IPL 2022: ఆర్సీబీ పాలిట విలన్‌లా మారిన రూ. 7 కోట్ల హైదరాబాదీ ప్లేయర్.. 4 ఏళ్ల చెత్త రికార్డు బద్దలు.. ఎవరంటే?
ఐపీఎల్ 2022కి ముందు, ఈ చెత్త రికార్డ్ 2018 సీజన్‌లో నమోదైంది. అప్పటి నుంచి చెన్నై సూపర్ కింగ్స్ (CSK) స్టార్ ఆల్ రౌండర్ డ్వేన్ బ్రావో పేరుపైనే ఈ రికార్డ్ నిలిచింది.
ఐపీఎల్ 2022లో టైటిల్ గెలవాలన్న రాయల్ ఛాలెంజర్స్ బెంగళూరు కల మరోసారి చెదిరిపోయింది. రెండో క్వాలిఫయర్‌లో బెంగళూరు 7 వికెట్ల తేడాతో రాజస్థాన్ రాయల్స్ చేతిలో ఓడింది. బెంగళూరు ఓటమికి బ్యాటింగ్‌తోపాటు బ్యాడ్ బౌలింగ్ కూడా కారణమైంది. ముఖ్యంగా ఫాస్ట్ బౌలర్ మహ్మద్ సిరాజ్, ఈ సీజన్‌లో చెత్త బౌలర్ అని నిరూపించుకున్నాడు.
ఈ సీజన్ మొత్తం సిరాజ్‌కు చెడుగా ఉంది. చివరి వరకు ఎటువంటి మెరుగుదల లేదు. ఒక సీజన్‌లో అత్యధిక సిక్సర్లు ఇచ్చిన రికార్డులో నిలిచాడు. సిరాజ్ ఈ సీజన్‌లో 15 ఇన్నింగ్స్‌ల్లో 306 బంతులు వేసి అత్యధికంగా 31 సిక్సర్లు ఇచ్చాడు.
మెగా వేలానికి ముందు సిరాజ్‌ను బెంగుళూరు కొనసాగించింది. కానీ, వారి వ్యూహం ఏమాత్రం పనిచేయలేదు. ఆర్సీబీ, భారత పేసర్ ఈ సీజన్‌లో 51 ఓవర్లు బౌల్ చేశాడు. అందులో అతను 514 పరుగులు ఇచ్చాడు. అంటే 10.07 ఎకానమీ రేటుతో పరుగులు ఇచ్చాడు. సిరాజ్‌కు మొత్తం 9 వికెట్లు మాత్రమే లభించాయి.
అత్యధిక సిక్సర్ల జాబితాలో RCB ఏకైక బౌలర్‌గా నిలవడమే కాక, ఈ సీజన్‌లో అత్యంత విజయవంతమైన బౌలర్ వనిందు హసరంగా రెండవ స్థానంలో నిలిచాడు. లెగ్ స్పిన్నర్ హసరంగాపై 16 ఇన్నింగ్స్‌ల్లో 30 సిక్సర్లు బాదాడు. 7.54 ఎకానమీ రేటుతో పరుగులు అందించాడు. అలాగే 26 వికెట్లు కూడా తీసుకున్నాడు.
ఇప్పటి వరకు ఈ అవాంఛిత రికార్డు చెన్నై సూపర్ కింగ్స్ స్టార్ ఆల్ రౌండర్ డ్వేన్ బ్రావో పేరిట ఉంది. ఐపీఎల్ 2018లో వెస్టిండీస్ లెజెండ్ మొత్తం 29 సిక్సర్లు కొట్టాడు. ఆ సీజన్‌లో బ్రావో 14 వికెట్లు తీశాడు.