ అవకాశాన్ని రికీ పాంటింగ్ ఉపయోగించుకుని ఆస్ట్రేలియన్లను వేలంలో కొనుగోలు చేశాడు. పంజాబ్ కింగ్స్ జట్టులో ఆస్ట్రేలియన్ గ్లెన్ మాక్స్‌వెల్, మార్కస్ స్టోయినిస్, జోష్ ఇంగ్లిస్, జేవియర్ బ్రాట్‌లెట్, ఆరోన్ హార్డీ ఉన్నారు. అందుకే పంజాబ్ కింగ్స్ జట్టును ఆసీస్ మీడియా మినీ ఆస్ట్రేలియా జట్టుగా పేర్కొంది.
ఆస్ట్రేలియన్లు కాకుండా, పంజాబ్ కింగ్స్‌కు ఎంపికైన విదేశీ ఆటగాళ్లు ఆఫ్ఘనిస్తాన్‌కు చెందిన అజ్మతుల్లా ఒమర్జాహి, దక్షిణాఫ్రికాకు చెందిన మార్కో జాన్సెన్, న్యూజిలాండ్ పేసర్ లాకీ ఫెర్గూసన్.. ఐదుగురు ఆస్ట్రేలియన్లలో ముగ్గురు ప్లేయింగ్ ఎలెవన్‌లో చేరడం ఖాయం. అందుకు తగ్గట్టుగానే ఈసారి రికీ పాంటింగ్ సారథ్యంలో పంజాబ్ కింగ్స్ రాణిస్తుందో లేదో వేచి చూడాలి.
పంజాబ్ కింగ్స్ జట్టు: శ్రేయాస్ అయ్యర్, యుజ్వేంద్ర చాహల్, అర్ష్‌దీప్ సింగ్, మార్కస్ స్టోయినిస్, గ్లెన్ మాక్స్‌వెల్, శశాంక్ సింగ్, ప్రభ్‌సిమ్రాన్ సింగ్, హర్‌ప్రీత్ బ్రార్, విజయ్‌కుమార్ వైషాక్, యశ్ ఠాకూర్, మార్కో జాన్సెన్, జోష్ ఇంగ్లిస్, లాకీ ఫెర్గూసన్, అజ్మతుల్లా ఒమర్జాహి, ఆరోన్ హార్డీ, ముషీర్ ఖాన్, సూర్యాంశ్, జేవియర్ బ్రాట్‌లెట్, పైలా అవినాష్, ప్రవీణ్ దూబే, నెహాల్ వధేరా, హర్నూర్ పన్ను, కుల్దీప్ సేన్.