IPL 2024: గుజరాత్పై గర్జించిన లక్నో కెప్టెన్.. స్పెషల్ రికార్డులో చేరిన కేఎల్ రాహుల్..!
KL Rahul Records in IPL: టాస్ గెలిచి తొలుత బ్యాటింగ్ చేసిన లక్నో జట్టు 5 వికెట్ల నష్టానికి 163 పరుగులు చేసింది. జట్టు తరుపున స్టోయినిస్ అర్ధ సెంచరీతో రాణించగా, కెప్టెన్గా ఆడిన రాహుల్ 33 పరుగులు చేశాడు. దీని ద్వారా రాహుల్ లక్నోకు అరుదైన రికార్డు కూడా సృష్టించాడు. గుజరాత్ టైటాన్స్పై రాహుల్ 31 బంతుల్లో 3 బౌండరీలతో 33 పరుగులు చేశాడు. దీంతో లక్నో సూపర్జెయింట్స్ తరపున 1000 పరుగులు పూర్తి చేసిన తొలి బ్యాట్స్మెన్గా నిలిచాడు.
Lucknow Super Giants: లక్నోలోని ఎక్నా స్టేడియంలో గుజరాత్ టైటాన్స్తో జరిగిన మ్యాచ్లో కేఎల్ రాహుల్ నేతృత్వంలోని లక్నో సూపర్జెయింట్స్ వరుసగా మూడో లీగ్ విజయం సాధించింది. దీంతో పాయింట్ల పట్టికలో 3వ స్థానానికి ఎగబాకింది.
టాస్ గెలిచి తొలుత బ్యాటింగ్ చేసిన లక్నో 5 వికెట్ల నష్టానికి 163 పరుగులు చేసింది. లక్నో జట్టు తరుపున స్టోయినిస్ అర్ధసెంచరీతో రాణించగా, కెప్టెన్ ఇన్నింగ్స్ ఆడిన రాహుల్ 33 పరుగులతో రాణించాడు. దీని ద్వారా లక్నోకు అరుదైన రికార్డు కూడా సృష్టించాడు.
గుజరాత్ టైటాన్స్పై రాహుల్ 31 బంతుల్లో 3 బౌండరీలతో 33 పరుగులు చేశాడు. దీంతో లక్నో సూపర్జెయింట్స్ తరపున 1000 పరుగులు పూర్తి చేసిన తొలి బ్యాట్స్మెన్గా నిలిచాడు.
ఈ మ్యాచ్కు ముందు లక్నో తరుపున రాహుల్ 983 పరుగులు చేయగా.. 1000 పరుగుల మార్కును చేరుకోవడానికి రాహుల్ 17 పరుగులు చేయాల్సి ఉంది. గుజరాత్పై 17వ పరుగు చేసిన వెంటనే రాహుల్ 1000 పరుగుల మార్క్ను అధిగమించాడు.
రాహుల్ ఇప్పటి వరకు లక్నో సూపర్జెయింట్స్ తరపున 28 మ్యాచ్లు ఆడాడు. ఈ 28 మ్యాచ్ల్లో 42.33 సగటుతో 1016 పరుగులు చేశాడు. ఇందులో 2 సెంచరీలు, 7 అర్ధసెంచరీలు ఉన్నాయి.
కాగా, ఐపీఎల్ సీజన్ 17లో ఇప్పటివరకు కేఎల్ రాహుల్ 31.5 సగటుతో 126 పరుగులు చేశాడు. ఇందులో 1 హాఫ్ సెంచరీ ఉంది.