IPL 2024: ఐపీఎల్ చరిత్రలో చెత్త రికార్డులో చేరిన చాహల్.. అదేంటో తెలుసా?
IPL 2024: ఇండియన్ ప్రీమియర్ లీగ్ (IPL 2024) చరిత్రలో 200 వికెట్ల రికార్డును పూర్తి చేయడానికి యుజ్వేంద్ర చాహల్కు కేవలం 2 వికెట్లు మాత్రమే అవసరం. ఈ ఐపీఎల్ ద్వారా ఈ ప్రత్యేక రికార్డును లిఖిస్తానని చాహల్ నమ్మకంగా ఉన్నాడు. దీంతో ఐపీఎల్ చరిత్రలో 200 వికెట్లు తీసిన తొలి బౌలర్గా రికార్డులకెక్కాడు.
ఇండియన్ ప్రీమియర్ లీగ్ (IPL 2024) చరిత్రలో అత్యధిక వికెట్లు తీసిన బౌలర్గా రికార్డు సృష్టించిన యుజ్వేంద్ర చాహల్.. ఇప్పుడు అవాంఛిత రికార్డును క్లెయిమ్ చేశాడు. అది కూడా సిక్స్లతో కావడం విశేషం.
అంటే ఐపీఎల్ చరిత్రలో అత్యధిక సిక్సర్లు బాదిన బౌలర్ల జాబితాలో యుజ్వేంద్ర చాహల్ 2వ స్థానానికి చేరుకున్నాడు. 150 ఇన్నింగ్స్లలో బౌలింగ్ చేసిన చాహల్ ఇప్పటివరకు 200 సిక్సర్లు ఇచ్చాడు. దీంతో ఐపీఎల్ చరిత్రలో 200 సిక్సర్లు ఇచ్చిన 2వ బౌలర్గా నిలిచాడు.
ఇంతకు ముందు ఈ పేలవమైన రికార్డును పీయూష్ చావ్లా తన ఖాతాలో వేసుకున్నాడు. 184 ఇన్నింగ్స్లలో బౌలింగ్ చేసిన చావ్లా ఇప్పటివరకు 211 సిక్సర్లు బాదాడు. దీని ద్వారా ఐపీఎల్లో అత్యధిక సిక్సర్లు ఇచ్చిన బౌలర్గా చెత్త రికార్డును లిఖించాడు.
ఇప్పుడు పంజాబ్ కింగ్స్తో జరిగిన మ్యాచ్లో యుజ్వేంద్ర చాహల్ 2 సిక్సర్లు ఇచ్చి, 200 సిక్సర్లు పూర్తి చేశాడు. దీంతో ఐపీఎల్లో అత్యధిక సిక్సర్లు ఇచ్చిన బౌలర్ల జాబితాలో రెండో స్థానంలో నిలిచాడు.
అయితే, ఐపీఎల్ చరిత్రలో అత్యధిక వికెట్లు తీసిన ఆటగాళ్ల జాబితాలో యుజ్వేంద్ర చాహల్ అగ్రస్థానంలో ఉన్నాడు. ఇప్పటి వరకు 3305 బంతులు వేసిన చాహల్ మొత్తం 198 వికెట్లు పడగొట్టాడు. దీంతో ఐపీఎల్ చరిత్రలో 200 వికెట్లు తీసిన రికార్డును లిఖించబోతున్నాడు.